॥ Sri Svayambhagavattvashtakam Telugu Lyrics ॥
॥ శ్రీస్వయంభగవత్త్వాష్టకమ్ ॥
స్వజన్మన్యైశ్వర్యం బలమిహ వధే దైత్యవితతే-
ర్యశః పార్థత్రాణే యదుపురి మహాసమ్పదమధాత్ ।
పరం జ్ఞానం జిష్ణౌ ముషలమను వైరాగ్యమను యో
భగైః షడ్భిః పూర్ణః స భవతు ముదే నన్దతనయః ॥ ౧ ॥
చతుర్బాహుత్వం యః స్వజని సమయే యో మృదశనే
జగత్కోటీం కుక్ష్యన్తరపరిమితత్వం స్వవపుషః ।
దధిస్ఫోటే బ్రహ్మణ్యతనుత పరానన్తతనుతాం
మహైశ్వర్యః పూర్ణః స భవతు ముదే నన్దతనయః ॥ ౨ ॥
బలం బక్యాం దన్తచ్ఛదనవరయోః కేశిని నృగే
నిఋపే బాహ్వోరఙ్ఘ్రేః ఫణిని వపుషః కంసమరుతోః ।
గిరిత్రే దైత్యేష్వప్యతనుత నిజాస్త్రస్య యదతో
మహౌజోభిః పూర్ణః స భవతు ముదే నన్దతనయః ॥ ౩ ॥
అసఙ్ఖ్యాతో గోప్యో వ్రజభువి మహిష్యో యదుపురే
సుతాః ప్రద్యుమ్నాద్యాః సురతరుసుధర్మాది చ ధనమ్ ।
బహిర్ద్వారి బ్రహ్మాద్యాపి బలివహం స్తౌతి యదతః
శ్రియాం పూరైః పూర్ణః స భవతు ముదే నన్దతనయః ॥ ౪ ॥
యతో దత్తే ముక్తిం రిపువితతయే యన్ నరజని-
ర్విజేతా రుద్రాదేరపి నతజనాధీన ఇతి యత్ ।
సభాయాం ద్రౌపద్యా వరకృదతిపూజ్యో నృపమఖే
యశోభిస్తత్పూర్ణః స భవతు ముదే నన్దతనయః ॥ ౫ ॥
న్యధాద్గీతారత్నం త్రిజగదతులం యత్ప్రియసఖే
పరం తత్త్వం ప్రేమ్ణోద్ధవపరమభక్తే చ నిగమమ్ ।
నిజప్రాణప్రేస్ఠాస్వపి రసభృతం గోపకులజా-
స్వతో జ్ఞానైః పూర్ణః స భవతు ముదే నన్దతనయః ॥ ౬ ॥
కృతాగస్కం వ్యాధం సతనుమపి వైకుణ్ఠమనయన్
మమత్వస్యైకాగ్రానపి పరిజనాన్ హన్త విజహౌ ।
యద్యప్యేతే శ్రుత్యా ధువతనుతయోక్తాస్తదపి హా
స్వవైరాగ్యైః పూర్ణః స భవతు ముదే నన్దతనయః ॥ ౭ ॥
అజత్వం జన్మిత్వం రతిరరతితేహారహితతా
సలీలత్వం వ్యాప్తిః పరిమితిరహంతామమతయోః ।
పదే త్యాగాత్యాగావుభయమపి నిత్యం సదురరీ
కరోతీశః పూర్ణః స భవతు ముదే నన్దతనయః ॥ ౮ ॥
సముద్యత్సన్దేహజ్వరశతహరం భేషజవరం
జనో యః సేవేత ప్రథితభగవత్త్వాష్టకమిదమ్ ।
తదైశ్వర్యస్వాదైః స్వధియమతివేలం సరసయన్
లభేతాసౌ తస్య ప్రియపరిజనానుగ్యపదవీమ్ ॥ ౯ ॥
ఇతి శ్రీవిశ్వనాథచక్రవర్తిఠక్కురవిరచితస్తవామృతలహర్యాం
శ్రీశ్రీస్వయంభగవత్త్వాష్టకం సమ్పూర్ణమ్ ।
– Chant Stotra in Other Languages –
Sri Svayam Bhagavattva Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil