॥ Sri Tripurarnavokta Varganta Stotram Telugu Lyrics ॥
॥ శ్రీత్రిపురార్ణవోక్తవర్గాన్తస్తోత్రం ॥
క్ష్మామ్బ్వగ్నీరణఖార్కేన్దుయష్ట్టప్రాయయుగాక్షరైః ।
మాతృభైరవగాం వన్దే దేవీం త్రిపురభైరవీమ్ ॥ ౧ ॥
కాదివర్గాష్టకాకారసమస్తాష్టకవిగ్రహామ్ ।
అష్టశక్త్యావృతాం వన్దే దేవీం త్రిపురభైరవీమ్ ॥ ౨ ॥
స్వరషోడశకానాం తు షట్ త్రింశద్భిః పరాపరైః ।
షట్ త్రింశత్తత్వగాం వన్దే దేవీం త్రిపురభైరవీమ్ ॥ ౩ ॥
షట్ త్రింశత్తత్వసంస్థాప్యశివచన్ద్రకలాస్వపి ।
కాదితత్త్వాన్తరాం వన్దే దేవీం త్రిపురభైరవీమ్ ॥ ౪ ॥
ఆ ఈ మాయా ద్వయోపాధివిచిత్రేన్దుకలావతీమ్ ।
సర్వాత్మికాం పరాం వన్దే దేవీం త్రిపురభైరవీమ్ ॥ ౫ ॥
షడధ్వపిణ్డయోనిస్థాం మణ్డలత్రయకుణ్డలీమ్ ।
లిఙ్గత్రయాతిగాం వన్దే దేవీం త్రిపురభైరవీమ్ ॥ ౬ ॥
స్వయమ్భూహృదయాం బాణభ్రూకామాన్తఃస్థితేతరామ్ ।
ప్రాచ్యాం ప్రత్యక్చితిం వన్దే దేవీం త్రిపురభైరవీమ్ ॥ ౭ ॥
అక్షరాన్తర్గతాశేషనామరూపాం క్రియాపరామ్ ।
శక్తిం విశ్వేశ్వరీం వన్దే దేవీం త్రిపురభైరవీమ్ ॥ ౮ ॥
వర్గాన్తే పఠితవ్యం స్యాత్ స్తోత్రమేతత్సమాహితైః ।
సర్వాన్ కామానవాప్నోతి అన్తే సాయుజ్యమాప్నుయాత్ ॥ ౯ ॥
ఇతి శ్రీత్రిపురార్ణవోక్తవర్గాన్తస్తోత్రం సమ్పూర్ణమ్ ।
– Chant Stotra in Other Languages –
Sri Tripurarnavokta Varganta Stotram Lyrics in Sanskrit » English » Bengali » Gujarati » Kannada » Malayalam » Odia » Tamil