॥ Sri Shankaracharya Ashtakam Malayalam Lyrics ॥
॥ ശ്രീശങ്കരാചാര്യാഷ്ടകം ॥
ശ്രീഗണേശായ നമഃ ।
അഥ ശ്രീശങ്കരാചാര്യാഷ്ടകം ।
ധര്‍മോ ബ്രഹ്മേത്യുഭയവിഷയം ജ്ഞാപയത്യേവ വേദോ
നായം ലോകേ പുരുഷമതിജഃ കാവ്യകല്‍പാനുകല്‍പഃ ।
പ്രാമാണ്യം ച സ്വയമിഹ ഭവേദിത്യനൂദ്ദിഷ്ടവന്തം
ഭാഷ്യാചാര്യം പ്രണമത സദാ ശങ്കരം ന്യാസിവര്യം ॥ 1 ॥
ധര്‍മോ നിത്യം വിധിവിഷയതോ ജ്ഞാപയത്യേഷ വേദ-
സ്തസ്മിന്നിഷ്ഠാ ദ്വിവിധമുദിതാ കാമജാകാമജാഭ്യാം ।
കാംയം കര്‍മ ത്രിദിവഭുവനായേത്യനൂദ്ദിഷ്ടവന്തം
ഭാഷ്യാചാര്യം പ്രണമത സദാ ശങ്കരം ന്യാസിവര്യം ॥ 2 ॥
കാമാപേതം ഭവതി മനസഃ ശോധനായാത്ര ലോകേ
തസ്മാന്നൂനം വിവിദിഷതി നാ സാധനൈഃ സംയുതഃ സന്‍ ।
തസ്മാദ്ധര്‍മം ചരത മനുജാ ഇത്യനൂദ്ദിഷ്ടവനതം
ഭാഷ്യാചാര്യം പ്രണമത സദാ ശങ്കരം ന്യാസിവര്യം ॥ 3 ॥
വേദോ യസ്മിന്‍ വിധിമുഖഭിദാ ഷഡ്വിധഃ ശാസ്ത്രസിദ്ധോ
വൈധോ ഭേദോ ദശഹതശതം പൂര്‍വതന്ത്രേ പ്രസിദ്ധഃ ।
ധര്‍മാദ്യര്‍ഥഃ പ്രമിതിപുരതശ്ചേത്യനൂദ്ദിഷ്ടവന്തം
ഭാഷ്യാചാര്യം പ്രണമത സദാ ശങ്കരം ന്യാസിവര്യം ॥ 4 ॥
അദ്വൈതാര്‍ഥഗ്രഹണപടുതാം പൂര്‍വതന്ത്രാനുകൂലം
ശാസ്ത്രാജ്ജ്ഞാത്വാ കുരുത സുധിയോ ധര്‍മചര്യാം യഥാര്‍ഥം ।
നോചേത്കഷ്ടം നരകഗമനം ചേത്യനൂദ്ദിഷ്ടവന്തം
ഭാഷ്യാചാര്യം പ്രണമത സദാ ശങ്കരം ന്യാസിവര്യം ॥ 5 ॥
ദ്വൈതം മിഥ്യാ യദി ഭവതി ചേത്പ്രാപ്യതേഽദ്വൈതസിദ്ധി-
സ്തസ്യാഃ പ്രാപ്ത്യൈ പ്രഥമമധുനാ സാധ്യതേ ദ്വൈതനിഷ്ഠം ।
മിഥ്യാത്വം യച്ഛ്രുതിശതഗതം ചേത്യനൂദ്ദിഷ്ടവന്തം
ഭാഷ്യാചാര്യം പ്രണമത സദാ ശങ്കരം ന്യാസിവര്യം ॥ 6 ॥
നാനാ നേഹേത്യുപദിശതി വാഗ്ദ്വൈതമിഥ്യാത്വസിദ്ധ്യൈ
ദ്വൈതം മിഥ്യാ പരിമിതിഗതേര്‍ദൃശ്യതഃ സ്വപ്നവത്സ്യാത് ।
ഏവംരൂപാ ഹ്യനുമിതിമിതിശേത്യനൂദ്ദിഷ്ടവന്തം
ഭാഷ്യാചാര്യം പ്രണമത സദാ ശങ്കരം ന്യാസിവര്യം ॥ 7 ॥
ഏവം മിഥ്യാ ജഗദിദമിതി ജ്ഞായതാം നിശ്ചയേന
ബ്രഹ്മാഹം ചേത്യലമനുഭവഃ പ്രാപ്യതാം വേദവാക്യാത് ।
ശാന്തോ ഭൂയാത് തദനു ച സുഖം ചേത്യനൂദ്ദിഷ്ടവന്തം
ശാന്ത്യാനന്ദഃ പ്രണമതി യതിഃ ശങ്കരാചാര്യമൂര്‍തിം ॥ 8 ॥
ശാന്ത്യാനന്ദസരസ്വത്യാ കൃതം ശാങ്കരമഷ്ടകം ।
യഃ പഠേദ്ഭക്തിസംയുക്തഃ സ സര്‍വാം സിദ്ധിമാപ്നുയാത് ॥ 9 ॥
ഇതി ശ്രീപരമഹംസപരിവ്രാജകാചാര്യശ്രീശാന്ത്യാനന്ദസരസ്വതിവിരചിതം
ശ്രീശങ്കരാചാര്യാഷ്ടകം സമാപ്തം ॥
– Chant Stotra in Other Languages –
Sri Shankaracharya Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil