Sita Rama Ashtakam In Kannada

॥ SitaRama Ashtakam Kannada Lyrics ॥

॥ ಶ್ರೀಸೀತಾರಾಮಾಷ್ಟಕಮ್ ॥

ಬ್ರಹ್ಮಮಹೇನ್ದ್ರಸುರೇನ್ದ್ರಮರುದ್ಗಣರುದ್ರಮುನೀನ್ದ್ರಗಣೈರತಿರಮ್ಯಂ
ಕ್ಷೀರಸರಿತ್ಪತಿತೀರಮುಪೇತ್ಯ ನುತಂ ಹಿ ಸತಾಮವಿತಾರಮುದಾರಮ್ ।
ಭೂಮಿಭರಪ್ರಶಮಾರ್ಥಮಥ ಪ್ರಥಿತಪ್ರಕಟೀಕೃತಚಿದ್ಘನಮೂರ್ತಿಮ್ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ 1 ॥

ಪದ್ಮದಲಾಯತಲೋಚನ ಹೇ ರಘುವಂಶವಿಭೂಷಣ ದೇವ ದಯಾಲೋ
ನಿರ್ಮಲನೀರದನೀಲತನೋಽಖಿಲಲೋಕಹೃದಮ್ಬುಜಭಾಸಕ ಭಾನೋ ।
ಕೋಮಲಗಾತ್ರ ಪವಿತ್ರಪದಾಬ್ಜರಜಃಕಣಪಾವಿತ ಗೌತಮಕಾನ್ತ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ 2 ॥

ಪೂರ್ಣ ಪರಾತ್ಪರ ಪಾಲಯ ಮಾಮತಿದೀನಮನಾಥಮನನ್ತಸುಖಾಬ್ಧೇ
ಪ್ರಾವೃಡದಭ್ರತಡಿತ್ಸುಮನೋಹರಪೀತವರಾಮ್ಬರ ರಾಮ ನಮಸ್ತೇ ।
ಕಾಮವಿಭಂಜನ ಕಾನ್ತತರಾನನ ಕಾಂಚನಭೂಷಣ ರತ್ನಕಿರೀಟ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ 3 ॥

ದಿವ್ಯಶರಚ್ಛಶಿಕಾನ್ತಿಹರೋಜ್ಜ್ವಲಮೌಕ್ತಿಕಮಾಲವಿಶಾಲಸುಮೌಲೇ
ಕೋಟಿರವಿಪ್ರಭ ಚಾರುಚರಿತ್ರಪವಿತ್ರ ವಿಚಿತ್ರಧನುಃಶರಪಾಣೇ ।
ಚಂಡಮಹಾಭುಜದಂಡವಿಖಂಡಿತರಾಕ್ಷಸರಾಜಮಹಾಗಜದಂಡಮ್ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ 4 ॥

ದೋಷವಿಹಿಂಸ್ರಭುಜಂಗಸಹಸ್ರಸುರೋಷಮಹಾನಲಕೀಲಕಲಾಪೇ
ಜನ್ಮಜರಾಮರಣೋರ್ಮಿಮಯೇ ಮದಮನ್ಮಥನಕ್ರವಿಚಕ್ರಭವಾಬ್ಧೌ ।
ದುಃಖನಿಧೌ ಚ ಚಿರಂ ಪತಿತಂ ಕೃಪಯಾದ್ಯ ಸಮುದ್ಧರ ರಾಮ ತತೋ ಮಾಮ್ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ 5 ॥

ಸಂಸೃತಿಘೋರಮದೋತ್ಕಟಕುಂಜರತೃಟ್ಕ್ಷುದನೀರದಪಿಂಡಿತತುಂಡಂ
ದಂಡಕರೋನ್ಮಥಿತಂ ಚ ರಜಸ್ತಮ ಉನ್ಮದಮೋಹಪದೋಜ್ಝಿತಮಾರ್ತಮ್ ।
ದೀನಮನನ್ಯಗತಿಂ ಕೃಪಣಂ ಶರಣಾಗತಮಾಶು ವಿಮೋಚಯ ಮೂಢಮ್ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ 6 ॥

ಜನ್ಮಶತಾರ್ಜಿತಪಾಪಸಮನ್ವಿತಹೃತ್ಕಮಲೇ ಪತಿತೇ ಪಶುಕಲ್ಪೇ
ಹೇ ರಘುವೀರ ಮಹಾರಣಧೀರ ದಯಾಂ ಕುರು ಮಯ್ಯತಿಮನ್ದಮನೀಷೇ ।
ತ್ವಂ ಜನನೀ ಭಗಿನೀ ಚ ಪಿತಾ ಮಮ ತಾವದಸಿ ತ್ವವಿತಾಪಿ ಕೃಪಾಲೋ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ 7 ॥

ತ್ವಾಂ ತು ದಯಾಲುಮಕಿಂಚನವತ್ಸಲಮುತ್ಪಲಹಾರಮಪಾರಮುದಾರಂ ರಾಮ
ವಿಹಾಯ ಕಮನ್ಯಮನಾಮಯಮೀಶ ಜನಂ ಶರಣಂ ನನು ಯಾಯಾಮ್ ।
ತ್ವತ್ಪದಪದ್ಮಮತಃ ಶ್ರಿತಮೇವ ಮುದಾ ಖಲು ದೇವ ಸದಾವ ಸಸೀತ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ 8 ॥

ಯಃ ಕರುಣಾಮೃತಸಿನ್ಧುರನಾಥಜನೋತ್ತಮಬನ್ಧುರಜೋತ್ತಮಕಾರೀ
ಭಕ್ತಭಯೋರ್ಮಿಭವಾಬ್ಧಿತರಿಃ ಸರಯೂತಟಿನೀತಟಚಾರುವಿಹಾರೀ ।
ತಸ್ಯ ರಘುಪ್ರವರಸ್ಯ ನಿರನ್ತರಮಷ್ಟಕಮೇತದನಿಷ್ಟಹರಂ ವೈ ಯಸ್ತು
ಪಠೇದಮರಃ ಸ ನರೋ ಲಭತೇಽಚ್ಯುತರಾಮಪದಾಮ್ಬುಜದಾಸ್ಯಮ್ ॥ 9 ॥

॥ ಇತಿ ಶ್ರೀಮನ್ಮಧುಸೂದನಾಶ್ರಮಶಿಷ್ಯಾಚ್ಯುತಯತಿವಿರಚಿತಂ
ಶ್ರೀಸೀತಾರಾಮಾಷ್ಟಕಂ ಸಮ್ಪೂರ್ಣಮ್ ॥

– Chant Stotra in Other Languages –

Sita Slokam » Sita Rama Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil