॥ Sri Svaminyashtakam Kannada Lyrics ॥
॥ ಶ್ರೀಸ್ವಾಮಿನ್ಯಷ್ಟಕಮ್ ॥
ರಹಸ್ಯಂ ಶ್ರೀರಾಧೇತ್ಯಖಿಲನಿಗಮಾನಾಮಿವ ಧನಂ
ನಿಗೂಢಂ ಯದ್ವಾಣೀ ಜಪತ ಸತತಂ ಜಾತು ನ ಪರಮ್ ।
ಪ್ರದೋಷೇ ದೃಗ್ಮೋಷೇ ಪುಲಿನಗಮನಾಯಾತಿಮಧುರಂ
ಬಲತ್ತಸ್ಯಾಶ್ಚಂಚಚ್ಚರಣಯುಗಮಾಸ್ತಾಂ ಮನಸಿ ಮೇ ॥ 1 ॥
ಅಮನ್ದಪ್ರೇಮಾರ್ದ್ರಪ್ರಿಯಕರತಲಂ ಕುಂಕುಮಪಿಷ-
ತ್ಕುಚದ್ವನ್ದ್ವೇ ವಕ್ಷಸ್ಯಪಿ ಚ ದಧತೀ ಚಾರು ಸತತಮ್ ।
ಕೃಪಾಂ ಕುರ್ಯಾದ್ರಾಧಾಮಯಿ ರುಚಿರಹೇಮಾದ್ರಿಶಿಖರೋ-
ದಿತಪ್ರಾವೃಣ್ಮೇಘಸ್ಮರಹರಹರೀ ಚೂಚುಕಮಿಷಾತ್ ॥ 2 ॥
ನಿಮನ್ತ್ರ್ಯ ಪ್ರಾತರ್ಯಾ ನಿಜಹೃದಯನಾಥಂ ನಿರುಪಮಾ
ಸುಕೌಮಾರ್ಯೈಕಾಕಿನ್ಯತಿಘನವನಾದಾತ್ಮಭವನೇ ।
ವಧಿಯಾನ್ನಂ ಸ್ವಾದು ಸ್ವಯಮತಿಮುದಾ ಭೋಜಯತಿ ಸಾ
ಮಯಿ ಪ್ರೀತಾ ರಾಧಾ ಭವತು ಹರಿಸಂಗಾರ್ಪಿತಮನಾಃ ॥ 3 ॥
ವಿಧಾಯ ಶ್ಯಾಮಾಂಸೇ ನಿಜಭುಜಲತಾಮಿನ್ದುವದನಂ
ಕಟಾಕ್ಷೈಃ ಪಶ್ಯನ್ತೀ ಕುವಲಯದಲಾಕ್ಷೀ ಮಧುಪತೇಃ ।
ಮುದಾ ಗಾಯನ್ತೀ ಯಾ ಮಥುರಮುರಲೀಜಾತನಿನದಾ-
ನುಸಾರಂ ತಾರಂ ಸಾ ಫಲತು ಮಮ ರಾಧಾವದನಯೋಃ ॥ 4 ॥
ಅಮನ್ದಪ್ರೇಮಾರ್ದ್ರಾತ್ಕಿಸಲಯಮಯಾತ್ಕೋಲಶಯನಾ-
ದುಷಸ್ಯುತ್ಥಾಯಾಬ್ಜಾರುಣತರಕಪೋಲಾತಿರುಚಿರಾ ।
ಗೃಹಂ ಯಾನ್ತೀ ಶ್ರಾನ್ತಿಸ್ಥಗಿತಗತಿರಾಸ್ಯಾಮ್ಬುಜಗತಂ
ಘನೀಭೂತಂ ರಾಧಾ ರಸಮನುದಿನಂ ಮೇ ವಿತರತು ॥ 5 ॥
ಪ್ರಿಯೇಣಾಕ್ಷ್ಣಾ ಸಂಸೂಚಿತನವನಿಕುಂಜೇಷು ವಿವಿಧ-
ಪ್ರಸೂನೈರ್ನಿರ್ಮಾಯಾತಿಶಯರುಚಿರಂ ಕೇಲಿಶಯನಮ್ ।
ದಿಗತ್ಯೇಷಾ ಗುಂಜನ್ಮಧುಪಮುಖರೇ ಧಾರಪವನೀ-
ಶ್ರಿತೇ ಕ್ರೀಡನ್ತೀ ಮೇ ನಿಜಚರಣದಾಸ್ಯಂ ವಿತರತು ॥ 6 ॥
ಕದಮ್ಬಾರೂಢಂ ಯಾ ನಿಜಪತಿಮಜಾನನ್ತ್ಯಹನಿ ತ-
ತ್ತಲೇ ಕುರ್ವನ್ತೀ ಸ್ವಪ್ರಿಯತಮಸಖೀಭಿಃ ಸಹ ಕಥಾಮ್ ।
ಅಕಸ್ಮಾದುದ್ವೀಕ್ಷ್ಯ ಸ್ಫುಟತರಲಹಾರೋರಸಮಿತಿ
ಸ್ಮಿತಸ್ಮೇರವ್ರೀಡಾಽಽನನಮುದಿರದೃಕ್ ಸಾ ಮಮ ಗತಿಃ ॥ 7 ॥
ನ ಮೇ ಭೂಯಾನ್ಮೋಕ್ಷೋ ನ ಪುನರಮರಾಧೀಶಸದನಂ
ನ ಯೋಗೋ ನ ಜ್ಞಾನಂ ನ ವಿಷಯಸುಖಂ ದುಃಖಕದನಮ್ ।
ತ್ವದುಚ್ಛಿಷ್ಟಂ ಭೋಜ್ಯಂ ತವ ಪದಜಲಂ ಪೇಯಮಪಿ ತ-
ದ್ರಜೋ ಮೂರ್ಧ್ನಿ ಸ್ವಾಮಿನ್ಯನುಸವನಮಸ್ತು ಪ್ರತಿಭವಮ್ ॥ 8 ॥
ಇತಿ ಶ್ರೀಮದ್ಗೋಪೀಜನಚರಣಪಂಕೇರುಹಯುಗಾ-
ನುಗತ್ಯಾಽಽನನ್ದಾಮ್ಭೋನಿಧಿವಿಭೃತವಾಕ್ಕಾಯಮನಸಾ ।
ಮಯೇದಂ ಪ್ರಾದುರ್ಭಾವಿತಮತಿಸುಖಂ ವಿಠ್ಠಲಪದಾ-
ಭಿಧೇಯೇ ಮಯ್ಯೇವ ಪ್ರತಿಫಲತು ಸರ್ವತ್ರ ಸತತಮ್ ॥ 9 ॥
ಇತಿ ಶ್ರೀವಿಠ್ಠಲೇಶ್ವರವಿರಚಿತಂ ಸ್ವಾಮಿನ್ಯಷ್ಟಕಂ ಸಮಾಪ್ತಮ್ ।
– Chant Stotra in Other Languages –
Sri Svaminya Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil