॥ Sri Svapnavilasamritashtakam Odia Lyrics ॥
ଶ୍ରୀସ୍ଵପ୍ନଵିଲାସାମୃତାଷ୍ଟକମ୍
ପ୍ରିୟେ ! ସ୍ଵପ୍ନେ ଦୃଷ୍ଟା ସରିଦିନସୁତେଵାତ୍ର ପୁଲିନଂ
ୟଥା ଵୃନ୍ଦାରଣ୍ୟେ ନଟନପଟଵସ୍ତତ୍ର ବହଵଃ ।
ମୃଦଙ୍ଗାଦ୍ୟଂ ଵାଦ୍ୟଂ ଵିଵିଧମିହ କଶ୍ଚିଦ୍ଦ୍ଵିଜମଣିଃ
ସ ଵିଦ୍ୟୁଦ୍ଗୌରାଙ୍ଗଃ କ୍ଷିପତି ଜଗତୀଂ ପ୍ରେମଜଲଧୌ ॥ ୧ ॥
କଦାଚିତ୍କୃଷ୍ଣେତି ପ୍ରଲପତି ରୁଦନ୍ କର୍ହିଚିଦସୌ
କ୍ଵ ରାଧେ ହା ହେତି ଶ୍ଵସିତି ପତତି ପ୍ରୋଞ୍ଝତି ଧୃତିମ୍ ।
ନଟତ୍ୟୁଲ୍ଲାସେନ କ୍ଵଚିଦପି ଗଣୈଃ ସ୍ଵୈଃ ପ୍ରଣୟିଭି-
ସ୍ତୃଣାଦିବ୍ରହ୍ମାନ୍ତଂ ଜଗଦତିତରାଂ ରୋଦୟତି ସଃ ॥ ୨ ॥
ତତୋ ବୁଦ୍ଧିର୍ଭ୍ରାନ୍ତା ମମ ସମଜନି ପ୍ରେକ୍ଷ୍ୟ କିମହୋ
ଭଵେତ୍ସୋଽୟଂ କାନ୍ତଃ କିମୟମହମେଵାସ୍ମି ନ ପରଃ ।
ଅହଂ ଚେତ୍କ୍ଵ ପ୍ରେୟାନ୍ମମ ସ କିଲ ଚେତ୍କ୍ଵାହମିତି ମେ
ଭ୍ରମୋ ଭୂୟୋ ଭୂୟାନଭଵଦଥ ନିଦ୍ରାଂ ଗତଵତୀ ॥ ୩ ॥
ପ୍ରିୟେ ! ଦୃଷ୍ଟ୍ଵା ତାସ୍ତାଃ କୁତୁକିନି ମୟା ଦର୍ଶିତଚରୀ
ରମେଶାଦ୍ୟା ମୂର୍ତୀର୍ନ ଖଲୁ ଭଵତୀ ଵିସ୍ମୟମଗାତ୍ ।
କଥଂ ଵିପ୍ରୋ ଵିସ୍ମାପୟିତୁମଶକତ୍ତ୍ଵାଂ ତଵ କଥଂ
ତଥା ଭ୍ରାନ୍ତିଂ ଧତ୍ତେ ସ ହି ଭଵତି କୋ ହନ୍ତ କିମିଦମ୍ ॥ ୪ ॥
ଇତି ପ୍ରୋଚ୍ୟ ପ୍ରେଷ୍ଠାଂ କ୍ଷଣମଥ ପରାମୃଷ୍ୟ ରମଣୋ
ହସନ୍ନାକୂତଜ୍ଞଂ ଵ୍ୟନୁଦଦଥ ତଂ କୌସ୍ତୁଭମଣିମ୍ ।
ତଥା ଦୀପ୍ତଂ ତେନେ ସପଦି ସ ୟଥା ଦୃଷ୍ଟମିଵ ତ-
ଦ୍ଵିଲାସାନାଂ ଲକ୍ଷ୍ମଂ ସ୍ଥିରଚରଗଣୈଃ ସର୍ଵମଭଵତ୍ ॥ ୫ ॥
ଵିଭାଵ୍ୟାଥ ପ୍ରୋଚେ ପ୍ରିୟତମ ମୟା ଜ୍ଞାତମଖିଲଂ
ତଵାକୂତଂ ୟତ୍ତ୍ଵଂ ସ୍ମିତମତନୁଥାସ୍ତତ୍ତ୍ଵମସି ସଃ ।
ସ୍ଫୁଟଂ ୟନ୍ ନାଵଦୀର୍ୟଦଭିମତିରତ୍ରାପ୍ୟହମିତି
ସ୍ଫୁରନ୍ତୀ ମେ ତସ୍ମାଦହମପି ସ ଏଵେତ୍ୟନୁମିମେ ॥ ୬ ॥
ୟଦପ୍ୟସ୍ମାକୀନଂ ରତିପଦମିଦଂ କୌସ୍ତୁଭମଣିଂ
ପ୍ରଦୀପ୍ୟାତ୍ରୈଵାଦୀଦୃଶଦଖିଲଜୀଵାନପି ଭଵାନ୍ ।
ସ୍ଵଶକ୍ତ୍ୟାଵିର୍ଭୂୟ ସ୍ଵମଖିଲଵିଲାସଂ ପ୍ରତିଜନଂ
ନିଗଦ୍ୟ ପ୍ରେମାବ୍ଧୌ ପୁନରପି ତଦାଧାସ୍ୟସି ଜଗତ୍ ॥ ୭ ॥
ୟଦୁକ୍ତଂ ଗର୍ଗେଣ ଵ୍ରଜପତିସମକ୍ଷଂ ଶ୍ରୁତିଵିଦା
ଭଵେତ୍ପୀତୋ ଵର୍ଣଃ କ୍ଵଚିଦପି ତଵୈତନ୍ ନ ହି ମୃଷା ।
ଅତଃ ସ୍ଵପ୍ନଃ ସତ୍ୟୋ ମମ ଚ ନ ତଦା ଭ୍ରାନ୍ତିରଭଵତ୍
ତ୍ଵମେଵାସୌ ସାକ୍ଷାଦିହ ୟଦନୁଭୂତୋଽସି ତଦୃତମ୍ ॥ ୮ ॥
ପିବେଦ୍ୟସ୍ୟ ସ୍ଵପ୍ନାମୃତମିଦମହୋ ଚିତ୍ତମଧୁପଃ
ସ ସନ୍ଦେହସ୍ଵପ୍ନାତ୍ତ୍ଵରିତମିହ ଜାଗର୍ତି ସୁମତିଃ ।
ଅଵାପ୍ତଶ୍ଚୈତନ୍ୟଂ ପ୍ରଣୟଜଲଧୌ ଖେଲତି ୟତୋ
ଭୃଶଂ ଧତ୍ତେ ତସ୍ମିନ୍ନତୁଲକରୁଣାଂ କୁଞ୍ଜନୃପତିଃ ॥ ୯ ॥
ଇତି ଶ୍ରୀଵିଶ୍ଵନାଥଚକ୍ରଵର୍ତିଠକ୍କୁରଵିରଚିତସ୍ତଵାମୃତଲହର୍ୟାଂ
ଶ୍ରୀସ୍ଵପ୍ନଵିଲାସାମୃତାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Svapnavilasamritashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil