॥ Sri Svapnavilasamritashtakam Bengali Lyrics ॥
শ্রীস্বপ্নবিলাসামৃতাষ্টকম্
প্রিয়ে ! স্বপ্নে দৃষ্টা সরিদিনসুতেবাত্র পুলিনং
য়থা বৃন্দারণ্যে নটনপটবস্তত্র বহবঃ ।
মৃদঙ্গাদ্যং বাদ্যং বিবিধমিহ কশ্চিদ্দ্বিজমণিঃ
স বিদ্যুদ্গৌরাঙ্গঃ ক্ষিপতি জগতীং প্রেমজলধৌ ॥ ১ ॥
কদাচিত্কৃষ্ণেতি প্রলপতি রুদন্ কর্হিচিদসৌ
ক্ব রাধে হা হেতি শ্বসিতি পততি প্রোঞ্ঝতি ধৃতিম্ ।
নটত্যুল্লাসেন ক্বচিদপি গণৈঃ স্বৈঃ প্রণয়িভি-
স্তৃণাদিব্রহ্মান্তং জগদতিতরাং রোদয়তি সঃ ॥ ২ ॥
ততো বুদ্ধির্ভ্রান্তা মম সমজনি প্রেক্ষ্য কিমহো
ভবেত্সোঽয়ং কান্তঃ কিময়মহমেবাস্মি ন পরঃ ।
অহং চেত্ক্ব প্রেয়ান্মম স কিল চেত্ক্বাহমিতি মে
ভ্রমো ভূয়ো ভূয়ানভবদথ নিদ্রাং গতবতী ॥ ৩ ॥
প্রিয়ে ! দৃষ্ট্বা তাস্তাঃ কুতুকিনি ময়া দর্শিতচরী
রমেশাদ্যা মূর্তীর্ন খলু ভবতী বিস্ময়মগাত্ ।
কথং বিপ্রো বিস্মাপয়িতুমশকত্ত্বাং তব কথং
তথা ভ্রান্তিং ধত্তে স হি ভবতি কো হন্ত কিমিদম্ ॥ ৪ ॥
ইতি প্রোচ্য প্রেষ্ঠাং ক্ষণমথ পরামৃষ্য রমণো
হসন্নাকূতজ্ঞং ব্যনুদদথ তং কৌস্তুভমণিম্ ।
তথা দীপ্তং তেনে সপদি স য়থা দৃষ্টমিব ত-
দ্বিলাসানাং লক্ষ্মং স্থিরচরগণৈঃ সর্বমভবত্ ॥ ৫ ॥
বিভাব্যাথ প্রোচে প্রিয়তম ময়া জ্ঞাতমখিলং
তবাকূতং য়ত্ত্বং স্মিতমতনুথাস্তত্ত্বমসি সঃ ।
স্ফুটং য়ন্ নাবদীর্যদভিমতিরত্রাপ্যহমিতি
স্ফুরন্তী মে তস্মাদহমপি স এবেত্যনুমিমে ॥ ৬ ॥
য়দপ্যস্মাকীনং রতিপদমিদং কৌস্তুভমণিং
প্রদীপ্যাত্রৈবাদীদৃশদখিলজীবানপি ভবান্ ।
স্বশক্ত্যাবির্ভূয় স্বমখিলবিলাসং প্রতিজনং
নিগদ্য প্রেমাব্ধৌ পুনরপি তদাধাস্যসি জগত্ ॥ ৭ ॥
য়দুক্তং গর্গেণ ব্রজপতিসমক্ষং শ্রুতিবিদা
ভবেত্পীতো বর্ণঃ ক্বচিদপি তবৈতন্ ন হি মৃষা ।
অতঃ স্বপ্নঃ সত্যো মম চ ন তদা ভ্রান্তিরভবত্
ত্বমেবাসৌ সাক্ষাদিহ য়দনুভূতোঽসি তদৃতম্ ॥ ৮ ॥
পিবেদ্যস্য স্বপ্নামৃতমিদমহো চিত্তমধুপঃ
স সন্দেহস্বপ্নাত্ত্বরিতমিহ জাগর্তি সুমতিঃ ।
অবাপ্তশ্চৈতন্যং প্রণয়জলধৌ খেলতি য়তো
ভৃশং ধত্তে তস্মিন্নতুলকরুণাং কুঞ্জনৃপতিঃ ॥ ৯ ॥
ইতি শ্রীবিশ্বনাথচক্রবর্তিঠক্কুরবিরচিতস্তবামৃতলহর্যাং
শ্রীস্বপ্নবিলাসামৃতাষ্টকং সম্পূর্ণম্ ।
– Chant Stotra in Other Languages –
Sri Svapnavilasamritashtakam Lyrics in Sanskrit » English » Gujarati » Kannada » Malayalam » Odia » Telugu » Tamil