Sri Shani Vajra Panjara Kavacham In Telugu

॥ Sri Shani Vajra Panjara Kavacham Telugu Lyrics ॥

॥ శ్రీ శని వజ్రపంజర కవచం ॥
ఓం అస్య శ్రీశనైశ్చరవజ్రపంజర కవచస్య కశ్యప ఋషిః అనుష్టుప్ ఛందః శ్రీ శనైశ్చర దేవతా శ్రీశనైశ్చర ప్రీత్యర్థే జపే వినియోగః ।

ధ్యానమ్ ।
నీలాంబరో నీలవపుః కిరీటీ
గృధ్రస్థితస్త్రాసకరో ధనుష్మాన్ ।
చతుర్భుజః సూర్యసుతః ప్రసన్నః
సదా మమ స్యాద్వరదః ప్రశాంతః ॥ ౧ ॥

బ్రహ్మోవాచ ।
శృణుధ్వం ఋషయః సర్వే శనిపీడాహరం మహత్ ।
కవచం శనిరాజస్య సౌరేరిదమనుత్తమమ్ ॥ ౨ ॥

కవచం దేవతావాసం వజ్రపంజరసంజ్ఞకమ్ ।
శనైశ్చర ప్రీతికరం సర్వసౌభాగ్యదాయకమ్ ॥ ౩ ॥

(కవచమ్)
ఓం శ్రీశనైశ్చరః పాతు భాలం మే సూర్యనందనః ।
నేత్రే ఛాయాత్మజః పాతు పాతు కర్ణౌ యమానుజః ॥ ౪ ॥

నాసాం వైవస్వతః పాతు ముఖం మే భాస్కరః సదా ।
స్నిగ్ధకంఠశ్చ మే కంఠం భుజౌ పాతు మహాభుజః ॥ ౫ ॥

స్కంధౌ పాతు శనిశ్చైవ కరౌ పాతు శుభప్రదః ।
వక్షః పాతు యమభ్రాతా కుక్షిం పాత్వసితస్తథా ॥ ౬ ॥

నాభిం గ్రహపతిః పాతు మందః పాతు కటిం తథా ।
ఊరూ మమాంతకః పాతు యమో జానుయుగం తథా ॥ ౭ ॥

పాదౌ మందగతిః పాతు సర్వాంగం పాతు పిప్పలః ।
అంగోపాంగాని సర్వాణి రక్షేన్మే సూర్యనందనః ॥ ౮ ॥

See Also  Ganapati Prarthana Ghanapatham In Telugu

(ఫలశ్రుతిః)
ఇత్యేతత్కవచం దివ్యం పఠేత్సూర్యసుతస్య యః ।
న తస్య జాయతే పీడా ప్రీతో భవతి సూర్యజః ॥ ౯ ॥

వ్యయజన్మద్వితీయస్థో మృత్యుస్థానగతోఽపి వా ।
కలత్రస్థో గతో వాపి సుప్రీతస్తు సదా శనిః ॥ ౧౦ ॥

అష్టమస్థే సూర్యసుతే వ్యయే జన్మద్వితీయగే ।
కవచం పఠతే నిత్యం న పీడా జాయతే క్వచిత్ ॥ ౧౧ ॥

ఇత్యేతత్కవచం దివ్యం సౌరేర్యన్నిర్మితం పురా ।
ద్వాదశాష్టమజన్మస్థదోషాన్నాశయతే సదా ।
జన్మలగ్నస్థితాన్ దోషాన్ సర్వాన్నాశయతే ప్రభుః ॥ ౧౨ ॥

ఇతి శ్రీబ్రహ్మాండపురాణే బ్రహ్మనారదసంవాదే శనివజ్రపంజర కవచమ్ ।

– Chant Stotra in Other Languages –

Sri Shani Vajra Panjara Kavacham in EnglishSanskritKannada – Telugu – Tamil