॥ Shiva Manasa Puja Odia Lyrics ॥
ରତ୍ନୈଃ କଲ୍ପିତମାସନଂ ହିମଜଲୈଃ ସ୍ନାନଂ ଚ ଦିଵ୍ଯାଂବରଂ
ନାନାରତ୍ନ ଵିଭୂଷିତଂ ମୃଗମଦା ମୋଦାଂକିତଂ ଚଂଦନମ୍ ।
ଜାତୀ ଚଂପକ ବିଲ୍ଵପତ୍ର ରଚିତଂ ପୁଷ୍ପଂ ଚ ଧୂପଂ ତଥା
ଦୀପଂ ଦେଵ ଦଯାନିଧେ ପଶୁପତେ ହୃତ୍କଲ୍ପିତଂ ଗୃହ୍ଯତାମ୍ ॥ 1 ॥
ସୌଵର୍ଣେ ନଵରତ୍ନଖଂଡ ରଚିତେ ପାତ୍ରେ ଘୃତଂ ପାଯସଂ
ଭକ୍ଷ୍ଯଂ ପଂଚଵିଧଂ ପଯୋଦଧିଯୁତଂ ରଂଭାଫଲଂ ପାନକମ୍ ।
ଶାକାନାମଯୁତଂ ଜଲଂ ରୁଚିକରଂ କର୍ପୂର ଖଂଡୋଜ୍ଜ୍ଚଲଂ
ତାଂବୂଲଂ ମନସା ମଯା ଵିରଚିତଂ ଭକ୍ତ୍ଯା ପ୍ରଭୋ ସ୍ଵୀକୁରୁ ॥ 2 ॥
ଛତ୍ରଂ ଚାମରଯୋର୍ଯୁଗଂ ଵ୍ଯଜନକଂ ଚାଦର୍ଶକଂ ନିର୍ମଲଂ
ଵୀଣା ଭେରି ମୃଦଂଗ କାହଲକଲା ଗୀତଂ ଚ ନୃତ୍ଯଂ ତଥା ।
ସାଷ୍ଟାଂଗଂ ପ୍ରଣତିଃ ସ୍ତୁତି-ର୍ବହୁଵିଧା-ହ୍ଯେତତ୍-ସମସ୍ତଂ ମଯା
ସଂକଲ୍ପେନ ସମର୍ପିତଂ ତଵ ଵିଭୋ ପୂଜାଂ ଗୃହାଣ ପ୍ରଭୋ ॥ 3 ॥
ଆତ୍ମା ତ୍ଵଂ ଗିରିଜା ମତିଃ ସହଚରାଃ ପ୍ରାଣାଃ ଶରୀରଂ ଗୃହଂ
ପୂଜା ତେ ଵିଷଯୋପଭୋଗ-ରଚନା ନିଦ୍ରା ସମାଧିସ୍ଥିତିଃ ।
ସଂଚାରଃ ପଦଯୋଃ ପ୍ରଦକ୍ଷିଣଵିଧିଃ ସ୍ତୋତ୍ରାଣି ସର୍ଵା ଗିରୋ
ଯଦ୍ଯତ୍କର୍ମ କରୋମି ତତ୍ତଦଖିଲଂ ଶଂଭୋ ତଵାରାଧନମ୍ ॥ 4 ॥
କର ଚରଣ କୃତଂ ଵାକ୍କାଯଜଂ କର୍ମଜଂ ଵା
ଶ୍ରଵଣ ନଯନଜଂ ଵା ମାନସଂ ଵାପରାଧମ୍ ।
ଵିହିତମଵିହିତଂ ଵା ସର୍ଵମେତତ୍-କ୍ଷମସ୍ଵ
ଜଯ ଜଯ କରୁଣାବ୍ଧେ ଶ୍ରୀ ମହାଦେଵ ଶଂଭୋ ॥ 5 ॥
– Chant Stotra in Other Languages –
Composed by Sri Adi Shankaracharya » Shiva Manasa Puja in Sanskrit » English » Bengali » Gujarati » Kannada » Malayalam » Telugu » Tamil » Marathi