॥ Sri Sita Rama Kalyana Ghattam (Ramayana Antargatam) Telugu Lyrics ॥
॥ శ్రీ సీతా రామ కళ్యాణ ఘట్టం (శ్రీమద్రామాయణాన్తర్గతం) ॥
యస్మింస్తు దివసే రాజా చక్రే గోదానముత్తమమ్ ।
తస్మింస్తు దివసే శూరో యుధాజిత్సముపేయివాన్ ॥ ౧-౭౩-౧ ॥
పుత్రః కేకయరాజస్య సాక్షాద్భరతమాతులః ।
దృష్ట్వా పృష్ట్వా చ కుశలం రాజానమిదమబ్రవీత్ ॥ ౧-౭౩-౨ ॥
కేకయాధిపతీ రాజా స్నేహాత్ కుశలమబ్రవీత్ ।
యేషాం కుశలకామోఽసి తేషాం సంప్రత్యనామయమ్ ॥ ౧-౭౩-౩ ॥
స్వస్రీయం మమ రాజేంద్ర ద్రష్టుకామో మహీపతిః ।
తదర్థముపయాతోఽహమయోధ్యాం రఘునందన ॥ ౧-౭౩-౪ ॥
శ్రుత్వా త్వహమయోధ్యాయాం వివాహార్థం తవాత్మజాన్ ।
మిథిలాముపయాతాంస్తు త్వయా సహ మహీపతే ॥ ౧-౭౩-౫ ॥
త్వరయాభ్యుపయాతోఽహం ద్రష్టుకామస్స్వసుస్సుతమ్ ।
అథ రాజా దశరథః ప్రియాతిథిముపస్థితమ్ ॥ ౧-౭౩-౬ ॥
దృష్ట్వా పరమసత్కారైః పూజార్హం సమపూజయత్ ।
తతస్తాముషితో రాత్రిం సహ పుత్రైర్మహాత్మభిః ॥ ౧-౭౩-౭ ॥
ప్రభాతే పునరుత్థాయ కృత్వా కర్మాణి కర్మవిత్ ।
ఋషీంస్తదా పురస్కృత్య యజ్ఞవాటముపాగమత్ ॥ ౧-౭౩-౮ ॥
యుక్తే ముహూర్తే విజయే సర్వాభరణభూషితైః ।
భ్రాతృభిస్సహితో రామః కృతకౌతుకమంగలః ॥ ౧-౭౩-౯ ॥
వసిష్ఠం పురతః కృత్వా మహర్షీనపరానపి ।
పితుస్సమీపమాశ్రిత్య తస్థౌ భ్రాతృభిరావృతః ॥ ౧-౭౩-౧౦ ॥
వసిష్ఠో భగవానేత్య వైదేహమిదమబ్రవీత్ ।
రాజా దశరథో రాజన్ కృతకౌతుకమంగలైః ॥ ౧-౭౩-౧౧ ॥
పుత్రైర్నరవర శ్రేష్ఠ దాతారమభికాంక్షతే ।
దాతృప్రతిగ్రహీతృభ్యాం సర్వార్థాః ప్రభవంతి హి ॥ ౧-౭౩-౧౨ ॥
స్వధర్మం ప్రతిపద్యస్వ కృత్వా వైవాహ్యముత్తమమ్ ।
ఇత్యుక్తః పరమోదారో వసిష్ఠేన మహాత్మనా ॥ ౧-౭౩-౧౩ ॥
ప్రత్యువాచ మహాతేజా వాక్యం పరమధర్మవిత్ ।
కస్స్థితః ప్రతిహారో మే కస్యాజ్ఞా సంప్రతీక్ష్యతే ॥ ౧-౭౩-౧౪ ॥
స్వగృహే కో విచారోఽస్తి యథా రాజ్యమిదం తవ ।
కృతకౌతుకసర్వస్వా వేదిమూలముపాగతాః ॥ ౧-౭౩-౧౫ ॥
మమ కన్యా మునిశ్రేష్ఠ దీప్తా వహ్నేరివార్చిషః ।
సజ్జోఽహం త్వత్ప్రతీక్షోఽస్మి వేద్యామస్యాం ప్రతిషితః ॥ ౧-౭౩-౧౬ ॥
అవిఘ్నం కురుతాం రాజా కిమర్థమవలంబతే ।
తద్వాక్యం జనకేనోక్తం శ్రుత్వా దశరథస్తదా ॥ ౧-౭౩-౧౭ ॥
ప్రవేశయామాస సుతాన్ సర్వానృషిగణానపి ।
తతో రాజా విదేహానాం వసిష్ఠమిదమబ్రవీత్ ॥ ౧-౭౩-౧౮ ॥
కారయస్వ ఋషే సర్వమృషిభిః సహ ధార్మిక ।
రామస్య లోకరామస్య క్రియాం వైవాహికీం ప్రభో ॥ ౧-౭౩-౧౯ ॥
తథేత్యుక్త్వా తు జనకం వసిష్ఠో భగవానృషిః ।
విశ్వామిత్రం పురస్కృత్య శతానందం చ ధార్మికమ్ ॥ ౧-౭౩-౨౦ ॥
ప్రపామధ్యే తు విధివత్వేదిం కృత్వా మహాతపాః ।
అలఞ్చకార తాం వేదిం గంధపుష్పైస్సమన్తతః ॥ ౧-౭౩-౨౧ ॥
సువర్ణపాలికాభిశ్చ ఛిద్రకుమ్భైశ్చ సాంకురైః ।
అంకురాఢ్యైశ్శరావైశ్చ ధూపపాత్రైస్సధూపకైః ॥ ౧-౭౩-౨౨ ॥
శంఖపాత్రై-స్స్రువై-స్స్రుగ్భిః పాత్రైరర్ఘ్యాభిపూరితైః ।
లాజపూర్ణైశ్చ పాత్రీభిరక్షతైరభిసంస్కృతైః ॥ ౧-౭౩-౨౩ ॥
దర్భైస్సమైస్సమాస్తీర్య విధివన్మంత్రపూర్వకమ్ ।
అగ్నిమాదాయ వేద్యాం తు విధిమంత్రపురస్కృతమ్ ॥ ౧-౭౩-౨౪ ॥
జుహావాగ్నౌ మహాతేజా వసిష్ఠో భగవానృషిః ।
తతస్సీతాం సమానీయ సర్వాభరణభుషితామ్ ॥ ౧-౭౩-౨౫ ॥
సమక్షమగ్నేస్సంస్థాప్య రాఘవాభిముఖే తదా ।
అబ్రవీజ్జనకో రాజా కౌసల్యానందవర్ధనమ్ ॥ ౧-౭౩-౨౬ ॥
ఇయం సీతా మమ సుతా సహధర్మచరీ తవ ।
ప్రతీచ్ఛ చైనాం భద్రం తే పాణిం గృహ్ణీష్వ పాణినా ॥ ౧-౭౩-౨౭ ॥
పతివ్రతా మహభాగా ఛాయేవానుగతా సదా ।
ఇత్యుక్త్వా ప్రాక్షిపద్రాజా మంత్రపూతం జలం తదా ॥ ౧-౭౩-౨౮ ॥
సాధు సాధ్వితి దేవానామృషీణాం వదతాం తదా ।
దేవదున్దుభిర్నిర్ఘోషః పుష్పవర్షో మహానభూత్ ॥ ౧-౭౩-౨౯ ॥
ఏవం దత్త్వా తదా సీతాం మంత్రోదకపురస్కృతామ్ ।
అబ్రవీజ్జనకో రాజా హర్షేణాభిపరిప్లుతః ॥ ౧-౭౩-౩౦ ॥
లక్ష్మణాగచ్ఛ భద్రం తే ఊర్మిలాముద్యతాం మయా ।
ప్రతీచ్ఛ పాణిం గృహ్ణీష్వ మాభూత్కాలస్య పర్యయః ॥ ౧-౭౩-౩౧ ॥
తమేవముక్త్వా జనకో భరతం చాభ్యభాషత ।
గృహాణ పాణిం మాండవ్యాః పాణినా రఘునందన ॥ ౧-౭౩-౩౨ ॥
శత్రుఘ్నం చాపి ధర్మాత్మా అబ్రవీజ్జనకేశ్వరః ।
శ్రుతకీర్త్యా మహాబాహో పాణిం గృహ్ణీష్వ పాణినా ॥ ౧-౭౩-౩౩ ॥
సర్వే భవంతస్సౌమ్యాశ్చ సర్వే సుచరితవ్రతాః ।
పత్నీభిస్సంతు కాకుత్స్థా మాభూత్కాలస్య పర్యయః ॥ ౧-౭౩-౩౪ ॥
జనకస్య వచశ్శృత్వా పాణీన్ పాణిభిరాస్పృశన్ ।
చత్వారస్తే చతసృణాం వసిష్ఠస్య మతే స్థితాః ॥ ౧-౭౩-౩౫ ॥
అగ్నిం ప్రదక్షిణీకృత్య వేదిం రాజానమేవ చ ।
ఋషీంశ్చైవ మహాత్మానస్సభార్యా రఘుసత్తమాః ॥ ౧-౭౩-౩౬ ॥
యథోక్తేన తథా చక్రుర్వివాహం విధిపూర్వకమ్ ।
కాకుత్స్థైశ్చ గృహీతేషు లలితేషు చ పాణిషు ॥ ౧-౭౩-౩౭ ॥
పుష్పవృష్టిర్మహత్యాసీ-దంతరిక్షాత్సుభాస్వరా ।
దివ్యదున్దుభినిర్ఘోషై-ర్గీతవాదిత్రనిస్వనైః ॥ ౧-౭౩-౩౮ ॥
ననృతుశ్చాప్సరస్సంఘా గంధర్వాశ్చ జగుః కలమ్ ।
వివాహే రఘుముఖ్యానాం తదద్భుతమదృశ్యత ॥ ౧-౭౩-౩౯ ॥
ఈదృశే వర్తమానే తు తూర్యోద్ఘుష్టనినాదితే ।
త్రిరగ్నిం తే పరిక్రమ్య ఊహుర్భార్యాం మహౌజసః ॥ ౧-౭౩-౪౦ ॥
అథోపకార్యాం జగ్ముస్తే సభార్యా రఘునందనాః ।
రాజాఽప్యనుయయౌ పశ్యంత్సర్షిసంఘ-స్సబాంధవః ॥ ౧-౭౩-౪౧ ॥
ఇత్యార్షే శ్రీమద్రామాయణే వాల్మీకీయ ఆదికావ్యే బాలకాండే త్రిసప్తతితమస్సర్గః ॥
– Chant Stotra in Other Languages –
Sri Sita Rama Kalyana Ghattam (Ramayana Antargatam) in Sanskrit – English – Kannada – Telugu – Tamil