॥ Sri Sharada Shatashlokistavah Odia Lyrics ॥
ଶ୍ରୀଶାରଦାଶତଶ୍ଲୋକୀସ୍ତଵଃ
କରୋତୁ ପଦଵିନ୍ୟାସାନ୍କମଲାସନକାମିନୀ ।
ଜିହ୍ଵାଗ୍ରେ ମମ କାରୁଣ୍ୟାଜ୍ଜିତଚନ୍ଦ୍ରାୟୁତପ୍ରଭା ॥ ୧ ॥
ପାପେଽପି ଶାରଦାମ୍ବ ତ୍ଵଂ କୃତ୍ଵା ବହୁକୃପାଂ ମୟି ।
ଗରୀୟସୀଂ ଚାପି ଵାଞ୍ଛାଂ ପୂରୟାଶୁ କୃପାନିଧେ ॥ ୨ ॥
ବହୁଭିସ୍ତ୍ଵଦ୍ଵଦନାମ୍ବୁଜମୁଲ୍ଲେଖୈଃ ସ୍ତୋତୁମାର୍ୟଜନହୃଦ୍ୟୈଃ ।
ପ୍ରତିଭାଂ ପ୍ରୟଚ୍ଛ ମହ୍ୟଂ କରୁଣାଜଲଧେ ପୟୋଜଭଵଜାୟେ ॥ ୩ ॥
ଚମ୍ପକସୁମକୋରକୟୁକ୍ଚକିତମୃଗୀପ୍ରେକ୍ଷଣେନ ସଂୟୁକ୍ତମ୍ ।
ଶୁକକେକିନିନଦଜୁଷ୍ଟଂ ଵନମିଵ ତଵ ଭାତି ଵଦନାବ୍ଜମ୍ ॥ ୪ ॥
ନାସିକାଖ୍ୟଵରଶାଖୟା ୟୁତଂ ଖଞ୍ଜରୀଟଖଗୟୁଗ୍ମଭୂଷିତମ୍ ।
ପକ୍ଵବିମ୍ବଫଲସଂୟୁତଂ ଶିଵେ ଭାତି ଭୂରୁହ ଇଵାନନଂ ତଵ ॥ ୫ ॥
ଭକ୍ତକେକିକୁଲତୋଷଣଵ୍ରତଂ ପଦ୍ମସମ୍ଭଵହୃଦମ୍ବରାଶ୍ରିତମ୍ ।
ଗଦ୍ୟପଦ୍ୟମୟଵାରିସନ୍ଦଦନ୍ମେଘଵତ୍ତଵ ମୁଖଂ ଵିଭାତି ମେ ॥ ୬ ॥
ନେତ୍ରୋତ୍ପଲାଲଙ୍କୃତମଧ୍ୟଭାଗଂ ଭ୍ରୂଵଲ୍ଲିକାବମ୍ଭରପଙ୍କ୍ତିରମ୍ୟମ୍ ।
ପକ୍ଷ୍ମାଲିଶୈଵାଲୟୁତଂ ଵିଭାତି ତଵାସ୍ୟମେତତ୍ସରସୀଵ ଵାଣି ॥ ୭ ॥
ସୁଚିଲ୍ଲିକାତୋରଣଶୋଭମାନଂ ଵିଶାଲଫାଲାଙ୍ଗଣରମ୍ୟରମ୍ୟମ୍ ।
ଉତ୍ତୁଙ୍ଗମାଣିକ୍ୟକିରୀଟହର୍ମ୍ୟଂ ଵିଭାତି ଵେଶ୍ମେଵ ତଵାମ୍ବ ଵକ୍ତ୍ରମ୍ ॥ ୮ ॥
ନୟନଝଷୟୁତୋଽୟଂ ଦନ୍ତମୁକ୍ତାଫଲାଢ୍ୟୋ
ଦଶନଵସନନାମଶ୍ରୀପ୍ରଵାଲପ୍ରଭାୟୁକ୍ ।
ପ୍ରତିପଦମଭିଵୃଦ୍ଧୈଃ କାନ୍ତିପୂରୈଃ ସମେତଃ
ଶରଧିରିଵ ଵିଭାତି ତ୍ଵନ୍ମୁଖଂ ଵାକ୍ସଵିତ୍ରି ॥ ୯ ॥
କଲୟ କଲିଵିମୋକଂ କାଲକାଲାନୁଜାତେ
କଲୟ ଶୁଭସମୃଦ୍ଧିଂ ଭୂମିମଧ୍ୟେଽଖିଲେଽସ୍ମିନ୍ ।
କଲୟ ରୁଚିସମୃଦ୍ଧିଂ ସ୍ଵସ୍ଵଧର୍ମେ ଜନାନାଂ
କଲୟ ସୁଖସମୃଦ୍ଧିଂ ସ୍ଵସ୍ଵଧର୍ମେ ରତାନାମ୍ ॥ ୧୦ ॥
ସ୍ଫୁର ହ୍ରୁଦୟସରୋଜେ ଶାରଦେ ଶୁଭ୍ରଵର୍ଣେ
କଲଶମମୃତପୂର୍ଣଂ ମାଲିକାଂ ବୋଧମୁଦ୍ରାମ୍ ।
ସରସିଜନିଭହସ୍ତୈର୍ବିଭ୍ରତୀ ପୁସ୍ତକଂ ଚ
ପ୍ରଣତହୃଦୟମଚ୍ଛଂ କୁର୍ଵତୀ ତୂର୍ଣମେଵ ॥ ୧୧ ॥
ପାଲୟ ମାଂ କରୁଣାବ୍ଧେ ପରିଵାରୟୁତଂ ତ୍ଵିହାପି ଶୃଙ୍ଗାଦ୍ରୌ ।
ଶାରଦଶଶିନିଭଵଦନେ ଵରଦେ ଲଘୁ ଶାରଦେ ସଦୟେ ॥ ୧୨ ॥
ଐନ୍ଦ୍ରୀମାଶାମୈନ୍ଦଵୀଂ ଵା କଲାମି-
ତ୍ୟାଦୌ ବୀଜଂ ଜାତୁ ମାତସ୍ତ୍ଵଦୀୟମ୍ ।
ଵ୍ୟାଜାଦ୍ଵା ୟୋ ଵ୍ୟାହରେତ୍ତସ୍ୟ ଵକ୍ତ୍ରା-
ଦ୍ଦିଵ୍ୟା ଵାଚୋ ନିଃସରନ୍ତ୍ୟପ୍ରୟତ୍ନାତ୍ ॥ ୧୩ ॥
ଶାରଦେ ତଵ ପଦାମ୍ବୁଜୟୁଗ୍ମଂ ବୋଧପୁଷ୍ପରସପୂର୍ଣମଜସ୍ରମ୍ ।
ମାମକଂ ହୃଦୟସଂଜ୍ଞକମୀଶେ ନୈଵ ମୁଞ୍ଚତୁ ସରଃ କରୁଣାବ୍ଧେ ॥ ୧୪ ॥
କଥିତାନି ମଦୀପ୍ସିତାନି ମାତର୍ମୁହୁରଗ୍ରେ ତଵ ଶାରଦାମ୍ବିକେ ତ୍ଵମ୍ ।
ନ ହି ପୂରୟସେ ଚିରାୟସେ କିଂ ମଦଘୌଘାତ୍କିମୁ ଶକ୍ତ୍ୟଭାଵତୋ ଵା ॥ ୧୫ ॥
ଅଦ୍ୟୈଵ ମତ୍ପ୍ରାର୍ଥିତମମ୍ବ ଦଦ୍ୟା ୟଦି ତ୍ଵପାରାଂ କରୁଣାଂ ଵିଧାୟ ।
ଵେଲାଵିହୀନଂ ସୁଖମାପ୍ନୁୟାଂ ହି ନୈଵାତ୍ର ସନ୍ଦେହଲଵୋଽପି କଶ୍ଚିତ୍ ॥ ୧୬ ॥
କମନୀୟକଵିତ୍ଵଦାଂ ଜଵାଦ୍ରମଣୀୟାମ୍ବୁଜତୁଲ୍ୟପଦ୍ୟୁତାମ୍ ।
ଶମନୀୟଭୟାପହାରିଣୀଂ ରମଣୀଂ ପଦ୍ମଭଵସ୍ୟ ଭାଵୟେ ॥ ୧୭ ॥
କାଙ୍କ୍ଷେ କମଲଜକାମିନି କମନୀୟୈଃ ପଦ୍ୟନିକୁରୁମ୍ବୈଃ ।
ସ୍ତୋତୁଂ ଵାଚାଂ ନିକରଂ ସ୍ଵାୟତ୍ତଂ କଲୟ ଜଗଦମ୍ବ ॥ ୧୮ ॥
କାମଂ ମମ ଫାଲତଲେ ଲିଖତୁ ଲିପିଂ ଦୁଃଖଦାଂ ଵିଧିଃ ସତତମ୍ ।
ନାହଂ ବିଭେମି ମାତର୍ଲୁମ୍ପାମି ତ୍ଵତ୍ପଦାବ୍ଜରଜସା ତାମ୍ ॥ ୧୯ ॥
କିଂ କଲ୍ପଵୃକ୍ଷମୁଖ୍ୟୈଃ କିଂ କରଧୃତମେରୁଣା ଶିଵେନାପି ।
କିଂ କମଲୟା ଚ ହୃଦି ଚେତ୍କିଙ୍କରସର୍ଵେଷ୍ଟଦା ଵାଣୀ ॥ ୨୦ ॥
ତୁଙ୍ଗାତଟନିକଟଚରଂ ଭୃଙ୍ଗାଵଲିଗର୍ଵହରଣଚଣଚିକୁରମ୍ ।
ଶ୍ରୀଶାରଦାଭିଧାନଂ ଭାଗ୍ୟଂ ମମ ଜୟତି ଶୃଙ୍ଗଶୈଲାଗ୍ରେ ॥ ୨୧ ॥
ନିରଣାୟି ମୟା ସମସ୍ତଶାସ୍ତ୍ରା-
ଣ୍ୟପି ଵୀକ୍ଷ୍ୟ ପ୍ରଣତାର୍ତିହାରି ଲୋକେ ।
ପ୍ରଵିହାୟ ତଵାଙ୍ଘ୍ରିପଙ୍କଜାତଂ
ନ ପରଂ ଵସ୍ତ୍ଵିତି ଵାଣି ନିଶ୍ଚିତଂ ତତ୍ ॥ ୨୨ ॥
ପଦ୍ମାସନାସି ଖଲୁ ଭାରତି ଵାଗଧୀଶେ
ପଦ୍ମାସନପ୍ରିୟତମେ କରଲଗ୍ନପଦ୍ମେ ।
ମତ୍କଂ ମନୋଽମ୍ବୁଜମହୋ ସ୍ଵୟମେଵ ମାତଃ
ଶ୍ରୀଶାରଦାମ୍ବ ଵିଜହାସି କିମତ୍ର ଵାଚ୍ୟମ୍ ॥ ୨୩ ॥
ଆନୀୟ ଦିଵ୍ୟକୁସୁମାନି କିରନ୍ତି ଲୋକା
ୟେ ତ୍ଵତ୍ପଦାବ୍ଜୟୁଗଲଂ ଵଚସାଂ ସଵିତ୍ରି ।
ତାନ୍ପ୍ରାପ୍ତରାଜପଦଵୀଂସ୍ତରସା କିରନ୍ତି
ପୌରାଙ୍ଗନାଃ କୁସୁମଲାଜଚୟେନ ନୂନମ୍ ॥ ୨୪ ॥
ଆଜ୍ଞାସୀଦ୍ଗୌରଵୀ ମେ ତଵ ଖଲୁ କରୁଣାଵାରିଧିଃ ଶାରଦାମ୍ବା
ସାଷ୍ଟାଙ୍ଗଂ ୟୋଗମାରାଦୁପଦିଶତି ଭଵାନୌରସଃ ସୂନୁରସ୍ୟାଃ ।
ଇତ୍ୟପ୍ୟଦ୍ୟାପି ମାତର୍ନ ହି ଖଲୁ କରୁଣା ଜାୟତେ ମୟ୍ୟନାଥେ
କିଂ ଵା କୁର୍ୟାଂ ଵଦାମ୍ବ ପ୍ରଣତଭୟହରେ ଶାରଦେ ଚାପଲୋଽହମ୍ ॥ ୨୫ ॥
ନାହଂ ନିଗୃହ୍ୟ କରଣାନି ସରୋଜଜାତ-
ଜାୟେ ତ୍ଵଦୀୟପଦପଙ୍କଜୟୋର୍ହି ସେଵାମ୍ ।
ଶକ୍ନୋମି କର୍ତୁମଲସାଜ୍ଞଶିଖାମଣିର୍ୟ-
ତ୍ତସ୍ମାନ୍ନିସର୍ଗକରୁଣାଂ କୁରୁ ମୟ୍ୟନାଥେ ॥ ୨୬ ॥
ଵାଣି ସରସ୍ଵତି ଭାରତି ଵାଗ୍ଵାଦିନି ଵାରିଜାତଜନିଜାୟେ ।
କାଶ୍ମୀରପୁରନିଵାସିନି କାମିତଫଲଵୃନ୍ଦଦାୟିନି ନମସ୍ତେ ॥ ୨୭ ॥
ଶରଣଂ ତ୍ଵଚ୍ଚରଣଂ ମେ ନାନ୍ୟଦ୍ଵାଗ୍ଦେଵି ନିଶ୍ଚିତଂ ତ୍ଵେତତ୍ ।
ତସ୍ମାତ୍କୁରୁ କରୁଣାଂ ମୟ୍ୟନନ୍ୟଶରଣେ ଦ୍ରୁତଂ ମାତଃ ॥ ୨୮ ॥
ଶରଦଭ୍ରସଦଭ୍ରଵସ୍ତ୍ରଵୀତା କରଦୂରୀକୃତପଙ୍କଜାଭିମାନା ।
ଚରଣାମ୍ବୁଜଲଗ୍ନନାକିମୌଲିର୍ଵରଦା ସ୍ୟାନ୍ମମ ଶାରଦା ଦୟାର୍ଦ୍ରା ॥ ୨୯ ॥
ସ୍ଥାପୟ ନରକେଷୁ ସଦାପ୍ୟଥ ସୁଖକାଷ୍ଠାସୁ ଦିଵ୍ୟଲୋକେଷୁ ।
ନ ହି ତତ୍ର ମେ ଵିଚାରଃ ପରଂ ତୁ ଚିତ୍ତଂ ତଵାଙ୍ଘ୍ରିଗତମସ୍ତୁ ॥ ୩୦ ॥
ଶୃଙ୍ଗାଦ୍ରିଵାସଲୋଲେ ଭୃଙ୍ଗାହଙ୍କାରହାରିକଚଭାରେ ।
ତୁଙ୍ଗାତୀରଵିହାରେ ଗଙ୍ଗାଧରସୋଦରି ପ୍ରସୀଦ ମମ ॥ ୩୧ ॥
ଋଷ୍ୟଶୃଙ୍ଗଜନିଭୂମିଵିଭୂଷେ କଶ୍ୟପାଦିମୁନିଵନ୍ଦିତପାଦେ ।
ପଶ୍ୟଦଙ୍ଘ୍ରିମୁଖପାଲନଲୋଲେ ଵଶ୍ୟପଙ୍କଜଭଵେଽଵ ସଦା ମାମ୍ ॥ ୩୨ ॥
କମ୍ବୁଡମ୍ବରନିଵର୍ତକକଣ୍ଠାମମ୍ବୁଧିଂ ନିରଵଧି କରୁଣୟାଃ ।
ଅମ୍ବୁଦପ୍ରତିମକେଶସମୂହାମମ୍ବୁଜୋଦ୍ଭଵସଖୀଂ କଲୟେଽହମ୍ ॥ ୩୩ ॥
ଭର୍ମଗର୍ଵହରସଂହନନାଭାଂ ଶର୍ମଦାଂ ପଦସରୋଜନତେଭ୍ୟଃ ।
କର୍ମଭକ୍ତିମୁଖପଦ୍ଧତିଗମ୍ୟାଂ କୁର୍ମହେ ମନସି ପଦ୍ମଜଜାୟାମ୍ ॥ ୩୪ ॥
ଶମ୍ଭୁସୋଦରି ଶଶାଙ୍କନିଭାସ୍ୟେ ମନ୍ଦବୁଦ୍ଧିଵିତତେରପି ଶୀଘ୍ରମ୍ ।
ଵାକ୍ପ୍ରଦାୟିନି କୃପାମୃତରାଶେ ଶୃଙ୍ଗଶୈଲଵରଵାସଵିଲୋଲେ ॥ ୩୫ ॥
ତୁଷ୍ଟିମେହି ଵଚସାଂ ଜନନି ତ୍ଵଂ ମତ୍କୃତେନ ଵିଧିନାଽଵିଧିନା ଵା ।
ଐଞ୍ଜପେନ ପରିପୂରୟ ଵାଞ୍ଛାଂ ମାମକୀଂ ଚ ମହତୀମପି ଶୀଘ୍ରମ୍ ॥ ୩୬ ॥
ତଵୌରସଂ ସୂନୁମହୋ ତ୍ଵଦୀୟଭକ୍ତାଗ୍ରଗଣ୍ୟା ମମ ଦେଶିକେନ୍ଦ୍ରାଃ ।
ପ୍ରାହୁର୍ୟତୋଽତୋ ମୟି ଶାରଦାମ୍ବ ପାପ୍ୟଗ୍ରଗଣ୍ୟେଽପି ଦୟା ଵିଧେୟା ॥ ୩୭ ॥
ତଵୌରସଂ ମାଂ ସୁତମାହୁରାର୍ୟାସ୍ତ୍ଵତ୍ପାଦଭକ୍ତାଗ୍ରସରା ୟତୋଽତଃ ।
ସୋଢ୍ଵା ମଦୀୟାନ୍ସକଲାପରାଧାନ୍ପୁରୋ ଭଵାମ୍ବାଶୁ ଗିରାଂ ସଵିତ୍ରି ॥ ୩୮ ॥
ଭକ୍ତେଷ୍ଟପାଥୋନିଧିପୂର୍ଣଚନ୍ଦ୍ରଃ କଵିତ୍ଵମାକନ୍ଦଵସନ୍ତକାଲଃ ।
ଜାଡ୍ୟାନ୍ଧକାରଵ୍ରଜପଦ୍ମବନ୍ଧୁରମ୍ବ ପ୍ରଣାମସ୍ତଵ ପାଦପଦ୍ମେ ॥ ୩୯ ॥
ମୁଖାମ୍ବୁଜଂ ଭାତୁ ଜଗଜ୍ଜନନ୍ୟା ହୃଦମ୍ବୁଜେ ମେ ଜିତଚନ୍ଦ୍ରବିମ୍ବମ୍ ।
ରଦାମ୍ବରାଧଃକୃତପକ୍ଵବିମ୍ବଂ ମହାଘଵିଧ୍ଵଂସନଚଞ୍ଚ୍ଵଜସ୍ରମ୍ ॥ ୪୦ ॥
ୟାନେନ ହଂସଂ ଵଦନେନ ଚନ୍ଦ୍ରଂ ଶ୍ରୋଣୀଭରାଚ୍ଛୈଲପତିଂ ଚ କାମମ୍ ।
କାଞ୍ଚିଦ୍ଧସନ୍ତୀଂ କଲୟେ ହୃଦବ୍ଜେ ଚନ୍ଦ୍ରାର୍ଧରାଜଦ୍ଵରକେଶପାଶାମ୍ ॥ ୪୧ ॥
ଵିସ୍ମୃତ୍ୟ ଦେହାଦିକମମ୍ବ ସମ୍ୟକ୍ସମୁଚ୍ଚରଂସ୍ତାଵକମନ୍ତ୍ରରାଜମ୍ ।
ତୁଙ୍ଗାନଦୀପୁଣ୍ୟତଟେ କଦାହଂ ସୁସୈକତେ ସ୍ଵୈରଗତିର୍ଭଵାମି ॥ ୪୨ ॥
ଶ୍ରୀଶାଦିସଂସେଵିତପାଦପଦ୍ମେ ଶ୍ରୀବୋଧଦାନଵ୍ରତବଦ୍ଧଦୀକ୍ଷେ ।
ଶ୍ରୀକଣ୍ଠସୋଦର୍ୟମିତାନୁକମ୍ପେ ଶ୍ରୀଶାରଦାମ୍ବାଶୁ କୃପାଂ କୁରୁଷ୍ଵ ॥ ୪୩ ॥
ହୃଦ୍ୟାନି ପଦ୍ୟାନି ଵିନିଃସରନ୍ତି ତ୍ଵଦଙ୍ଘ୍ରିସମ୍ପୂଜକଵକ୍ତ୍ରପଦ୍ମାତ୍ ।
ଵିନା ପ୍ରୟତ୍ନଂ ତରସା ନ ଚିତ୍ରଂ ତ୍ଵମମ୍ବ ୟସ୍ମାଦ୍ଵଚସାଂ ସଵିତ୍ରୀ ॥ ୪୪ ॥
ଗମାଗମଵିଵର୍ଜିତୈରସୁଭିରନ୍ତରଙ୍ଗେଽନିଶଂ
ଗଜାସ୍ୟଗୁହନନ୍ଦିଭିଃ ସୁରଵରୈର୍ମୁଦା ଚିନ୍ତିତେ ।
ଗଜାଜିନଧରାନୁଜେ ଗଲିତତୃଷ୍ଣଲୋକେକ୍ଷିତେ
ଗତିଂ ମମ ଶୁଭାଂ ମତିଂ ସପଦି ଦେହି ଵାଗୀଶ୍ଵରି ॥ ୪୫ ॥
ଜଲୋଦ୍ଭଵଜଭାମିନି ପ୍ରଣତସୌଖ୍ୟଭୂମପ୍ରଦେ
ଜଡତ୍ଵଵିନିଵାରଣଵ୍ରତନିଷକ୍ତଚେତୋଽମ୍ବୁଜେ ।
ଜଗତ୍ତ୍ରୟନିଵାସିଭିଃ ସତତସେଵ୍ୟପାଦାମ୍ବୁଜେ
ଜଗଜ୍ଜନନି ଶାରଦେ ଜନୟ ସୌଖ୍ୟମତ୍ୟଦ୍ଭୁତମ୍ ॥ ୪୬ ॥
ମଦେଭଗମନେଽଵନେ ନତତତେରନେକୈଃ ସୁଖୈ-
ରନାରତମଜାମିତଂ ପ୍ରଵଣହୃତ୍ସରୋଜେଽମ୍ବିକେ ।
କୁତୋ ମୟି କୃପା ନ ତେ ପ୍ରସରତି ପ୍ରସନ୍ନେ ଵଦ
ପ୍ରପଞ୍ଚଜନନପ୍ରଭୁପ୍ରଣୟିନି ପ୍ରପଦ୍ୟେଽଦ୍ୟ କମ୍ ॥ ୪୭ ॥
କଦା ଵା ଶ୍ରୁଙ୍ଗାଦ୍ରୌ ଵିମଲତରତୁଙ୍ଗାପରିସରେ
ଵସନ୍ମାତର୍ଵାଚାଂ ଶିରସି ନିଦଧାନୋଽଞ୍ଜଲିପୁଟମ୍ ।
ଗିରାଂ ଦେଵି ବ୍ରାହ୍ମି ପ୍ରଣତଵରଦେ ଭାରତି ଜଵା-
ତ୍ପ୍ରସୀଦେତି କ୍ରୋଶନ୍ନିମିଷମିଵ ନେଷ୍ୟାମି ଦିଵସାନ୍ ॥ ୪୮ ॥
ଜଗନ୍ନାଥଂ ଗଙ୍ଗା ଵିଵିଧଵୃଜିନୋଘୈଃ ପରିଵୃତଂ
ୟଥାଽରକ୍ଷତ୍ପୂର୍ଵଂ ସକଲମପି ହତ୍ଵାଽଽଶୁ ଦୁରିତମ୍ ।
ପୁନଶ୍ଚାନ୍ତେ ଦତ୍ତ୍ଵା କରସରସିଜଂ ପୂର୍ଣକୃପୟା
ଜନୈଃ ସଦ୍ଭିଃ ପ୍ରାପ୍ୟାଂ ପରମପଦଵୀଂ ପ୍ରାପିତଵତୀ ॥ ୪୯ ॥
ତଥା ଶାନ୍ତଂ ପାପଂ ସକଲମପି କୃତ୍ଵା ମମ ଜଵା-
ଦ୍ଧୃଦମ୍ଭୋଜେ ଲଗ୍ନଂ କୁରୁ ତଵ ପଦାମ୍ଭୋରୁହୟୁଗମ୍ ।
କରାମ୍ଭୋଜେ ପଶ୍ଚାତ୍ପରମକୃପୟା ଦେଵି ଵଚସାଂ
ପ୍ରଦତ୍ତ୍ଵାଽଽଲମ୍ବଂ ମାଂ ଗମୟ ପଦଵୀଂ ନିର୍ମଲତରାମ୍ ॥ ୫୦ ॥
ଦଵୀୟାଂସଂ ତ୍ଵେନଂ ପରମକୃପୟା ଦେଶିକମୁଖା-
ତ୍ସମାନୀୟାମ୍ବ ତ୍ଵଂ ତଵ ପଦପୟୋଜାତନିକଟମ୍ ।
ଅଵିତ୍ଵାଽଽପୀୟନ୍ତଂ ସମୟମଧୁନା ଦେଵି ଭଜସେ
ୟଦୌଦାସ୍ୟଂ ତର୍ହି ତ୍ରିଜଗତି ମମାନ୍ୟାଂ ଵଦ ଗତିମ୍ ॥ ୫୧ ॥
କାମଂ ସନ୍ତୁ ସୁରା ନିରନ୍ତରନିଜଧ୍ୟାନାର୍ଚନାକାରିଣୋ
ଲୋକାନ୍ସ୍ଵେପ୍ସିତସର୍ଵସୌଖ୍ୟସହିତାନ୍କର୍ତୁଂ ଜଗତ୍ୟାଂ କିଲ ।
ପୂଜାଧ୍ୟାନଜପାଦିଗନ୍ଧରହିତାଂସ୍ତ୍ରାତୁଂ ପୁନସ୍ତ୍ଵାଂ ଵିନା
ନାନ୍ୟଦ୍ଦୈଵତମସ୍ତିପଦ୍ମଜମନଃପଦ୍ମାର୍ଭକାର୍କପ୍ରଭେ ॥ ୫୨ ॥
କାରୁଣ୍ୟଂ ମୟି ଧେହି ମାତରନିଶଂ ପଦ୍ମୋଦ୍ଭଵପ୍ରେୟସି
ପ୍ରାରବ୍ଧଂ ମମ ଦୁଷ୍ଟମାଶୁ ଶମୟ ପ୍ରଜ୍ଞାଂ ଶୁଭାଂ ୟଚ୍ଛ ମେ ।
କର୍ତୁଂ କାଵ୍ୟଚୟଂ ରସୌଘଭରିତଂ ଶକ୍ତିଂ ଦୃଢାଂ ଭକ୍ତିମ-
ପ୍ୟଂହଃସଞ୍ଚୟଵାରିଣୀଂ ତଵ ପଦାମ୍ଭୋଜେ କୃପାମ୍ଭୋନିଧେ ॥ ୫୩ ॥
କୁର୍ୟାମଦ୍ୟ କିମମ୍ବ ଭକ୍ତିରହିତଃ ପୂଜାଂ ଜପଂ ତର୍ପଣଂ
କିଂ ଵୈରାଗ୍ୟଵିଵେକଗନ୍ଧରହିତଃ କୁର୍ୟାଂ ଵିଚାରଂ ଶ୍ରୁତେଃ ।
କିଂ ୟୋଗଂ ପ୍ରକରୋମି ଚଞ୍ଚଲମନାଃ ଶୃଙ୍ଗାଦ୍ରିଵାସପ୍ରିୟେ
ତ୍ଵତ୍ପାଦପ୍ରଣତିଂ ଵିହାୟ ନ ଗତିର୍ମେଽନ୍ୟା ଗିରାଂ ଦେଵତେ ॥ ୫୪ ॥
ଜହ୍ୟାନ୍ନୈଵ କଦାପି ତାଵକପଦଂ ମାତର୍ମନୋ ମାମକଂ
ମାନ୍ଦ୍ୟଧ୍ଵାନ୍ତନିଵାରଣୋଦ୍ୟତଦିନେଶାଖର୍ଵଗର୍ଵାଵଲି ।
ଗୌରୀନାଥରମାଧଵାବ୍ଜଭଵନୈଃ ସମ୍ଭାଵ୍ୟମାନଂ ମୁଦା
ଵାକ୍ଚାତୁର୍ୟଵିଧାନଲବ୍ଧସୁୟଶଃସମ୍ପୂରିତାଶାମୁଖମ୍ ॥ ୫୫ ॥
ତୁଙ୍ଗାତୀରଵିହାରସକ୍ତହୃଦୟେ ଶୃଙ୍ଗାରଜନ୍ମାଵନେ
ଗଙ୍ଗାଧାରିମୁଖାମରେନ୍ଦ୍ରଵିନୁତେଽନଙ୍ଗାହିତାପଦ୍ଧରେ ।
ସଙ୍ଗାତୀତମନୋଵିହାରରସିକେ ଗଙ୍ଗାତରଙ୍ଗାୟିତା
ଭୃଙ୍ଗାହଙ୍କୃତିଭେଦଦକ୍ଷଚିକୁରେ ତୁଙ୍ଗାଗିରୋ ଦେହି ମେ ॥ ୫୬ ॥
ତ୍ଵତ୍ପାଦାମ୍ବୁଜପୂଜନାପ୍ତହୃଦୟାମ୍ଭୋଜାତଶୁଦ୍ଧିର୍ଜନଃ
ସ୍ଵର୍ଗଂ ରୌରଵମେଵ ଵେତ୍ତି କମଲାନାଥାସ୍ପଦଂ ଦୁଃଖଦମ୍ ।
କାରାଗାରମଵୈତି ଚନ୍ଦ୍ରନଗରଂ ଵାଗ୍ଦେଵି କିଂ ଵର୍ଣନୈ-
ର୍ଦୃଶ୍ୟଂ ସର୍ଵମୁଦୀକ୍ଷତେ ସ ହି ପୁନା ରଜ୍ଜୂରଗାଦ୍ୟୈଃ ସମମ୍ ॥ ୫୭ ॥
ତ୍ଵତ୍ପାଦାମ୍ବୁରୁହଂ ଵିହାୟ ଶରଣଂ ନାସ୍ତ୍ୟେଵ ମେଽନ୍ୟଦ୍ଧ୍ରୁଵଂ
ଵାଚାଂ ଦେଵି କୃପାପୟୋଜଲନିଧେ କୁତ୍ରାପି ଵା ସ୍ଥାପୟ ।
ଅପ୍ୟୂର୍ଧ୍ଵଂ ଧ୍ରୁଵମଣ୍ଡଲାଦଥ ଫଣୀନ୍ଦ୍ରାଦପ୍ୟଧସ୍ତତ୍ର ମେ
ତ୍ଵନ୍ନ୍ୟସ୍ତୈହିକପାରଲୌକିକଭରସ୍ତ୍ଵାସେ ନ କାପି ଵ୍ୟଥା ॥ ୫୮ ॥
ତ୍ଵତ୍ପାଦାମ୍ବୁରୁହଂ ହୃଦାଖ୍ୟସରସିସ୍ୟାଦ୍ରୂଢମୂଲଂ ୟଦା
ଵକ୍ତ୍ରାବ୍ଜେ ତ୍ଵମିଵାମ୍ବ ପଦ୍ମନିଲୟା ତିଷ୍ଠେଦ୍ଗୃହେ ନିଶ୍ଚଲା ।
କୀର୍ତିର୍ୟାସ୍ୟତି ଦିକ୍ତଟାନପି ନୃପୈଃ ସମ୍ପୂଜ୍ୟତା ସ୍ୟାତ୍ତଦା
ଵାଦେ ସର୍ଵନୟେଷ୍ଵପି ପ୍ରତିଭଟାନ୍ଦୂରୀକରୋତ୍ୟେଵ ହି ॥ ୫୯ ॥
ମାତସ୍ତ୍ଵତ୍ପଦଵୈଭଵଂ ନିଗଦିତୁଂ ପ୍ରାରଭ୍ୟ ନାଗେଶ୍ଵରା-
ସ୍ଵପ୍ନାଚାର୍ୟକଵୀନ୍ଦୁଶେଖରଦିନେଶାଦ୍ୟାଃ ପ୍ରଭଗ୍ନା ମୁହୁଃ ।
କ୍ଵାହଂ ତତ୍କଥନେ ଜଡେଷ୍ଵଚରମଃ କାରୁଣ୍ୟପାଥୋନିଧେ
ଵାଚାଂ ଦେଵି ସୁତସ୍ୟ ସାହସମିଦଂ କ୍ଷନ୍ତଵ୍ୟମେଵାମ୍ବୟା ॥ ୬୦ ॥
ମାତଃ ଶୃଙ୍ଗପୁରୀନିଵାସରସିକେ ମାତଙ୍ଗକୁମ୍ଭସ୍ତନି
ପ୍ରାଣାୟାମମୁଖୈର୍ଵିନାପି ମନସଃ ସ୍ଥୈର୍ୟଂ ଦ୍ରୁତଂ ଦେହି ମେ ।
ୟେନାହଂ ସୁଖମନ୍ୟଦୁର୍ଲଭମହୋରାତ୍ରଂ ଭଜାମ୍ୟନ୍ଵହଂ
ପ୍ରାପ୍ସ୍ୟାମ୍ୟାତ୍ମପରୈକବୋଧମଚଲଂ ନିଃସଂଶୟଂ ଶାରଦେ ॥ ୬୧ ॥
ଵେଦାଭ୍ୟାସଜଡୋଽପି ୟତ୍କରସରୋଜାତଗ୍ରହାତ୍ପଦ୍ମଭୂ-
ଶ୍ଚିତ୍ରଂ ଵିଶ୍ଵମିଦଂ ତନୋତି ଵିଵିଧଂ ଵୀତକ୍ରିୟଂ ସକ୍ରିୟମ୍ ।
ତାଂ ତୁଙ୍ଗାତଟଵାସସକ୍ତହୃଦୟାଂ ଶ୍ରୀଚକ୍ରରାଜାଲୟାଂ
ଶ୍ରୀମଚ୍ଛଙ୍କରଦେଶିକେନ୍ଦ୍ରଵିନୁତାଂ ଶ୍ରୀଶାରଦାମ୍ବାଂ ଭଜେ ॥ ୬୨ ॥
ଵୈରାଗ୍ୟଂ ଦୃଢମମ୍ବ ଦେହି ଵିଷୟେଷ୍ଵାଦ୍ୟନ୍ତଦୁଃଖପ୍ରଦେ-
ଷ୍ଵାମ୍ନାୟାନ୍ତଵିଚାରଣେ ସ୍ତିରତରାଂ ଚାସ୍ଥାଂ କୃପାଵାରିଧେ ।
ପ୍ରତ୍ୟଗ୍ବ୍ରହ୍ମଣି ଚିତ୍ତସଂସ୍ଥିତିଵିଧିଂ ସମ୍ବୋଧୟାଶ୍ଵେଵ ମାଂ
ତ୍ଵଂ ବ୍ରୂଷେ ସକଲଂ ମମେତି ଗୁରଵଃ ପ୍ରାହୁର୍ୟତଃ ଶାରଦେ ॥ ୬୩ ॥
କମଲାସନଵରକାମିନି କରଧୃତଚିନ୍ମୁଦ୍ରିକେ କୃପାମ୍ଭୋଧେ ।
କରକଲିତାମଲକାଭଂ ତତ୍ତ୍ଵଂ ମାଂ ବୋଧୟତୁ ଜଗଦମ୍ବ ॥ ୬୪ ॥
କରଵିଧୃତକୀରଡିମ୍ଭାଂ ଶରଦଭ୍ରସଧର୍ମଵସ୍ତ୍ରସଂଵୀତାମ୍ ।
ଵରଦାନନିରତପାଣିଂ ସୁରଦାଂ ପ୍ରଣମାମି ଶାରଦାଂ ସଦୟାମ୍ ॥ ୬୫ ॥
କାମାକ୍ଷୀଵିପୁଲାକ୍ଷୀମୀନାକ୍ଷୀତ୍ୟାଦିନାମଭିର୍ମାତଃ ।
କାଞ୍ଚୀକାଶୀମଧୁରାପୁରେଷୁ ଭାସି ତ୍ଵମେଵ ଵାଗ୍ଜନନି ॥ ୬୬ ॥
ଚନ୍ଦ୍ରାର୍ଧଶେଖରାପରରୂପଶ୍ରୀଶଙ୍କରାର୍ୟକରପୂଜ୍ୟେ ।
ଚନ୍ଦ୍ରାର୍ଧକୃତଵତଂସେ ଚନ୍ଦନଦିଗ୍ଧେ ନମାମି ଵାଣି ପଦେ ॥ ୬୭ ॥
ଜୟ ଜୟ ଚିନ୍ମୁଦ୍ରକରେ ଜୟ ଜୟ ଶୃଙ୍ଗାଦ୍ରିଵିହରଣଵ୍ୟଗ୍ରେ ।
ଜୟ ଜୟ ପଦ୍ମଜଜାୟେ ଜୟ ଜୟ ଜଗଦମ୍ବ ଶାରଦେ ସଦୟେ ॥ ୬୮ ॥
ଦୁର୍ଵସନଦତ୍ତଶାପପ୍ରତିପାଲନଲକ୍ଷ୍ୟତଃ ସମସ୍ତାନାମ୍ ।
ରକ୍ଷାର୍ଥମଵନିମଧ୍ୟେ କୃତଚିରଵାସାଂ ନମାମି ଵାଗ୍ଦେଵୀମ୍ ॥ ୬୯ ॥
ନଵନଵକଵନସମର୍ଥଂ ପଟୁତରଵାଗ୍ଧୂତଵାସଵାଚାର୍ୟମ୍ ।
ଵନଜାସନଵରମାନିନି ଵରଦେ କୁରୁ ଶୀଘ୍ରମଙ୍ଘ୍ରିନତମ୍ ॥ ୭୦ ॥
ଭଗଵତ୍ପଦମଣ୍ଡନୟୋର୍ଵାଦମହେ ସକଲଲୋକଚିତ୍ରକରେ ।
ଅଙ୍ଗୀକୃତମାଧ୍ୟସ୍ଥ୍ୟାଂ ଜଗଦମ୍ବାଂ ନୌମି ଶାରଦାଂ ସଦୟାମ୍ ॥ ୭୧ ॥
ସେଵାପୂଜାନମନଵିଧୟଃ ସନ୍ତୁ ଦୂରେ ନିତାନ୍ତଂ
କାଦାଚିତ୍କା ସ୍ମୃତିରପି ପଦାମ୍ଭୋଜୟୁଗ୍ମସ୍ୟ ତେଽମ୍ବ ।
ମୂକଂ ରଙ୍କଂ କଲୟତି ସୁରାଚାର୍ୟମିନ୍ଦ୍ରଂ ଚ ଵାଚା
ଲକ୍ଷ୍ମ୍ୟା ଲୋକୋ ନ ଚ କଲୟତେ ତାଂ କଲେଃ କିଂ ହି ଦୌଃସ୍ଥ୍ୟମ୍ ॥ ୭୨ ॥
ଆଶାଵସ୍ତ୍ରଃ ସଦାତ୍ମନ୍ୟଵିରତହୃଦୟସ୍ତ୍ୟକ୍ତସର୍ଵାନୁରାଗଃ
କାୟେ ଚକ୍ଷୁର୍ମୁଖେଷ୍ଵପ୍ୟନୁଦିତମମତଃ କ୍ଵାପି କସ୍ମିଂଶ୍ଚ କାଲେ ।
ଶୈଲାଗ୍ରେଽରଣ୍ୟକୋଣେ କ୍ଵଚିଦପି ପୁଲିନେ କ୍ଵାପି ରେଵାତଟେ ଵା
ଗଙ୍ଗାତୀରେଽଥ ତୁଙ୍ଗାତଟଭୁଵି ଚ କଦା ସ୍ଵୈରଚାରୀ ଭଵେୟମ୍ ॥ ୭୩ ॥
କଲ୍ପନ୍ତାଂ କାମ୍ୟସିଦ୍ଧ୍ୟୈ କଲିମଲହତୟେ ଚାକ୍ଷୟୈଶ୍ଵର୍ୟସିଦ୍ଧ୍ୟୈ
କାରୁଣ୍ୟାପାରପୂରାଃ କମଲଭଵମନୋମୋଦଦାନଵ୍ରତାଢ୍ୟାଃ
କାତ୍ୟାୟନ୍ୟବ୍ଧିକନ୍ୟାମୁଖସୁରରମଣୀକାଙ୍କ୍ଷ୍ୟମାଣାଃ କଵିତ୍ଵ-
ପ୍ରାଗ୍ଭାରାମ୍ଭୋଧିରାକାହିମକରକିରଣାଃ ଶାରଦାମ୍ବାକଟାକ୍ଷାଃ ॥ ୭୪ ॥
କଲ୍ପାଦୌ ତନ୍ମହିମ୍ନା କତିପୟଦିଵସେଷ୍ଵେଵ ଲୁପ୍ତେଷୁ ମାର୍ଗେ-
ଷ୍ଵାମ୍ନାୟପ୍ରୋଦିତେଷୁ ପ୍ରଵରସୁରଗଣୈଃ ପ୍ରାର୍ଥିତଃ ପାର୍ଵତୀଶଃ ।
ଆମ୍ନାୟାଧ୍ଵପ୍ରଵୃଦ୍ଧ୍ୟୈ ୟତିଵରଵପୁଷାଗତ୍ୟ ୟାଂ ଶୃଙ୍ଗଶୈଲେ
ସଂସ୍ଥାପ୍ୟାର୍ଚାଂ ପ୍ରଚକ୍ରେ ନିଵସତୁ ଵଦନେ ଶାରଦା ସାଦରଂ ସା ॥ ୭୫ ॥
ତିଷ୍ଠାମ୍ୟତ୍ରୈଵ ମାତସ୍ତଵ ପଦୟୁଗଲଂ ଵୀକ୍ଷମାଣଃ ପ୍ରମୋଦା-
ନ୍ନାହଂ ତ୍ୟକ୍ତ୍ଵା ତଵାଙ୍ଘ୍ରିଂ ସକଲସୁଖକରଂ କ୍ଵାପି ଗଚ୍ଛାମି ନୂନମ୍ ।
ଛାୟାଂ ମତ୍କାଂ ଵିଧତ୍ସ୍ଵ ପ୍ରଵଚନନମନଧ୍ୟାନପୂଜାସୁ ଶକ୍ତାଂ
ଶୁଦ୍ଧାମେକାଂ ତ୍ରିଲୋକୀଜନନପଟୁଵିଧିପ୍ରାଣକାନ୍ତେ ନମସ୍ତେ ॥ ୭୬ ॥
ତ୍ଵଦ୍ବୀଜେ ଵର୍ତମାନେ ଵଦନସରସିଜେ ଦୁର୍ଲଭଂ କିଂ ନରାଣାଂ
ଧର୍ମୋ ଵାଽର୍ଥଶ୍ଚ କାମୋଽପ୍ୟଥ ଚ ସକଲସନ୍ତ୍ୟାଗସାଧ୍ୟଶ୍ଚ ମୋକ୍ଷଃ ।
କାମ୍ୟଂ ଵା ସାର୍ଵଭୌମ୍ୟଂ କମଲଜଦୟିତେଽହେତୁକାରୁଣ୍ୟପୂର୍ଣେ
ଶୃଙ୍ଗାଦ୍ର୍ୟାଵାସଲୋଲେ ଭଵତି ସୁରଵରାରାଧ୍ୟପାଦାରଵିନ୍ଦେ ॥ ୭୭ ॥
ଦୃଷ୍ଟ୍ଵା ତ୍ଵତ୍ପାଦପଙ୍କେରୁହନମନଵିଧାଵୁଦ୍ୟତାନ୍ଭକ୍ତଲୋକା-
ନ୍ଦୂରଂ ଗଚ୍ଛନ୍ତି ରୋଗା ହରିମିଵ ହରିଣା ଵୀକ୍ଷ୍ୟ ୟଦ୍ଵତ୍ସୁଦୂରମ୍ ।
କାଲଃ କୁତ୍ରାପି ଲୀନୋ ଭଵତି ଦିନକରେ ପ୍ରୋଦ୍ୟମାନେ ତମୋଵ-
ତ୍ସୌଖ୍ୟଂ ଚାୟୁର୍ୟଥାବ୍ଜଂ ଵିକସତି ଵଚସାଂ ଦେଵି ଶୃଙ୍ଗାଦ୍ରିଵାସେ ॥ ୭୮ ॥
ନାହଂ ତ୍ଵତ୍ପାଦପୂଜାମିହ ଗୁରୁଚରଣାରାଧନଂ ଚାପ୍ୟକାର୍ଷଂ
ନାଶ୍ରୌଷଂ ତତ୍ତ୍ଵଶାସ୍ତ୍ରଂ ନ ଚ ଖଲୁ ମନସଃ ସ୍ଥୈର୍ୟଲେଶୋଽପି କଶ୍ଚିତ୍ ।
ନୋ ଵୈରାଗ୍ୟଂ ଵିଵେକୋ ନ ଚ ମମ ସୁଦୃଢା ମୋକ୍ଷକାଙ୍କ୍ଷାଽପି ନୂନଂ
ମାତଃ କାଵା ଗତିର୍ମେ ସରସିଜଭଵନପ୍ରାଣକାନ୍ତେ ନ ଜାନେ ॥ ୭୯ ॥
ନୌମି ତ୍ଵାଂ ଶୈଵଵର୍ୟାଃ ଶିଵ ଇତି ଗଣନାଥାର୍ଚକା ଵିଘ୍ନହର୍ତେ-
ତ୍ୟାର୍ୟେତ୍ୟମ୍ବାଙ୍ଘ୍ରିସକ୍ତା ହରିଭଜନରତା ଵିଷ୍ଣୁରିତ୍ୟାମନନ୍ତି ।
ୟାଂ ତାଂ ସର୍ଵସ୍ଵରୂପାଂ ସକଲମୁନିମନଃପଦ୍ମସଞ୍ଚାରଶୀଲାଂ
ଶୃଙ୍ଗାଦ୍ର୍ୟାଵାସଲୋଲାଂ କମଲଜମହିଷୀଂ ଶାରଦାଂ ପାରଦାଭାମ୍ ॥ ୮୦ ॥
ୟଃ କଶ୍ଚିଦ୍ବୁଦ୍ଧିହୀନୋଽପ୍ୟଵିଦିତନମନଧ୍ୟାନପୂଜାଵିଧାନଃ
କୁର୍ୟାଦ୍ୟଦ୍ୟମ୍ବ ସେଵାଂ ତଵ ପଦସରସୀଜାତସେଵାରତସ୍ୟ ।
ଚିତ୍ରଂ ତସ୍ୟାସ୍ୟମଧ୍ୟାତ୍ପ୍ରସରତି କଵିତା ଵାହିନୀଵାମରାଣାଂ
ସାଲଙ୍କାରା ସୁଵର୍ଣା ସରସପଦୟୁତା ୟତ୍ନଲେଶଂ ଵିନୈଵ ॥ ୮୧ ॥
ୟାଚନ୍ତେ ନମ୍ରଲୋକା ଵିଵିଧଗୁରୁରୁଜାକ୍ରାନ୍ତଦେହାଃ ପିଶାଚୈ-
ରାଵିଷ୍ଟାଙ୍ଗାଶ୍ଚ ତତ୍ତଜ୍ଜନିତବହୁତରକ୍ଲେଶନାଶାୟ ଶୀଘ୍ରମ୍ ।
କିଂ କୁର୍ୟାଂ ମନ୍ତ୍ରୟନ୍ତ୍ରପ୍ରମୁଖଵିଧିପରିଜ୍ଞାନଶୂନ୍ୟଶ୍ଚିକିତ୍ସାଂ
କର୍ତୁଂ ନ ତ୍ଵତ୍ପଦାବ୍ଜସ୍ମରଣଲଵମୃତେ ଵାଣି ଜାନେଽତ୍ର କିଞ୍ଚିତ୍ ॥ ୮୨ ॥
ରାଗଦ୍ଵେଷାଦିଦୋଷୈଃ ସତତଵିରହିତୈଃ ଶାନ୍ତିଦାନ୍ତ୍ୟାଦିୟୁକ୍ତୈ-
ରାଚାର୍ୟାଙ୍ଘ୍ର୍ୟବ୍ଜସେଵାକରଣପଟୁତରୈର୍ଲଭ୍ୟପାଦାରଵିନ୍ଦା ।
ମୁଦ୍ରାସ୍ରକ୍କୁମ୍ଭଵିଦ୍ୟାଃ କରସଲିଲରୁହୈଃ ସନ୍ଦଧାନା ପୁରସ୍ତା-
ଦାସ୍ତାଂ ଵାଗ୍ଦେଵତା ନଃ କଲିକୃତଵିଵିଧାପତ୍ତିଵିଧ୍ଵଂସନାୟ ॥ ୮୩ ॥
ଵାରୟ ପାପକଦମ୍ବଂ ତାରୟ ସଂସାରସାଗରଂ ତରସା ।
ଶୋଧୟ ଚିତ୍ତସରୋଜଂ ବୋଧୟ ପରତତ୍ତ୍ଵମାଶୁ ମାମମ୍ବ ॥ ୮୪ ॥
ସଚ୍ଚିଦ୍ରୂପାତ୍ମନିଷ୍ଠଃ ପ୍ରଗଲିତସକଲାକ୍ଷାଦିଵୃତ୍ତିଃ ଶୟାନୋ
ଭୁଞ୍ଜାନଃ ସତ୍ୟସୌଖ୍ୟଂ ତଦିତରସୁଖତଃ ପ୍ରାପ୍ତନୀରାଗଭାଵଃ ।
ପାଷାଣେ ଵାଥ ତଲ୍ପେ ଵନଭୁଵି ସଦନେ ପାର୍ଥିଵସ୍ୟାଽଶ୍ମହେମ୍ନୋ-
ର୍ନାର୍ୟାଂ ମୃତ୍ୟୌ ଚ ତୁଲ୍ୟଃ ସତତସୁଖିମନାଃ ସ୍ୟାଂ କଦା ଶାରଦାମ୍ବ ॥ ୮୫ ॥
କିଂ ପାଠୟେୟଂ ଲଘୁଚନ୍ଦ୍ରିକାଂ ଵା କିଂ ଵା ତ୍ୟଜେୟଂ ସକଲପ୍ରପଞ୍ଚମ୍ ।
ସ୍ଵପ୍ନେଽଦ୍ୟ ମେ ବ୍ରୂହି କିମତ୍ର କାର୍ୟଂ ଡୋଲାୟିତଂ ମାମକମମ୍ବ ଚେତଃ ॥ ୮୬ ॥
ତ୍ୟାଗେ ଵାଽଧ୍ୟାପନେ ଵା ମମ ଖଲୁ ନ ଗିରାଂ ଦେଵି କାପ୍ୟସ୍ତି ଶକ୍ତି-
ସ୍ତ୍ଵଂ ଵୈ ସର୍ଵତ୍ର ହେତୁର୍ୟଦସି ନିରଵଧିର୍ଵାରିରାଶିଃ କୃପାୟାଃ ।
ତସ୍ମାତ୍ସ୍ଵପ୍ନେଽଦ୍ୟ କାର୍ୟଂ ମମ ଖଲୁ ନିଖିଲଂ ବୋଧୟୈଵଂ କୁରୁଷ୍ଵେ-
ତ୍ୟଜ୍ଞାନାଂ ବୋଧନାର୍ଥଂ ତ୍ଵମିହ ବହୁଵିଧା ଅମ୍ବ ମୂର୍ତୀର୍ବିଭର୍ଷି ॥ ୮୭ ॥
ଵିତର ଵିଧିପ୍ରେୟସି ମେ ଵିମଲଧିୟଂ ଵାଞ୍ଛିତଂ ଚ ତରସୈଵ ।
ଵିଷ୍ଣୁମୁଖାମରଵନ୍ଦ୍ୟେ ଵିଧୁବିମ୍ବସମାନଵଦନକଞ୍ଜାତେ ॥ ୮୮ ॥
ଶାରଦନୀରଦସନ୍ନିଭଵସନେ ଵନଜାସନାନ୍ତରଙ୍ଗଚରେ ।
ଵରଟାଵଲ୍ଲଭୟାନେ ଵରଦେ ଵାଗ୍ଦେଵି ଶାରଦେ ପାହି ॥ ୮୯ ॥
ସପ୍ତଦଶଘସ୍ରମଵିରତମୀଶେନ ସମସ୍ତଵିଦ୍ୟାନାମ୍ ।
ଵିରଚିତଵାଦାଂ କୁତୁକାତ୍ସାମୋଦଂ ନୌମି ଵାଗ୍ଜନନୀମ୍ ॥ ୯୦ ॥
ସୁରଵରନିଷେଵ୍ୟପାଦେ ସୁଖଲଵାଧୂତକେକିକୁଲନିନଦେ
ସୁରଵନଵିହାରବଲଦେ ସୁରଵରଦେ ପାହି ଶାରଦେ ସୁରଦେ ॥ ୯୧ ॥
କୁନ୍ଦରଦନେଽମ୍ବ ଵାଣି ମୁକୁନ୍ଦରଵୀନ୍ଦ୍ଵାଦିଦେଵଵର୍ୟେଡ୍ୟେ ।
କୁନ୍ଦରକୃପାଵଶାନ୍ମୁକୁନ୍ଦଵରାଦ୍ୟାଂଶ୍ଚ ମେ ନିଧୀନ୍ଦେହି ॥ ୯୨ ॥
ସ୍ଫୁରଶରଦିନ୍ଦୁପ୍ରତିଭଟଵଦନେ ଵାଗ୍ଦେଵି ମାମକେ ମନସି ।
ଵରଦାନନିରତପାଣେ ସରସିଜନୟନେ ସରୋଜଜାତସଖି ॥ ୯୩ ॥
ଅସ୍ଥିରଭକ୍ତେର୍ମମ ଦେଵି ଗିରାଂ ଶୀଘ୍ରଂ ଦତ୍ତ୍ଵା କାଞ୍ଚିତ୍ସିଦ୍ଧିମ୍ ।
କୁରୁ ସୁଦୃଢାଂ ମମ ତଵ ପାଦାବ୍ଜେ ଭକ୍ତିଂ ଶୃଙ୍ଗଗିରୀନ୍ଦ୍ରନିଵାସେ ॥ ୯୪ ॥
ସହମାନସୋଦରି ସହ ପ୍ରଣ୍ତକୃତା ମାନହୀନମନ୍ତୁତତୀଃ ।
ସହମାନସୋଦରୀତ୍ଵଂ ତ୍ୟଜ ଵା ୟୁକ୍ତଂ ୟଦତ୍ର କୁରୁ ଵାଣି ॥ ୯୫ ॥
ଵଲଭିନ୍ମୁଖନିର୍ଜରଵରସେଵ୍ୟେ କଲଵଚନନ୍ୟକ୍କୃତପିକରାଵେ ।
ଜଲଜପ୍ରତିଭଟପଦୟୁଗରମ୍ୟେ କଲୟ ପ୍ରଵରଂ କୃତିନାମେନମ୍ ॥ ୯୬ ॥
କରଵିଲସଦ୍ଵରପୁସ୍ତକମାଲେ ଶରଦବ୍ଜାହଙ୍କୃତିହରଚେଲେ ।
ଅରଣୀସୁମନିଭକୁଙ୍କୁମଫାଲେ ଶରଣଂ ମମ ଭଵ ଧୃତଶୁକବାଲେ ॥ ୯୭ ॥ var ଅରଣୀସୁତନିଭ
କଲୟାସକ୍ତିଂ କମଲଜଦୟିତେ ତୁଲନାଶୂନ୍ୟାମୀମ୍ମନୁଵର୍ୟେ ।
ଵଲୟାଞ୍ଚିତକରସରସୀଜାତେ ଲଲନାଭିଃ ସୁରଵିତତେଃ ପୂଜ୍ୟେ ॥ ୯୮ ॥
ଶୃଙ୍ଗକ୍ଷ୍ମାଭୃତ୍କୂଟଵିହାରେ ତୁଙ୍ଗାତଟଭୂକୃତସଞ୍ଚାରେ ।
ଵାଚାଂ ଦେଵି ପ୍ରାର୍ଥିତମର୍ଥଂ ଶୀଘ୍ରଂ ଦେହି ପ୍ରଣତାୟାସ୍ମୈ ॥ ୯୯ ॥
ନାହଂ ସୋଢୁଂ କାଲଵିଲମ୍ବଂ ଶକ୍ନୋମ୍ୟମ୍ବ ପ୍ରଣତପ୍ରଵଣେ ।
ଈପ୍ସିତମର୍ଥଂ ଦେହି ତଦାଶୁ ଦ୍ରୁହିଣସ୍ଵାନ୍ତାମ୍ବୁଜବାଲଘୃଣେ ॥ ୧୦୦ ॥
ଇତି ଶୃଙ୍ଗେରି ଶ୍ରୀଜଗଦ୍ଗୁରୁ ଶ୍ରୀସଚ୍ଚିଦାନନ୍ଦଶିଵାଭିନଵନୃସିଂହ-
ଭାରତୀସ୍ଵାମିଭିଃ ଵିରଚିତଃ ଶ୍ରୀଶାରଦାଶତଶ୍ଲୋକୀସ୍ତଵଃ ସମ୍ପୂର୍ଣଃ ।