Sri Sarva Mangala Ashtakam In Bengali

॥ Sarvamangala Ashtakam Bengali Lyrics ॥

॥ সর্বমঙ্গলাষ্টকম্ ॥
শ্রীগণেশায় নমঃ ।
লক্ষ্মীর্যস্য পরিগ্রহঃ কমলভূঃ সূনুর্গরুত্মান্ রথঃ
পৌত্রশ্চন্দ্রবিভূষণঃ সুরগুরুঃ শেষশ্চ শয়্যাসনঃ ।
ব্রহ্মাণ্ডং বরমন্দিরং সুরগণা য়স্য প্রভোঃ সেবকাঃ
স ত্রৈলোক্যকুটুম্বপালনপরঃ কুর্যাত্ সদা মঙ্গলম্ ॥ ১ ॥

ব্রহ্মা বায়ুগিরীশশেষগরুডা দেবেন্দ্রকামৌ গুরুশ্-
চন্দ্রার্কৌ বরুণানলৌ মনুয়মৌ বিত্তেশবিঘ্নেশ্বরৌ ।
নাসত্যৌ নিরৃতির্মরুদ্গণয়ুতাঃ পর্জন্যমিত্রাদয়ঃ
সস্ত্রীকাঃ সুরপুঙ্গবাঃ প্রতিদিনং কুর্বন্তু বো মঙ্গলম্ ॥ ২ ॥

বিশ্বামিত্রপরাশরৌর্বভৃগবোঽগস্ত্যঃ পুলস্ত্যঃ ক্রতুঃ
শ্রীমানত্রিমরীচিকৌত্সপুলহাঃ শক্তির্বসিষ্ঠোঽঙ্গিরাঃ ।
মাণ্ডবয়ো জমদগ্নিগৌতমভরদ্বাজাদয়স্তাপসাঃ
শ্রীমদ্বিশ্ণুপদাব্জভক্তিনিরতাঃ কুর্বন্তু বো মঙ্গলম্ ॥ ৩ ॥

মান্ধাতা নহুষোঽম্বরীষসগরৌ রাজা পৃথুর্হৈহয়ঃ
শ্রীমান্ ধর্মসুতো নলো দশরথো রামো য়য়াতির্যদুঃ ।
ইক্ষ্বাকুশ্চ বিভীশণশ্চ ভরতশ্চোত্তানপাদধ্রুবা-
বিত্যাদ্যা ভুবি ভূভুজঃ প্রতিদিনং কুর্বন্তু বো মঙ্গলম্ ॥ ৪ ॥

শ্রীমেরুর্হিমবাঁশ্চ মন্দরগিরিঃ কৈলাসশৈলস্তথা
মাহেন্দ্রো মলয়শ্চ বিন্ধ্যনিষধৌ সিংহস্তথা রৈবতঃ ।
সহ্যাদ্রির্বরগন্ধমাদনগিরির্মৈনাকগোমন্তকা-
বিত্যাদ্যা ভুবি ভূভৃতঃ প্রতিদিনং কুর্বন্তু বো মঙ্গলম্ ॥ ৫ ॥

গঙ্গা সিন্ধুসরস্বতী চ য়মুনা গোদাবরী নর্মদা
কৃষ্ণা ভীমরথী চ ফল্গুসরয়ূঃ শ্রীগণ্ডকী গোমতী ।
কাবেরীকপিলাপ্রয়াগবিনতাবেত্রাবতীত্যাদয়ো
নদ্যঃ শ্রীহরিপাদপঙ্কজভবাঃ (প্রতিদিনং) কুর্বন্তু বো মঙ্গলম্ ॥ ৬ ॥

বেদাশ্চোপনিষদ্গণাশ্চ বিবিধাঃ সাঙ্গা পুরাণান্বিতা
বেদান্তা অপি মন্ত্র-তন্ত্রসহিতাস্তর্কস্মৃতীনাং গণাঃ ।
কাব্যালঙ্কৃতিনীতিনাটকগণাঃ শব্দাশ্চ নানাবিধাঃ
শ্রীবিষ্ণোর্গুণরাশিকীর্তনকরাঃ (প্রতিদিনং) কুর্বন্তু বো মঙ্গলম্ ॥ ৭ ॥

See Also  Sankashtaharanam Ganeshashtakam In Gujarati

আদিত্যাদিনবগ্রহাঃ শুভকরা মেষাদয়ো রাশয়ো
নক্ষত্রাণি সয়োগকাশ্চ তিথয়স্তদ্দেবতস্তদ্গণাঃ ।
মাসাব্দা ঋতবস্তথৈব দিবসাঃ সন্ধ্যাস্তথা রাত্রয়াঃ
সর্বে স্থাবরজঙ্গমাঃ প্রতিদিনং কুর্বন্তু বো মঙ্গলম্ ॥ ৮ ॥

ইত্যেতদ্বরমঙ্গলাষ্টকমিদং শ্রীবাদিরাজেশ্বরৈ-
র্ব্যাখাতং জগতামভীষ্টফলদং সর্বাশুভধ্বংসনম্ ।
মাঙ্গল্যাদিশুভক্রিয়াসু সততং সন্ধ্যাসু বা য়াঃ পঠেদ্-
ধর্মার্থাদিসমস্তবাঞ্ছিতফলং প্রাপ্নোত্যসৌ মানবাঃ ॥ ৯ ॥

ইতি শ্রীমদ্বাদিরাজবিরচিতং সর্বমঙ্গলাষ্টকং সম্পূর্ণম্ ।

– Chant Stotra in Other Languages –

Sri Sarva Mangala Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil