॥ Sri Varaha Ashtottara Shatanama Stotram Odia Lyrics ॥
॥ ଶ୍ରୀଵରାହାଷ୍ଟୋତ୍ତରଶତନାମସ୍ତୋତ୍ରମ୍ ॥
ଶ୍ରୀମୁଷ୍ଣମାହାତ୍ମ୍ୟତଃ
ଶଙ୍କରଃ
ନାରାୟଣ ମମ ବ୍ରୂହି ୟେନ ତୁଷ୍ଟୋ ଜଗତ୍ପତିଃ ।
ତୂର୍ଣମେଵ ପ୍ରସନ୍ନାତ୍ମା ମୁକ୍ତିଂ ୟଚ୍ଛତି ପାପହା ॥ ୧ ॥
ସଦା ଚଞ୍ଚଲଚିତ୍ତାନାଂ ମାନଵାନାଂ କଲୌ ୟୁଗେ ।
ଜପେ ଚ ଦେଵପୂଜାୟାଂ ମନୋ ନୈକତ୍ର ତିଷ୍ଠତି ॥ ୨ ॥
ତାଦୃଶା ଅପି ଵୈ ମର୍ତ୍ୟା ୟେନ ୟାନ୍ତି ପରାଂ ଗତିମ୍ ।
ଅନ୍ୟେଷାଂ କର୍ମଣାଂ ପୁର୍ତିର୍ୟେନ ସ୍ୟାତ୍ ଫଲିତେନ ଚ ॥ ୩ ॥
ତାଦୃକ୍ ସ୍ତୋତ୍ରଂ ମମ ବ୍ରୂହି ମହାପାତକନାଶନମ୍ ।
ଏକୈକଂ ଚ ଵରାହସ୍ୟ ନାମ ଵେଦାଧିକଂ କିଲ ॥ ୪ ॥
ତାଦୃଶାନି ଚ ନାମାନି ଵରାହସ୍ୟ ମହାତ୍ମନଃ ।
ସନ୍ତି ଚେଦ୍ବ୍ରୂହି ଵିଶ୍ଵାତ୍ମନ୍ ଶ୍ରେତୁଂ କୌତୂହଲଂ ହି ମେ ॥ ୫ ॥
ଶ୍ରୀନାରାୟଣଃ
ଶୃଣୁ ଶଙ୍କର ଵକ୍ଷ୍ୟାମି ଵରାହସ୍ତୋତ୍ରମୁତ୍ତମମ୍ ।
ଦୁଷ୍ଟଗ୍ରହକୁଠାରୋଽୟଂ ମହାପାପଦଵାନଲଃ ॥ ୬ ॥
ମହାଭୟଗିରୀନ୍ଦ୍ରାଣାମ୍ କୁଲିଶଂ ମୁକ୍ତିଦଂ ଶୁଭମ୍ ।
କାମଧୁକ୍ କାମିନାମେତଦ୍ଭକ୍ତାନାଂ କଲ୍ପପାଦପଃ ॥ ୭ ॥
ଵକ୍ଷ୍ୟାମି ପରମଂ ସ୍ତୋତ୍ରଂ ୟତ୍ସୁଗୋପ୍ୟଂ ଦୁରାତ୍ମନାମ୍ ।
ନାରାୟଣ ଋଷିଶ୍ଚାତ୍ର ଶ୍ରୀଵରାହଶ୍ଚ ଦେଵତା ॥ ୮ ॥
ଛନ୍ଦୋଽନୁଷ୍ଟୁପ୍ ଚ ହୁଂ ବୀଜଂ ହ୍ରୀଂ ଶକ୍ତିଃ କ୍ଲୀଂ ଚ କୀଲକମ୍ ।
ଵରାହପ୍ରୀତିମୁଦ୍ଦିଶ୍ୟ ଵିନିୟୋଗସ୍ତୁ ନିର୍ଵୃତୌ ॥ ୯ ॥
ନ୍ୟସେଦ୍ଧୃଦୟଂ ଦ୍ରେକାରଂ ଵରାହାୟ ଚ ମୂର୍ଧନି ।
ନମୋ ଭଗଵତେ ପଶ୍ଚାଚ୍ଛିଖାୟାଂ ଵିନ୍ୟସେଦ୍ବୁଧଃ ॥ ୧୦ ॥
