॥ Sri Shachisunva Ashtakam Telugu Lyrics ॥
॥ శచీసూన్వష్టకమ్ ॥
హరిర్దృష్ట్వా గోష్ఠే ముకురగతమాత్మానమతులం
స్వమాధుర్యం రాధప్రియతరసఖీవాప్తుమభితః ।
అహో గౌడే జాతః ప్రభురపరగౌరైకతనుభాక్
శచీసూనుః కిం మే నయనసరణీం యాస్యతి పదమ్ ॥ ౧ ॥
పురీదేవయాన్తఃప్రణయమధునా స్నానమధురో
ముహుర్గోవిన్దోద్యద్విశదపరిచర్యార్చితపదః ।
స్వరూపస్య ప్రాణార్బుదపరిచర్యార్చితపదః
శచీసూనుః కిం మే నయనసరణీం యాస్యతి పదమ్ ॥ ౨ ॥
దధానః కౌపీనం తదుపరి బహిర్వస్త్రమరుణం
ప్రకాణ్డో హేమాద్రిద్యుతిభిరభితః సేవితతనుః ।
ముదా గాయన్నుచ్చైర్నిజమధురనామావలిమసౌ
శచీసూనుః కిం మే నయనసరణీం యాస్యతి పదమ్ ॥ ౩ ॥
అనావేద్యాం పూర్వైరపి మునిగణైర్భక్తినిపుణైః
శ్రుతేర్గూఢాం ప్రేమోజ్జ్వలరసఫలాం భక్తిలతికామ్ ।
కృపాలుస్తాం గౌడే ప్రభు అతికృపాభిః ప్రకటయ-
న్శచీసూనుః కిం మే నయనసరణీం యాస్యతి పదమ్ ॥ ౪ ॥
నిజత్వే గౌడీయాన్జగతి పరిగృహ్య ప్రభురిమా-
న్హరే కృష్ణేత్యేవం గణనవిధినా కీర్తయత భోః ।
ఇతి ప్రాయాం శిక్షాం చరణమధుపేభ్యః పరిదిశ-
న్శచీసూనుః కిం మే నయనసరణీం యాస్యతి పదమ్ ॥ ౫ ॥
పురః పశ్యన్నీలాచలపతిమురుప్రేమనివహైః
క్షరన్నేత్రామ్భోభిః స్నపితనిజదీర్ఘోజ్జ్వలతనుః ।
సదా తిష్ఠన్దేశే ప్రణయిగరుడస్తమ్భచరమే
శచీసూనుః కిం మే నయనసరణీం యాస్యతి పదమ్ ॥ ౬ ॥
ముదా దన్తరి దృష్ట్వా ద్యుతివిజితబన్ధూకమధరం
కరం కృత్వా వామం కటినిహితమన్యం పరిలసన్।
సముత్థాప్య ప్రేమ్ణాగణితపులకో నృత్యకుతుకీ
శచీసూనుః కిం మే నయనసరణీం యాస్యతి పదమ్ ॥ ౭ ॥
సరోత్తీరారామే విరహవిధురో గోకులవిధో-
ర్నదీమన్యాం కుర్వన్నయనజలధారావితతిభిః ।
ముహుర్మూర్చ్ఛాం గచ్ఛన్మృతకమివ విశ్వం విరచయ-
న్శచీసూనుః కిం మే నయనసరణీం యాస్యతి పదమ్ ॥ ౮ ॥
శచీసూనోరస్యాష్టకమిదమభీష్టం విరచయ-
న్సదా దైన్యోద్రేకాదతివిశదబుద్ధిః పఠతి యః ।
ప్రకామం చైతన్యః ప్రభురతికృపావేశవివశః
పృథుప్రేమామ్భోధౌ ప్రథితరసదే మజ్జయతి తమ్ ॥ ౯ ॥
ఇతి శ్రీరఘునాథదాసగోస్వామివిరచితస్తవావల్యాం
శ్రీశచీసూన్వష్టకం సమ్పూర్ణమ్ ।
– Chant Stotra in Other Languages –
Shachisunva Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil