॥ Sri Vaishvanarashtakam Odia Lyrics ॥
॥ ଶ୍ରୀଵୈଶ୍ଵାନରାଷ୍ଟକମ୍ ॥
ସମୁଦ୍ଭୂତୋ ଭୂମୌ ଭଗଵଦଭିଧାନେନ ସଦୟଃ
ସମୁଦ୍ଧାରଂ କର୍ତୁଂ କୃପଣମନୁଜାନାଂ କଲିୟୁଗେ ।
ଚକାର ସ୍ଵଂ ମାର୍ଗଂ ପ୍ରକଟମତୁଲାନନ୍ଦଜନନଂ
ସ ମେ ମୂର୍ଧନ୍ୟାସ୍ତାଂ ହରିଵଦନଵୈଶ୍ଵାନରଵିଭୁଃ ॥ ୧ ॥
ନିଜାନନ୍ଦେ ମଗ୍ନଃ ସତତମଥ ଲଗ୍ନଶ୍ଚ ମନସା
ହରୌ ଭଗ୍ନାସକ୍ତିର୍ଜଗତି ଜଗଦୁଦ୍ଧାରକରଣଃ ।
କୃପାପାରାଵାରଃ ପରହୃଦୟଶୋକାପହରଣଃ
ସ ମେ ମୂର୍ଧନ୍ୟାସ୍ତାଂ ହରିଵଦନଵୈଶ୍ଵାନରଵିଭୁଃ ॥ ୨ ॥
ମହାମାୟାମୋହପ୍ରଶମନମନା ଦୋଷନିଚୟା-
ପ୍ରତୀତଃ ଶ୍ରୀକୃଷ୍ଣଃ ପ୍ରକଟପଦଵିଦ୍ଵେଷସୟୁଜାମ୍ ।
ମୁଖଧ୍ଵଂସଂ ଚକ୍ରେ ନିଗମଵଚନୈର୍ମାୟିକନୃଣାଂ
ସ ମେ ମୂର୍ଧନ୍ୟାସ୍ତାଂ ହରିଵଦନଵୈଶ୍ଵାନରଵିଭୁଃ ॥ ୩ ॥
ପ୍ରସିଦ୍ଧୈସ୍ତୈର୍ଦୋଷୈଃ ସହଜକଲିଦୋଷାଦିଜନିତୋ-
ୟତଃ ସ୍ଵୀୟୈର୍ଧର୍ମୈରପି ଚ ରହିତଃ ସର୍ଵମନୁଜଃ ।
କୃତଃ ସମ୍ବନ୍ଧେନ ପ୍ରଭୁଚରଣସେଵାଦିସହିତଃ
ସ ମେ ମୂର୍ଧନ୍ୟାସ୍ତାଂ ହରିଵଦନଵୈଶ୍ଵାନରଵିଭୁଃ ॥ ୪ ॥
ଵିଭେଦଂ ୟଶ୍ଚକ୍ରେ ହରିଭଜନପୂଜାଦିଵିଧିଷୁ
ସ୍ଵମାର୍ଗୀୟପ୍ରାପ୍ୟଂ ଫଲମପି ଫଲେଭ୍ୟଃ ସମଧିକମ୍ ।
ଵିନା ଵୈରାଗ୍ୟାଦେରପି ପରମମୋକ୍ଷୈକଫଲଦଃ
ସ ମେ ମୂର୍ଧନ୍ୟାସ୍ତାଂ ହରିଵଦନଵୈଶ୍ଵାନରଵିଭୁଃ ॥ ୫ ॥
ପରିକ୍ରାନ୍ତା ପୃଥ୍ଵୀଚରଣକମଲୈସ୍ତୀର୍ଥମହିମ-
ପ୍ରସିଦ୍ଧ୍ୟର୍ଥଂ ସ୍ଵୀୟସ୍ମରଣସମଵାପ୍ତ୍ୟୈ ନିଜନୃଣାମ୍ ।
ତଥା ଦୈଵାଞ୍ଜୀଵାଞ୍ଜଗତି ଚ ପୃଥକ୍କର୍ତୁମଖିଲାନ୍
ସ ମେ ମୂର୍ଧନ୍ୟସ୍ତାଂ ହରିଵଦନଵୈଶ୍ଵାନରଵିଭୁଃ ॥ ୬ ॥
ହରିଂ ଭାଵାତ୍ମାନଂ ତଦଖିଲଵିହାରାନପି ତଥା
ସମସ୍ତାଂ ସାମଗ୍ରୀଂ ମନୁଜପଶୁପକ୍ଷ୍ୟାଦିସହିତାନ୍ ।
କୃପାମାତ୍ରେଣାତ୍ର ପ୍ରକଟୟତି ଦୃକ୍ ପାରକରୁଣଃ
ସ ମେ ମୂର୍ଧନ୍ୟାସ୍ତାଂ ହରିଵଦନଵୈଶ୍ଵାନରଵିଭୁଃ ॥ ୭ ॥
ପରେଷାମାସକ୍ତିଂ ସୁତଧନଶରୀରାଦିଷୁ ଦୃଢାଂ
ଦ୍ରୁତଂ ଭସ୍ମୀଚକ୍ରେ ବହୁଲମପି ତୂଲଂ ଜ୍ଵଲନ ଇଵ ।
ସ୍ଵସାନ୍ନିଧ୍ୟାଦେଵ ଵ୍ୟସନମପି କୃଷ୍ଣୋଽପି ଵିଦଧତ୍
ସ ମେ ମୂର୍ଧନ୍ୟାସ୍ତାଂ ହରିଵଦନଵୈଶ୍ଵାନରଵିଭୁଃ ॥ ୮ ॥
ଇତି ଶ୍ରୀମତ୍ପ୍ରୋକ୍ତଂ ହରିଚରଣଦାସେନ ହରିଣା-
ଽଷ୍ଟକଂ ସ୍ଵାଚାର୍ୟଣାଂ ପଠତି ପରମପ୍ରେମସହିତଃ ।
ଜନସ୍ତସ୍ୟ ସ୍ୟାଦ୍ଵୈ ହରିଵଦନଵୈଶ୍ଵାନରପଦେ
ପରୋ ଭାଵସ୍ତୂର୍ଣଂ ସକଲଫଲରୂପସ୍ତଦଧିକଃ ॥ ୯ ॥
ଇତି ଶ୍ରୀହରିରାୟଜୀଵିରଚିତଂ ଶ୍ରୀଵୈଶ୍ଵାନରାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Vaishvanara Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil