॥ Sree Sathyanarayana Ashtakam Bengali Lyrics ॥
॥ সত্যনারায়ণাষ্টকম্ ॥
আদিদেবং জগত্কারণং শ্রীধরং লোকনাথং বিভুং ব্যাপকং শঙ্করম্ ।
সর্বভক্তেষ্টদং মুক্তিদং মাধবং সত্যনারায়ণং বিষ্ণুমীশং ভজে ॥ ১ ॥
সর্বদা লোক-কল্যাণ-পারায়ণং দেব-গো-বিপ্র-রক্ষার্থ-সদ্বিগ্রহম্ ।
দীন-হীনাত্ম-ভক্তাশ্রয়ং সুন্দরং সত্যনারায়ণং বিষ্ণুমীশং ভজে ॥ ২ ॥
দক্ষিণে য়স্য গঙ্গা শুভা শোভতে রাজতে সা রমা য়স্য বামে সদা ।
য়ঃ প্রসন্নাননো ভাতি ভব্যশ্চ তং সত্যনারায়ণং বিষ্ণুমীশং ভজে ॥ ৩ ॥
সঙ্কটে সঙ্গরে য়ং জনঃ সর্বদা স্বাত্মভীনাশনায় স্মরেত্ পীডিতঃ ।
পূর্ণকৃত্যো ভবেদ্ য়ত্প্রসাদাচ্চ তং সত্যনারায়ণং বিষ্ণুমীশং ভজে ॥ ৪ ॥
বাঞ্ছিতং দুর্লভং য়ো দদাতি প্রভুঃ সাধবে স্বাত্মভক্তায় ভক্তিপ্রিয়ঃ ।
সর্বভূতাশ্রয়ং তং হি বিশ্বম্ভরং সত্যনারায়ণং বিষ্ণুমীশং ভজে ॥ ৫ ॥
ব্রাহ্মণঃ সাধু-বৈশ্যশ্চ তুঙ্গধ্বজো য়েঽভবন্ বিশ্রুতা য়স্য ভক্ত্যাঽমরা ।
লীলয়া য়স্য বিশ্বং ততং তং বিভুং সত্যনারায়ণং বিষ্ণুমীশং ভজে ॥ ৬ ॥
য়েন চাব্রহ্মবালতৃণং ধার্যতে সৃজ্যতে পাল্যতে সর্বমেতজ্জগত্ ।
ভক্তভাবপ্রিয়ং শ্রীদয়াসাগরং সত্যনারায়ণং বিষ্ণুমীশং ভজে ॥ ৭ ॥
সর্বকামপ্রদং সর্বদা সত্প্রিয়ং বন্দিতং দেববৃন্দৈর্মুনীন্দ্রার্চিতম্ ।
পুত্র-পৌত্রাদি-সর্বেষ্টদং শাশ্বতং সত্যনারায়ণং বিষ্ণুমীশং ভজে ॥ ৮ ॥
অষ্টকং সত্যদেবস্য ভক্ত্যা নরঃ ভাবয়ুক্তো মুদা য়স্ত্রিসন্ধ্যং পঠেত্ ।
তস্য নশ্যন্তি পাপানি তেনাঽগ্নিনা ইন্ধনানীব শুষ্কাণি সর্বাণি বৈ ॥ ৯ ॥
ইতি সত্যনারায়ণাষ্টকং সম্পূর্ণম্ ।
– Chant Stotra in Other Languages –
Sri Vishnu Slokam » Sri Satyanarayana Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil