॥ Sri Shachinandana Vijaya Ashtakam in Odia ॥
ଶ୍ରୀଶଚୀନନ୍ଦନଵିଜୟାଷ୍ଟକମ୍
ଗଦାଧର ୟଦା ପରଃ ସ କିଲ କଶ୍ଚନାଲୋକିତୋ
ମୟା ଶ୍ରିତଗୟାଧ୍ଵନା ମଧୁରମୂର୍ତିରେକସ୍ତଦା ।
ନଵାମ୍ବୁଦ ଇଵ ବ୍ରୁଵନ୍ ଧୃତନଵାମ୍ବୁଦୋ ନେତ୍ରୟୋ-
ର୍ଲୁଠନ୍ ଭୁଵି ନିରୁଦ୍ଧଵାଗ୍ଵିଜୟତେ ଶଚୀନନ୍ଦନଃ ॥ ୧ ॥
ଅଲକ୍ଷିତଚରୀଂ ହରୀତ୍ୟୁଦିତମାତ୍ରତଃ କିଂ ଦଶାଂ
ଅସାଵତିବୁଧାଗ୍ରଣୀରତୁଲକମ୍ପସମ୍ପାଦିକାମ୍ ।
ଵ୍ରଜନ୍ନହହ ମୋଦତେ ନ ପୁନରତ୍ର ଶାସ୍ତ୍ରେଷ୍ଵିତି
ସ୍ଵଶିଷ୍ୟଗଣଵେଷ୍ଟିତୋ ଵିଜୟତେ ଶଚୀନନ୍ଦନଃ ॥ ୨ ॥
ହା ହା କିମିଦମୁଚ୍ୟତେ ପଠ ପଠାତ୍ର କୃଷ୍ଣଂ ମୁହୁ-
ର୍ଵିନା ତମିହ ସାଧୁତାଂ ଦଧତି କିଂ ବୁଧା ଧାତଵଃ ।
ପ୍ରସିଦ୍ଧ ଇହ ଵର୍ଣସଙ୍ଘଟିତସମ୍ୟଗାମ୍ନାୟକଃ
ସ୍ଵନାମ୍ନି ୟଦିତି ବ୍ରୁଵନ୍ଵିଜୟତେ ଶଚୀନନ୍ଦନଃ ॥ ୩ ॥
ନଵାମ୍ବୁଜଦଲେ ୟଦୀକ୍ଷଣସଵର୍ଣତାଦୀର୍ଘତେ
ସଦା ସ୍ଵହୃଦି ଭାଵ୍ୟତାଂ ସପଦି ସାଧ୍ୟତାଂ ତତ୍ପଦମ୍ ।
ସ ପାଠୟତି ଵିସ୍ମିତାନ୍ ସ୍ମିତମୁଖଃ ସ୍ଵଶିଷ୍ୟାନିତି
ପ୍ରତିପ୍ରକରଣଂ ପ୍ରଭୁର୍ଵିଜୟତେ ଶଚୀନନ୍ଦନଃ ॥ ୪ ॥
କ୍ଵ ୟାନି କରଵାଣି କିଂ କ୍ଵ ନୁ ମୟା ହରିର୍ଲଭ୍ୟତାଂ
ତମୁଦ୍ଦିଶତୁ କଃ ସଖେ କଥୟ କଃ ପ୍ରପଦ୍ୟେତ ମାମ୍ ।
ଇତି ଦ୍ରଵତି ଘୂର୍ଣତେ କଲିତଭକ୍ତକଣ୍ଠଃ ଶୁଚା
ସ ମୂର୍ଚ୍ଛୟତି ମାତରଂ ଵିଜୟତେ ଶଚୀନନ୍ଦନଃ ॥ ୫ ॥
ସ୍ମରାର୍ବୁଦଦୁରାପୟା ତନୁରୁଚିଚ୍ଛଟାଚ୍ଛାୟୟା
ତମଃ କଲିତମଃକୃତଂ ନିଖିଲମେଵ ନିର୍ମୂଲୟନ୍ ।
ନୃଣାଂ ନୟନସୌଭଗଂ ଦିଵିଷଦାଂ ମୁଖୈସ୍ତାରୟନ୍
ଲସନ୍ନଧିଧରଃ ପ୍ରଭୁର୍ଵିଜୟତେ ଶଚୀନନ୍ଦନଃ ॥ ୬ ॥
ଅୟଂ କନକଭୂଧରଃ ପ୍ରଣୟରତ୍ନମୁଚ୍ଚୈଃ କିରନ୍
କୃପାତୁରତୟା ଵ୍ରଜନ୍ନଭଵଦତ୍ର ଵିଶ୍ଵମ୍ଭରଃ ।
ୟଦକ୍ଷି ପଥସଞ୍ଚରତ୍ସୁରଧୁନୀପ୍ରଵାହୈର୍ନିଜଂ
ପରଂ ଚ ଜଗଦାର୍ଦ୍ରୟନ୍ଵିଜୟତେ ଶଚୀନନ୍ଦନଃ ॥ ୭ ॥
ଗତୋଽସ୍ମି ମଧୁରାଂ ମମ ପ୍ରିୟତମା ଵିଶାଖା ସଖୀ
ଗତା ନୁ ବତ କିଂ ଦଶାଂ ଵଦ କଥଂ ନୁ ଵେଦାନି ତାମ୍ ।
ଇତୀଵ ସ ନିଜେଚ୍ଛୟା ଵ୍ରଜପତେଃ ସୁତଃ ପ୍ରାପିତ-
ସ୍ତଦୀୟରସଚର୍ଵଣାଂ ଵିଜୟତେ ଶଚୀନନ୍ଦନଃ ॥ ୮ ॥
ଇଦଂ ପଠତି ୟୋଽଷ୍ଟକଂ ଗୁଣନିଧେ ଶଚୀନନ୍ଦନ
ପ୍ରଭୋ ତଵ ପଦାମ୍ବୁଜେ ସ୍ଫୁରଦମନ୍ଦଵିଶ୍ରମ୍ଭଵାନ୍ ।
ତମୁଜ୍ଜ୍ଵଲମତିଂ ନିଜପ୍ରଣୟରୂପଵର୍ଗାନୁଗଂ
ଵିଧାୟ ନିଜଧାମନି ଦ୍ରୁତମୁରୀକୁରୁଷ୍ଵ ସ୍ଵୟମ୍ ॥ ୯ ॥
ଇତି ଶ୍ରୀଵିଶ୍ଵନାଥଚକ୍ରଵର୍ତିଠକ୍କୁରଵିରଚିତସ୍ତଵାମୃତଲହର୍ୟାଂ
ଶ୍ରୀଶଚୀନନ୍ଦନଵିଜୟାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Shachinandana Vijaya Ashtakam Lyrics in Sanskrit » English » Bengali » Gujarati » Kannada » Telugu » Tamil