॥ Sri Vallabhashtakam 2 Telugu Lyrics ॥
॥ శ్రీవల్లభాష్టకమ్ ౨ ॥
ప్రథయితుమచ్యుతచరణామ్బుజరసపానైకసంశ్రయం వర్త్మ ।
శ్రీమల్లక్ష్మణతనుజో జగతి శ్రీవల్లభో జయతి ॥ ౧ ॥
యదనుగ్రహేణ జన్తూన్ వ్రజమతిరప్యాత్మనో మనుతే ।
నిఃసాధనానసాధ్యో జగతి శ్రీవల్లభో జయతి ॥ ౨ ॥
విశ్వోద్ధారవిచారప్రకటితకరుణోత్తరఙ్గపాథోభిః ।
దిశి దిశి విదితవిభూతిర్జగతి శ్రీవల్లభో జయతి ॥ ౩ ॥
మాయామతాద్రిపక్షం సర్వం బ్రహ్మేతి వాదవజ్రేణ ।
చిచ్ఛేదాద్భుతవీర్యో జగతి శ్రీవల్లభో జయతి ॥ ౪ ॥
వితరతి కృష్ణకథామృతధనమవినాశ్యం సుదుర్లభం బహులమ్ ।
అర్థిషు తదుదితకీర్తిర్జగతి శ్రీవల్లభో జయతి ॥ ౫ ॥
కమలాకరయుగలాలితవిమలాశయసేవితాఙ్ఘ్రియుగ్మః ।
అచలాచలబహుచరితో జగతి శ్రీవల్లభో జయతి ॥ ౬ ॥
నాశయతి శబ్దసృష్టేర్యత్తజ్జ్ఞనాంశుమాంస్తమోఽజ్ఞానమ్ ।
అఘతూలరాశిదహనో జగతి శ్రీవల్లభో జయతి ॥ ౭ ॥
సహజాసురజనతాయా దుఃఖోదర్కాయ వక్రతర్కేణ ।
అవిదితమార్గదిగర్కో జగతి శ్రీవల్లభో జయతి ॥ ౮ ॥
ఇతి శ్రీదేవకీనన్దనజీకృతం శ్రీవల్లభాష్టకమ్ ౨ సమ్పూర్ణమ్ ।
– Chant Stotra in Other Languages –
Sri Vallabha Ashtakam 2 Lyrics in Sanskrit » English » Bengali » Gujarati » Kannada » Malayalam » Odia » Tamil