॥ Sri Vallabhashtakam 2 Gujarati Lyrics ॥
॥ શ્રીવલ્લભાષ્ટકમ્ ૨ ॥
પ્રથયિતુમચ્યુતચરણામ્બુજરસપાનૈકસંશ્રયં વર્ત્મ ।
શ્રીમલ્લક્ષ્મણતનુજો જગતિ શ્રીવલ્લભો જયતિ ॥ ૧ ॥
યદનુગ્રહેણ જન્તૂન્ વ્રજમતિરપ્યાત્મનો મનુતે ।
નિઃસાધનાનસાધ્યો જગતિ શ્રીવલ્લભો જયતિ ॥ ૨ ॥
વિશ્વોદ્ધારવિચારપ્રકટિતકરુણોત્તરઙ્ગપાથોભિઃ ।
દિશિ દિશિ વિદિતવિભૂતિર્જગતિ શ્રીવલ્લભો જયતિ ॥ ૩ ॥
માયામતાદ્રિપક્ષં સર્વં બ્રહ્મેતિ વાદવજ્રેણ ।
ચિચ્છેદાદ્ભુતવીર્યો જગતિ શ્રીવલ્લભો જયતિ ॥ ૪ ॥
વિતરતિ કૃષ્ણકથામૃતધનમવિનાશ્યં સુદુર્લભં બહુલમ્ ।
અર્થિષુ તદુદિતકીર્તિર્જગતિ શ્રીવલ્લભો જયતિ ॥ ૫ ॥
કમલાકરયુગલાલિતવિમલાશયસેવિતાઙ્ઘ્રિયુગ્મઃ ।
અચલાચલબહુચરિતો જગતિ શ્રીવલ્લભો જયતિ ॥ ૬ ॥
નાશયતિ શબ્દસૃષ્ટેર્યત્તજ્જ્ઞનાંશુમાંસ્તમોઽજ્ઞાનમ્ ।
અઘતૂલરાશિદહનો જગતિ શ્રીવલ્લભો જયતિ ॥ ૭ ॥
સહજાસુરજનતાયા દુઃખોદર્કાય વક્રતર્કેણ ।
અવિદિતમાર્ગદિગર્કો જગતિ શ્રીવલ્લભો જયતિ ॥ ૮ ॥
ઇતિ શ્રીદેવકીનન્દનજીકૃતં શ્રીવલ્લભાષ્ટકમ્ ૨ સમ્પૂર્ણમ્ ।
– Chant Stotra in Other Languages –
Sri Vallabha Ashtakam 2 Lyrics in Sanskrit » English » Bengali » Kannada » Malayalam » Odia » Telugu » Tamil