॥ Sree Sathyanarayana Ashtakam Kannada Lyrics ॥
॥ ಸತ್ಯನಾರಾಯಣಾಷ್ಟಕಮ್ ॥
ಆದಿದೇವಂ ಜಗತ್ಕಾರಣಂ ಶ್ರೀಧರಂ ಲೋಕನಾಥಂ ವಿಭುಂ ವ್ಯಾಪಕಂ ಶಂಕರಮ್ ।
ಸರ್ವಭಕ್ತೇಷ್ಟದಂ ಮುಕ್ತಿದಂ ಮಾಧವಂ ಸತ್ಯನಾರಾಯಣಂ ವಿಷ್ಣುಮೀಶಂ ಭಜೇ ॥ 1 ॥
ಸರ್ವದಾ ಲೋಕ-ಕಲ್ಯಾಣ-ಪಾರಾಯಣಂ ದೇವ-ಗೋ-ವಿಪ್ರ-ರಕ್ಷಾರ್ಥ-ಸದ್ವಿಗ್ರಹಮ್ ।
ದೀನ-ಹೀನಾತ್ಮ-ಭಕ್ತಾಶ್ರಯಂ ಸುನ್ದರಂ ಸತ್ಯನಾರಾಯಣಂ ವಿಷ್ಣುಮೀಶಂ ಭಜೇ ॥ 2 ॥
ದಕ್ಷಿಣೇ ಯಸ್ಯ ಗಂಗಾ ಶುಭಾ ಶೋಭತೇ ರಾಜತೇ ಸಾ ರಮಾ ಯಸ್ಯ ವಾಮೇ ಸದಾ ।
ಯಃ ಪ್ರಸನ್ನಾನನೋ ಭಾತಿ ಭವ್ಯಶ್ಚ ತಂ ಸತ್ಯನಾರಾಯಣಂ ವಿಷ್ಣುಮೀಶಂ ಭಜೇ ॥ 3 ॥
ಸಂಕಟೇ ಸಂಗರೇ ಯಂ ಜನಃ ಸರ್ವದಾ ಸ್ವಾತ್ಮಭೀನಾಶನಾಯ ಸ್ಮರೇತ್ ಪೀಡಿತಃ ।
ಪೂರ್ಣಕೃತ್ಯೋ ಭವೇದ್ ಯತ್ಪ್ರಸಾದಾಚ್ಚ ತಂ ಸತ್ಯನಾರಾಯಣಂ ವಿಷ್ಣುಮೀಶಂ ಭಜೇ ॥ 4 ॥
ವಾಂಛಿತಂ ದುರ್ಲಭಂ ಯೋ ದದಾತಿ ಪ್ರಭುಃ ಸಾಧವೇ ಸ್ವಾತ್ಮಭಕ್ತಾಯ ಭಕ್ತಿಪ್ರಿಯಃ ।
ಸರ್ವಭೂತಾಶ್ರಯಂ ತಂ ಹಿ ವಿಶ್ವಮ್ಭರಂ ಸತ್ಯನಾರಾಯಣಂ ವಿಷ್ಣುಮೀಶಂ ಭಜೇ ॥ 5 ॥
ಬ್ರಾಹ್ಮಣಃ ಸಾಧು-ವೈಶ್ಯಶ್ಚ ತುಂಗಧ್ವಜೋ ಯೇಽಭವನ್ ವಿಶ್ರುತಾ ಯಸ್ಯ ಭಕ್ತ್ಯಾಽಮರಾ ।
ಲೀಲಯಾ ಯಸ್ಯ ವಿಶ್ವಂ ತತಂ ತಂ ವಿಭುಂ ಸತ್ಯನಾರಾಯಣಂ ವಿಷ್ಣುಮೀಶಂ ಭಜೇ ॥ 6 ॥
ಯೇನ ಚಾಬ್ರಹ್ಮಬಾಲತೃಣಂ ಧಾರ್ಯತೇ ಸೃಜ್ಯತೇ ಪಾಲ್ಯತೇ ಸರ್ವಮೇತಜ್ಜಗತ್ ।
ಭಕ್ತಭಾವಪ್ರಿಯಂ ಶ್ರೀದಯಾಸಾಗರಂ ಸತ್ಯನಾರಾಯಣಂ ವಿಷ್ಣುಮೀಶಂ ಭಜೇ ॥ 7 ॥
ಸರ್ವಕಾಮಪ್ರದಂ ಸರ್ವದಾ ಸತ್ಪ್ರಿಯಂ ವನ್ದಿತಂ ದೇವವೃನ್ದೈರ್ಮುನೀನ್ದ್ರಾರ್ಚಿತಮ್ ।
ಪುತ್ರ-ಪೌತ್ರಾದಿ-ಸರ್ವೇಷ್ಟದಂ ಶಾಶ್ವತಂ ಸತ್ಯನಾರಾಯಣಂ ವಿಷ್ಣುಮೀಶಂ ಭಜೇ ॥ 8 ॥
ಅಷ್ಟಕಂ ಸತ್ಯದೇವಸ್ಯ ಭಕ್ತ್ಯಾ ನರಃ ಭಾವಯುಕ್ತೋ ಮುದಾ ಯಸ್ತ್ರಿಸನ್ಧ್ಯಂ ಪಠೇತ್ ।
ತಸ್ಯ ನಶ್ಯನ್ತಿ ಪಾಪಾನಿ ತೇನಾಽಗ್ನಿನಾ ಇನ್ಧನಾನೀವ ಶುಷ್ಕಾಣಿ ಸರ್ವಾಣಿ ವೈ ॥ 9 ॥
ಇತಿ ಸತ್ಯನಾರಾಯಣಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Vishnu Slokam » Sri Satyanarayana Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil