॥ Shachinandana Vijaya Ashtakam Bengali Lyrics ॥
শ্রীশচীনন্দনবিজয়াষ্টকম্
গদাধর য়দা পরঃ স কিল কশ্চনালোকিতো
ময়া শ্রিতগয়াধ্বনা মধুরমূর্তিরেকস্তদা ।
নবাম্বুদ ইব ব্রুবন্ ধৃতনবাম্বুদো নেত্রয়ো-
র্লুঠন্ ভুবি নিরুদ্ধবাগ্বিজয়তে শচীনন্দনঃ ॥ ১ ॥
অলক্ষিতচরীং হরীত্যুদিতমাত্রতঃ কিং দশাং
অসাবতিবুধাগ্রণীরতুলকম্পসম্পাদিকাম্ ।
ব্রজন্নহহ মোদতে ন পুনরত্র শাস্ত্রেষ্বিতি
স্বশিষ্যগণবেষ্টিতো বিজয়তে শচীনন্দনঃ ॥ ২ ॥
হা হা কিমিদমুচ্যতে পঠ পঠাত্র কৃষ্ণং মুহু-
র্বিনা তমিহ সাধুতাং দধতি কিং বুধা ধাতবঃ ।
প্রসিদ্ধ ইহ বর্ণসঙ্ঘটিতসম্যগাম্নায়কঃ
স্বনাম্নি য়দিতি ব্রুবন্বিজয়তে শচীনন্দনঃ ॥ ৩ ॥
নবাম্বুজদলে য়দীক্ষণসবর্ণতাদীর্ঘতে
সদা স্বহৃদি ভাব্যতাং সপদি সাধ্যতাং তত্পদম্ ।
স পাঠয়তি বিস্মিতান্ স্মিতমুখঃ স্বশিষ্যানিতি
প্রতিপ্রকরণং প্রভুর্বিজয়তে শচীনন্দনঃ ॥ ৪ ॥
ক্ব য়ানি করবাণি কিং ক্ব নু ময়া হরির্লভ্যতাং
তমুদ্দিশতু কঃ সখে কথয় কঃ প্রপদ্যেত মাম্ ।
ইতি দ্রবতি ঘূর্ণতে কলিতভক্তকণ্ঠঃ শুচা
স মূর্চ্ছয়তি মাতরং বিজয়তে শচীনন্দনঃ ॥ ৫ ॥
স্মরার্বুদদুরাপয়া তনুরুচিচ্ছটাচ্ছায়য়া
তমঃ কলিতমঃকৃতং নিখিলমেব নির্মূলয়ন্ ।
নৃণাং নয়নসৌভগং দিবিষদাং মুখৈস্তারয়ন্
লসন্নধিধরঃ প্রভুর্বিজয়তে শচীনন্দনঃ ॥ ৬ ॥
অয়ং কনকভূধরঃ প্রণয়রত্নমুচ্চৈঃ কিরন্
কৃপাতুরতয়া ব্রজন্নভবদত্র বিশ্বম্ভরঃ ।
য়দক্ষি পথসঞ্চরত্সুরধুনীপ্রবাহৈর্নিজং
পরং চ জগদার্দ্রয়ন্বিজয়তে শচীনন্দনঃ ॥ ৭ ॥
গতোঽস্মি মধুরাং মম প্রিয়তমা বিশাখা সখী
গতা নু বত কিং দশাং বদ কথং নু বেদানি তাম্ ।
ইতীব স নিজেচ্ছয়া ব্রজপতেঃ সুতঃ প্রাপিত-
স্তদীয়রসচর্বণাং বিজয়তে শচীনন্দনঃ ॥ ৮ ॥
ইদং পঠতি য়োঽষ্টকং গুণনিধে শচীনন্দন
প্রভো তব পদাম্বুজে স্ফুরদমন্দবিশ্রম্ভবান্ ।
তমুজ্জ্বলমতিং নিজপ্রণয়রূপবর্গানুগং
বিধায় নিজধামনি দ্রুতমুরীকুরুষ্ব স্বয়ম্ ॥ ৯ ॥
ইতি শ্রীবিশ্বনাথচক্রবর্তিঠক্কুরবিরচিতস্তবামৃতলহর্যাং
শ্রীশচীনন্দনবিজয়াষ্টকং সম্পূর্ণম্ ।
– Chant Stotra in Other Languages –
Shachinandana Vijaya Ashtakam Lyrics in Sanskrit » English » Gujarati » Kannada » Odia » Telugu » Tamil