॥ Sri Suryashtakam 3 Telugu Lyrics ॥
॥ సూర్యాష్టకమ్ ౩ ॥
యస్యోదయేనాబ్జవనం ప్రసన్నం ప్రీతో భవత్యాశు రథాఙ్గవర్గః ।
గావో మృగాస్సమ్ముదితాశ్చరన్తి మార్తణ్డమాకాశమణిం తమీడే ॥ ౧ ॥
ఆశాః సమస్తా ముదితా భవన్తి గాఢం తమో ద్యౌర్విజహాతి విష్వక్ ।
గ్రామ్యా జనాః కర్మణి సంప్రవృత్తాః మార్త్తణ్డమాకాశమణిం తమీడే ॥ ౨ ॥
స్వాహా-స్వధాకారర్రవం ద్విజేన్ద్రాః కుర్వన్తి కుత్రాపి చ వేదపాఠమ్ ।
పాన్థా ముదా సర్వదిశో వ్రజన్తి మార్త్తణ్డమాకాశమణిం తమీడే ॥ ౩ ॥
దేవాలయే క్వాపి నరాశ్చ నార్యః పుష్పాదిభిర్దేవవరం యజన్తి ।
గాయన్తి నృత్యన్తి నమన్తి భక్త్యా మార్త్తణ్డమాకాశమణిం తమీడే ॥ ౪ ॥
ఛాత్రాః సతీర్థ్యైరథవా వయస్యైః సార్ధం హసన్తో నికటం గురూణామ్ ।
గచ్ఛన్తి విద్యాధ్యయనాయ శీఘ్రం మార్త్తణ్డమాకాశమణిం తమీడే ॥ ౫ ॥
శీతార్తదేహా మనుజాః ప్రసన్నాః కుర్వన్తి కార్యాణి సమీహితాని ।
విద్యాం యథా ప్రాప్య విదః ప్రభగ్నా మార్త్తాణ్డమాకాశమణిం తమీడే ॥ ౬ ॥
యేనైహికాముష్మిక -కార్యజాతం దేవాదిసన్తోషకరం విభాతి ।
యోఽసౌ వివస్వాన్ సకలార్థదాతా మార్త్తాణ్డమాకాశమణిం తమీడే ॥ ౭ ॥
బ్రహ్మేశ-హర్యాది-సమస్తదవాః శ్రుతా హి నో చాక్షుషగోచరాస్తే ।
సాక్షాదసౌ దృష్టిపురాగతో యో మార్త్తాణ్డమాకాశమణిం తమీడే ॥ ౮ ॥
సూర్యాష్టకమిదం పుణ్యం ధ్యాత్వా సూర్యం పఠేద్యది ।
రోగాః సర్వే వినశ్యన్తి నూనం సూర్యప్రసాదతః ॥ ౯ ॥
ఇతి శ్రీమదనన్తానన్దసరస్వతీవిరచితం శ్రీసూర్యాష్టకం సమ్పూర్ణమ్ ।
– Chant Stotra in Other Languages –
Sun God Mantra » Sri Surya Bhagawan Ashtakam 3 Lyrics in Sanskrit » English » Bengali » Gujarati » Kannada » Malayalam » Odia » Tamil