॥ Sita Rama Ashtakam Telugu Lyrics ॥
॥ శ్రీసీతారామాష్టకమ్ ॥
బ్రహ్మమహేన్ద్రసురేన్ద్రమరుద్గణరుద్రమునీన్ద్రగణైరతిరమ్యం
క్షీరసరిత్పతితీరముపేత్య నుతం హి సతామవితారముదారమ్ ।
భూమిభరప్రశమార్థమథ ప్రథితప్రకటీకృతచిద్ఘనమూర్తిమ్ ।
త్వాం భజతో రఘునన్దన దేహి దయాఘన మే స్వపదామ్బుజదాస్యమ్ ॥ ౧ ॥
పద్మదలాయతలోచన హే రఘువంశవిభూషణ దేవ దయాలో
నిర్మలనీరదనీలతనోఽఖిలలోకహృదమ్బుజభాసక భానో ।
కోమలగాత్ర పవిత్రపదాబ్జరజఃకణపావిత గౌతమకాన్త ।
త్వాం భజతో రఘునన్దన దేహి దయాఘన మే స్వపదామ్బుజదాస్యమ్ ॥ ౨ ॥
పూర్ణ పరాత్పర పాలయ మామతిదీనమనాథమనన్తసుఖాబ్ధే
ప్రావృడదభ్రతడిత్సుమనోహరపీతవరామ్బర రామ నమస్తే ।
కామవిభఞ్జన కాన్తతరానన కాఞ్చనభూషణ రత్నకిరీట ।
త్వాం భజతో రఘునన్దన దేహి దయాఘన మే స్వపదామ్బుజదాస్యమ్ ॥ ౩ ॥
దివ్యశరచ్ఛశికాన్తిహరోజ్జ్వలమౌక్తికమాలవిశాలసుమౌలే
కోటిరవిప్రభ చారుచరిత్రపవిత్ర విచిత్రధనుఃశరపాణే ।
చణ్డమహాభుజదణ్డవిఖణ్డితరాక్షసరాజమహాగజదణ్డమ్ ।
త్వాం భజతో రఘునన్దన దేహి దయాఘన మే స్వపదామ్బుజదాస్యమ్ ॥ ౪ ॥
దోషవిహింస్రభుజఙ్గసహస్రసురోషమహానలకీలకలాపే
జన్మజరామరణోర్మిమయే మదమన్మథనక్రవిచక్రభవాబ్ధౌ ।
దుఃఖనిధౌ చ చిరం పతితం కృపయాద్య సముద్ధర రామ తతో మామ్ ।
త్వాం భజతో రఘునన్దన దేహి దయాఘన మే స్వపదామ్బుజదాస్యమ్ ॥ ౫ ॥
సంసృతిఘోరమదోత్కటకుఞ్జరతృట్క్షుదనీరదపిణ్డితతుణ్డం
దణ్డకరోన్మథితం చ రజస్తమ ఉన్మదమోహపదోజ్ఝితమార్తమ్ ।
దీనమనన్యగతిం కృపణం శరణాగతమాశు విమోచయ మూఢమ్ ।
త్వాం భజతో రఘునన్దన దేహి దయాఘన మే స్వపదామ్బుజదాస్యమ్ ॥ ౬ ॥
జన్మశతార్జితపాపసమన్వితహృత్కమలే పతితే పశుకల్పే
హే రఘువీర మహారణధీర దయాం కురు మయ్యతిమన్దమనీషే ।
త్వం జననీ భగినీ చ పితా మమ తావదసి త్వవితాపి కృపాలో ।
త్వాం భజతో రఘునన్దన దేహి దయాఘన మే స్వపదామ్బుజదాస్యమ్ ॥ ౭ ॥
త్వాం తు దయాలుమకిఞ్చనవత్సలముత్పలహారమపారముదారం రామ
విహాయ కమన్యమనామయమీశ జనం శరణం నను యాయామ్ ।
త్వత్పదపద్మమతః శ్రితమేవ ముదా ఖలు దేవ సదావ ససీత ।
త్వాం భజతో రఘునన్దన దేహి దయాఘన మే స్వపదామ్బుజదాస్యమ్ ॥ ౮ ॥
యః కరుణామృతసిన్ధురనాథజనోత్తమబన్ధురజోత్తమకారీ
భక్తభయోర్మిభవాబ్ధితరిః సరయూతటినీతటచారువిహారీ ।
తస్య రఘుప్రవరస్య నిరన్తరమష్టకమేతదనిష్టహరం వై యస్తు
పఠేదమరః స నరో లభతేఽచ్యుతరామపదామ్బుజదాస్యమ్ ॥ ౯ ॥
॥ ఇతి శ్రీమన్మధుసూదనాశ్రమశిష్యాచ్యుతయతివిరచితం
శ్రీసీతారామాష్టకం సమ్పూర్ణమ్ ॥
– Chant Stotra in Other Languages –
Sita Slokam » Sita Rama Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil