॥ SitaRama Ashtakam Gujarati Lyrics ॥
॥ શ્રીસીતારામાષ્ટકમ્ ॥
બ્રહ્મમહેન્દ્રસુરેન્દ્રમરુદ્ગણરુદ્રમુનીન્દ્રગણૈરતિરમ્યં
ક્ષીરસરિત્પતિતીરમુપેત્ય નુતં હિ સતામવિતારમુદારમ્ ।
ભૂમિભરપ્રશમાર્થમથ પ્રથિતપ્રકટીકૃતચિદ્ઘનમૂર્તિમ્ ।
ત્વાં ભજતો રઘુનન્દન દેહિ દયાઘન મે સ્વપદામ્બુજદાસ્યમ્ ॥ ૧ ॥
પદ્મદલાયતલોચન હે રઘુવંશવિભૂષણ દેવ દયાલો
નિર્મલનીરદનીલતનોઽખિલલોકહૃદમ્બુજભાસક ભાનો ।
કોમલગાત્ર પવિત્રપદાબ્જરજઃકણપાવિત ગૌતમકાન્ત ।
ત્વાં ભજતો રઘુનન્દન દેહિ દયાઘન મે સ્વપદામ્બુજદાસ્યમ્ ॥ ૨ ॥
પૂર્ણ પરાત્પર પાલય મામતિદીનમનાથમનન્તસુખાબ્ધે
પ્રાવૃડદભ્રતડિત્સુમનોહરપીતવરામ્બર રામ નમસ્તે ।
કામવિભઞ્જન કાન્તતરાનન કાઞ્ચનભૂષણ રત્નકિરીટ ।
ત્વાં ભજતો રઘુનન્દન દેહિ દયાઘન મે સ્વપદામ્બુજદાસ્યમ્ ॥ ૩ ॥
દિવ્યશરચ્છશિકાન્તિહરોજ્જ્વલમૌક્તિકમાલવિશાલસુમૌલે
કોટિરવિપ્રભ ચારુચરિત્રપવિત્ર વિચિત્રધનુઃશરપાણે ।
ચણ્ડમહાભુજદણ્ડવિખણ્ડિતરાક્ષસરાજમહાગજદણ્ડમ્ ।
ત્વાં ભજતો રઘુનન્દન દેહિ દયાઘન મે સ્વપદામ્બુજદાસ્યમ્ ॥ ૪ ॥
દોષવિહિંસ્રભુજઙ્ગસહસ્રસુરોષમહાનલકીલકલાપે
જન્મજરામરણોર્મિમયે મદમન્મથનક્રવિચક્રભવાબ્ધૌ ।
દુઃખનિધૌ ચ ચિરં પતિતં કૃપયાદ્ય સમુદ્ધર રામ તતો મામ્ ।
ત્વાં ભજતો રઘુનન્દન દેહિ દયાઘન મે સ્વપદામ્બુજદાસ્યમ્ ॥ ૫ ॥
સંસૃતિઘોરમદોત્કટકુઞ્જરતૃટ્ક્ષુદનીરદપિણ્ડિતતુણ્ડં
દણ્ડકરોન્મથિતં ચ રજસ્તમ ઉન્મદમોહપદોજ્ઝિતમાર્તમ્ ।
દીનમનન્યગતિં કૃપણં શરણાગતમાશુ વિમોચય મૂઢમ્ ।
ત્વાં ભજતો રઘુનન્દન દેહિ દયાઘન મે સ્વપદામ્બુજદાસ્યમ્ ॥ ૬ ॥
જન્મશતાર્જિતપાપસમન્વિતહૃત્કમલે પતિતે પશુકલ્પે
હે રઘુવીર મહારણધીર દયાં કુરુ મય્યતિમન્દમનીષે ।
ત્વં જનની ભગિની ચ પિતા મમ તાવદસિ ત્વવિતાપિ કૃપાલો ।
ત્વાં ભજતો રઘુનન્દન દેહિ દયાઘન મે સ્વપદામ્બુજદાસ્યમ્ ॥ ૭ ॥
ત્વાં તુ દયાલુમકિઞ્ચનવત્સલમુત્પલહારમપારમુદારં રામ
વિહાય કમન્યમનામયમીશ જનં શરણં નનુ યાયામ્ ।
ત્વત્પદપદ્મમતઃ શ્રિતમેવ મુદા ખલુ દેવ સદાવ સસીત ।
ત્વાં ભજતો રઘુનન્દન દેહિ દયાઘન મે સ્વપદામ્બુજદાસ્યમ્ ॥ ૮ ॥
યઃ કરુણામૃતસિન્ધુરનાથજનોત્તમબન્ધુરજોત્તમકારી
ભક્તભયોર્મિભવાબ્ધિતરિઃ સરયૂતટિનીતટચારુવિહારી ।
તસ્ય રઘુપ્રવરસ્ય નિરન્તરમષ્ટકમેતદનિષ્ટહરં વૈ યસ્તુ
પઠેદમરઃ સ નરો લભતેઽચ્યુતરામપદામ્બુજદાસ્યમ્ ॥ ૯ ॥
॥ ઇતિ શ્રીમન્મધુસૂદનાશ્રમશિષ્યાચ્યુતયતિવિરચિતં
શ્રીસીતારામાષ્ટકં સમ્પૂર્ણમ્ ॥
– Chant Stotra in Other Languages –
Sita Slokam » Sita Rama Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil