॥ SitaRama Ashtakam Malayalam Lyrics ॥
॥ ശ്രീസീതാരാമാഷ്ടകം ॥
ബ്രഹ്മമഹേന്ദ്രസുരേന്ദ്രമരുദ്ഗണരുദ്രമുനീന്ദ്രഗണൈരതിരംയം
ക്ഷീരസരിത്പതിതീരമുപേത്യ നുതം ഹി സതാമവിതാരമുദാരം ।
ഭൂമിഭരപ്രശമാര്‍ഥമഥ പ്രഥിതപ്രകടീകൃതചിദ്ഘനമൂര്‍തിം ।
ത്വാം ഭജതോ രഘുനന്ദന ദേഹി ദയാഘന മേ സ്വപദാംബുജദാസ്യം ॥ 1 ॥
പദ്മദലായതലോചന ഹേ രഘുവംശവിഭൂഷണ ദേവ ദയാലോ
നിര്‍മലനീരദനീലതനോഽഖിലലോകഹൃദംബുജഭാസക ഭാനോ ।
കോമലഗാത്ര പവിത്രപദാബ്ജരജഃകണപാവിത ഗൌതമകാന്ത ।
ത്വാം ഭജതോ രഘുനന്ദന ദേഹി ദയാഘന മേ സ്വപദാംബുജദാസ്യം ॥ 2 ॥
പൂര്‍ണ പരാത്പര പാലയ മാമതിദീനമനാഥമനന്തസുഖാബ്ധേ
പ്രാവൃഡദഭ്രതഡിത്സുമനോഹരപീതവരാംബര രാമ നമസ്തേ ।
കാമവിഭഞ്ജന കാന്തതരാനന കാഞ്ചനഭൂഷണ രത്നകിരീട ।
ത്വാം ഭജതോ രഘുനന്ദന ദേഹി ദയാഘന മേ സ്വപദാംബുജദാസ്യം ॥ 3 ॥
ദിവ്യശരച്ഛശികാന്തിഹരോജ്ജ്വലമൌക്തികമാലവിശാലസുമൌലേ
കോടിരവിപ്രഭ ചാരുചരിത്രപവിത്ര വിചിത്രധനുഃശരപാണേ ।
ചണ്ഡമഹാഭുജദണ്ഡവിഖണ്ഡിതരാക്ഷസരാജമഹാഗജദണ്ഡം ।
ത്വാം ഭജതോ രഘുനന്ദന ദേഹി ദയാഘന മേ സ്വപദാംബുജദാസ്യം ॥ 4 ॥
ദോഷവിഹിംസ്രഭുജങ്ഗസഹസ്രസുരോഷമഹാനലകീലകലാപേ
ജന്‍മജരാമരണോര്‍മിമയേ മദമന്‍മഥനക്രവിചക്രഭവാബ്ധൌ ।
ദുഃഖനിധൌ ച ചിരം പതിതം കൃപയാദ്യ സമുദ്ധര രാമ തതോ മാം ।
ത്വാം ഭജതോ രഘുനന്ദന ദേഹി ദയാഘന മേ സ്വപദാംബുജദാസ്യം ॥ 5 ॥
സംസൃതിഘോരമദോത്കടകുഞ്ജരതൃട്ക്ഷുദനീരദപിണ്ഡിതതുണ്ഡം
ദണ്ഡകരോന്‍മഥിതം ച രജസ്തമ ഉന്‍മദമോഹപദോജ്ഝിതമാര്‍തം ।
ദീനമനന്യഗതിം കൃപണം ശരണാഗതമാശു വിമോചയ മൂഢം ।
ത്വാം ഭജതോ രഘുനന്ദന ദേഹി ദയാഘന മേ സ്വപദാംബുജദാസ്യം ॥ 6 ॥
ജന്‍മശതാര്‍ജിതപാപസമന്വിതഹൃത്കമലേ പതിതേ പശുകല്‍പേ
ഹേ രഘുവീര മഹാരണധീര ദയാം കുരു മയ്യതിമന്ദമനീഷേ ।
ത്വം ജനനീ ഭഗിനീ ച പിതാ മമ താവദസി ത്വവിതാപി കൃപാലോ ।
ത്വാം ഭജതോ രഘുനന്ദന ദേഹി ദയാഘന മേ സ്വപദാംബുജദാസ്യം ॥ 7 ॥
ത്വാം തു ദയാലുമകിഞ്ചനവത്സലമുത്പലഹാരമപാരമുദാരം രാമ
വിഹായ കമന്യമനാമയമീശ ജനം ശരണം നനു യായാം ।
ത്വത്പദപദ്മമതഃ ശ്രിതമേവ മുദാ ഖലു ദേവ സദാവ സസീത ।
ത്വാം ഭജതോ രഘുനന്ദന ദേഹി ദയാഘന മേ സ്വപദാംബുജദാസ്യം ॥ 8 ॥
യഃ കരുണാമൃതസിന്ധുരനാഥജനോത്തമബന്ധുരജോത്തമകാരീ
ഭക്തഭയോര്‍മിഭവാബ്ധിതരിഃ സരയൂതടിനീതടചാരുവിഹാരീ ।
തസ്യ രഘുപ്രവരസ്യ നിരന്തരമഷ്ടകമേതദനിഷ്ടഹരം വൈ യസ്തു
പഠേദമരഃ സ നരോ ലഭതേഽച്യുതരാമപദാംബുജദാസ്യം ॥ 9 ॥
॥ ഇതി ശ്രീമന്‍മധുസൂദനാശ്രമശിഷ്യാച്യുതയതിവിരചിതം
ശ്രീസീതാരാമാഷ്ടകം സമ്പൂര്‍ണം ॥
– Chant Stotra in Other Languages –
Sita Slokam » Sita Rama Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil