॥ Sri Suryashtakam 2 Gujarati Lyrics ॥
॥ સૂર્યાષ્ટકમ્ ૨ ॥
શ્રીગણેશાય નમઃ ।
પ્રભાતે યસ્મિન્નભ્યુદિતસમયે કર્મસુ નૃણાં
પ્રવર્તેદ્વૈ ચેતો ગતિરપિ ચ શીતાપહરણમ્ ।
ગતો મૈત્ર્યં પૃથ્વીસુરકુલપતેર્યશ્ચ તમહં
નમામિ શ્રીસૂર્યં તિમિરહરણં શાન્તશરણમ્ ॥ ૧ ॥
ત્રિનેત્રોઽપ્યઞ્જલ્યા સુરમુકુટસંવૃષ્ટચરણે
બલિં નીત્વા નિત્યં સ્તુતિમુદિતકાલાસ્તસમયે ।
નિધાનં યસ્યાયં કુરુત ઇતિ ધામ્નામધિપતિ
નમામિ શ્રીસૂર્યં તિમિરહરણં શાન્તશરણમ્ ॥ ૨ ॥
મૃગાઙ્કે મૂર્તિત્વં હ્યમરગણ ભર્તાકૃત ઇતિ
નૃણાં વર્ત્માત્માત્મોક્ષિણિતવિદુષાં યશ્ચ યજતામ્ ।
ક્રતુર્લોકાનાં યો લયભરભવેષુપ્રભુરયં
નમામિ શ્રીસૂર્યં તિમિરહરણં શાન્તશરણમ્ ॥ ૩ ॥
દિશઃ ખં કાલો ભૂરુદધિરચલં ચાક્ષુષમિદં
વિભાગો યેનાયં નિખિલમહસા દીપયતિ તાન્ ।
સ્વયં શુદ્ધં સંવિન્નિરતિશયમાનન્દમજરં
નમામિ શ્રીસૂર્યં તિમિરહરણં શાન્તશરણમ્ ॥ ૪ ॥
વૃષાત્પઞ્ચસ્વેત્યૌઢયતિ દિનમાનન્દગમનસ્-
તથા વૃદ્ધિં રાત્રૈઃ પ્રકટયતિ કીટાજ્જવગતિઃ ।
તુલે મેષે યાતો રચયતિ સમાનં દિનનિશં
નમામિ શ્રીસૂર્યં તિમિરહરણં શાન્તશરણમ્ ॥ ૫ ॥
વહન્તે યં હ્યશ્વા અરુણવિનિ યુક્તાઃ પ્રમુદિતાસ્-
ત્રયીરૂપં સાક્ષાદ્દધતિ ચ રથં મુક્તિસદનમ્ ।
નજીવાનાં યં વૈ વિષયતિ મનો વાગવસરો
નમામિ શ્રીસૂર્યં તિમિરહરણં શાન્તશરણમ્ ॥ ૬ ॥
તથા બ્રહ્મા નિત્યં મુનિજનયુતા યસ્ય પુરતશ્-
ચલન્તે નૃત્યન્તોઽયુતમુત રસેનાનુગુણિતં ।
નિબધ્નન્તી નાગા રથમપિ ચ નાગાયુતબલા
નમામિ શ્રીસૂર્યં તિમિરહરણં શાન્તશરણમ્ ॥ ૭ ॥
પ્રભાતે બ્રહ્માણં શિવતનુભૃતં મધ્યદિવસે
તથા સાયં વિષ્ણું જગતિ હિતકારી સુખકરમ્ ।
સદા તેજોરાશિં ત્રિવિવમથ પાપૌઘશમનં
નમામિ શ્રીસૂર્યં તિમિરહરણં શાન્તશરણમ્ ॥ ૮ ॥
મતં શાસ્ત્રાણાં યત્તદનુ રઘુનાથેન રચિતં
શુભં ચુંરાગ્રામે તિમિરહરસૂર્યાષ્ટકમિદમ્ ।
ત્રિસન્ધ્યાયાં નિત્યં પઠતિ મનુજોઽનન્યગતિમાંશ્-
ચતુર્વર્ગપ્રાપ્તૌ પ્રભવતિ સદા તસ્ય વિજયમ્ ॥ ૯ ॥
નન્દેન્દ્વઙ્ક્ક્ષિતાવબ્દે (૧૯૧૯) માર્ગમાસે શુભે દલે ।
સૂર્યાષ્ટકમિદં પ્રોક્તં દશમ્યાં રવિવાસરે ॥ ૧૦ ॥
ઇતિ શ્રીપણ્ડિતરઘુનાથશર્મણા વિરચિતં શ્રીસૂર્યાષ્ટકં સમ્પૂર્ણમ્ ।
– Chant Stotra in Other Languages –
Sun God Mantra » Sri Surya Ashtakam 2 Lyrics in Sanskrit » English » Bengali » Kannada » Malayalam » Odia » Telugu » Tamil