ଜ୍ଞାନାତ୍ମନେ ଚ ନେତ୍ରାଭ୍ୟାଂ କଵଚାୟ ବଲାତ୍ମନେ ।
ଭୂର୍ଭୁଵଃ ସୁଵ ଇତ୍ୟସ୍ତ୍ରାୟ ଫଟିତ୍ୟନ୍ତଂ ନ୍ୟସେଦ୍ବୁଧଃ ॥ ୧୧ ॥
ୟଜ୍ଞାୟ ୟଜ୍ଞରୂପାୟ ୟଜ୍ଞାଙ୍ଗାୟ ମହାତ୍ମନେ ।
ନମୋ ୟଜ୍ଞଭୁଜେ ୟଜ୍ଞକୃତେ ୟଜ୍ଞେଶ୍ଵରାୟ ଚ ॥ ୧୨ ॥
ୟଜ୍ଞସ୍ୟ ଫଲଦାତ୍ରେ ଚ ୟଜ୍ଞଗୁହ୍ୟାୟ ୟଜ୍ଵନେ ।
ଏଭିର୍ନାମପଦୈର୍ଦିଵ୍ୟୈରଙ୍ଗୁଲିନ୍ୟାସମାଚରେତ୍ ॥ ୧୩ ॥
ଅନ୍ନଦାତ୍ରେ ନମ ଇତି କରପୃଷ୍ଠଂ ଚ ମାର୍ଜୟେତ୍ ।
ନମଃ ଶ୍ଵେତଵରାହାୟ ସ୍ଵାହାନ୍ତେନ ମହାମତିଃ ॥ ୧୪ ॥
ଵ୍ୟାପକନ୍ୟାସକୃତ୍ପଶ୍ଚାଦ୍ଧ୍ୟାୟେଦ୍ଦେଵମଧୋକ୍ଷଜମ୍ ।
ଧ୍ୟାନମ୍-
ଓଂ ଶ୍ଵେତଂ ସୁଦର୍ଶନଦରାଙ୍କିତବାହୁୟୁଗ୍ମଂ
ଦଂଷ୍ଟ୍ରାକରାଲଵଦନଂ ଧରାୟ ସମେତମ୍ ।
ବ୍ରହ୍ମାଦିଭିଃ ସୁରଗଣୈଃ ପରିସେଵ୍ୟମାନଂ
ଧ୍ୟାୟେଦ୍ଵରାହଵପୁଷଂ ନିଗମୈକଵେଦ୍ୟମ୍ ॥ ୧୫ ॥
ଶ୍ରୀଵରାହୋ ମହୀନାଥଃ ପୂର୍ଣାନନ୍ଦୋ ଜଗତ୍ପତିଃ ।
ନିର୍ଗୁଣୋ ନିଷ୍କଲୋଽନନ୍ତୋ ଦଣ୍ଡକାନ୍ତକୃଦଵ୍ୟୟଃ ॥ ୧୬ ॥
ହିରଣ୍ୟାକ୍ଷାନ୍ତକୃଦ୍ଦେଵଃ ପୂର୍ଣଷାଡ୍ଗୁଣ୍ୟଵିଗ୍ରହଃ ।
ଲୟୋଦଧିଵିହାରୀ ଚ ସର୍ଵପ୍ରାଣିହିତେ ରତଃ ॥ ୧୭ ॥
ଅନନ୍ତରୂପୋଽନନ୍ତଶ୍ରୀର୍ଜିତମନ୍ୟୁର୍ଭୟାପହଃ ।
ଵେଦାନ୍ତଵେଦ୍ୟୋ ଵେଦୀ ଚ ଵେଦଗର୍ଭଃ ସନାତନଃ ॥ ୧୮ ॥
ସହସ୍ରାକ୍ଷଃ ପୁଣ୍ୟଗନ୍ଧଃ କଲ୍ପକୃତ୍ କ୍ଷିତିଭୃଦ୍ଧରିଃ ।
ପଦ୍ମନାଭଃ ସୁରାଧ୍ୟକ୍ଷୋ ହେମାଙ୍ଗୋ ଦକ୍ଷିଣାମୁଖଃ ॥ ୧୯ ॥
ମହାକୋଲୋ ମହାବାହୁଃ ସର୍ଵଦେଵନମସ୍କୃତଃ ।
ହୃଷୀକେଶଃ ପ୍ରସନ୍ନାତ୍ମା ସର୍ଵଭକ୍ତଭୟାପହଃ ॥ ୨୦ ॥
ୟଜ୍ଞଭୃଦ୍ୟଜ୍ଞକୃତ୍ସାକ୍ଷୀ ୟଜ୍ଞାଙ୍ଗୋ ୟଜ୍ଞଵାହନଃ ।
ହଵ୍ୟଭୁଘଵ୍ୟଦେଵଶ୍ଚ ସଦାଵ୍ୟକ୍ତଃ କୃପାକରଃ ॥ ୨୧ ॥
ଦେଵଭୂମିଗୁରୁଃ କାନ୍ତୋ ଧର୍ମଗୁହ୍ୟୋ ଵୃଷାକପିଃ ।
ସ୍ରୁଵତ୍ତୁଣ୍ଡୋ ଵକ୍ରଦଂଷ୍ଟ୍ରୋ ନୀଲକେଶୋ ମହାବଲଃ ॥ ୨୨ ॥
ପୂତାତ୍ମା ଵେଦନେତା ଚ ଵେଦହର୍ତୃଶିରୋହରଃ ।
ଵେଦାଦିକୃଦ୍ଵେଦଗୁହ୍ୟଃ ସର୍ଵଵେଦପ୍ରଵର୍ତକଃ ॥ ୨୩ ॥
ଗଭୀରାକ୍ଷସ୍ତ୍ରିଧର୍ମା ଚ ଗମ୍ଭୀରାତ୍ମା ମହେଶ୍ଵରଃ ।
ଆନନ୍ଦଵନଗୋ ଦିଵ୍ୟୋ ବ୍ରହ୍ମନାସାସମୁଦ୍ଭଵଃ ॥ ୨୪ ॥
ଵିନ୍ଧୁତୀରନିଵାସୀ ଚ କ୍ଷେମକୃତ୍ସାତ୍ତ୍ଵତାଂ ପତିଃ ।
ଇନ୍ଦ୍ରତ୍ରାତା ଜଗତ୍ତ୍ରାତା ମହେନ୍ଦ୍ରୋଦ୍ଦଣ୍ଵର୍ଗହା ॥ ୨୫ ॥
ଭକ୍ତଵଶ୍ୟୋ ସଦୋଦ୍ୟୁକ୍ତୋ ନିଜାନନ୍ଦୋ ରମାପତିଃ ।
ସ୍ତୁତିପ୍ରିୟଃ ଶୁଭାଙ୍ଗଶ୍ଚ ପୁଣ୍ୟଶ୍ରଵଣକୀର୍ତନଃ ॥ ୨୬ ॥
ସତ୍ୟକୃତ୍ସତ୍ୟସଙ୍କଲ୍ପଃ ସତ୍ୟଵାକ୍ସତ୍ୟଵିକ୍ରମଃ ।
ସତ୍ୟେନ ଗୂଢଃ ସତ୍ୟାତ୍ମା କାଲାତୀତୋ ଗୁଣାଧିକଃ ॥ ୨୭ ॥
ପରଂ ଜ୍ୟୋତିଃ ପରଂ ଧାମ ପରମଃ ପୁରୁଷଃ ପରଃ ।
କଲ୍ୟାଣକୃତ୍କଵିଃ କର୍ତା କର୍ମସାକ୍ଷୀ ଜିତେନ୍ଦ୍ରିୟଃ ॥ ୨୮ ॥
କର୍ମକୃତ୍କର୍ମକାଣ୍ଡସ୍ୟ ସମ୍ପ୍ରଦାୟପ୍ରଵର୍ତକଃ ।
ସର୍ଵାନ୍ତକଃ ସର୍ଵଗଶ୍ଚ ସର୍ଵାର୍ଥଃ ସର୍ଵଭକ୍ଷକଃ ॥ ୨୯ ॥
ସର୍ଵଲୋକପତିଃ ଶ୍ରୀମାନ୍ ଶ୍ରୀମୁଷ୍ଣେଶଃ ଶୁଭେକ୍ଷଣଃ ।
ସର୍ଵଦେଵପ୍ରିୟଃ ସାକ୍ଷୀତ୍ୟେତନ୍ନାମାଷ୍ଟକଂ ଶତମ୍ ॥ ୩୦ ॥
ସର୍ଵଵେଦାଧିକଂ ପୁଣ୍ୟଂ ଵରାହସ୍ୟ ମହାତ୍ମନଃ ।
ସତତଂ ପ୍ରାତରୁତ୍ଥାୟ ସମ୍ୟଗାଚମ୍ୟ ଵାରିଣା ॥ ୩୧ ॥
ଜିତାସନୋ ଜିତକ୍ରୋଧଃ ପଶ୍ଚାନ୍ମନ୍ତ୍ରମୁଦୀରୟେତ୍ ।
ବ୍ରାହ୍ମଣୋ ବ୍ରହ୍ମଵିଦ୍ୟାଂ ଚ କ୍ଷତ୍ରିୟୋ ରାଜ୍ୟମାପ୍ନୁୟାତ୍ ॥ ୩୨ ॥
ଵୈଶ୍ୟୋ ଧନସମୃଦ୍ଧଃ ସ୍ୟାତ୍ ଶୂଦ୍ରଃ ସୁଖମଵାପ୍ନୁୟାତ୍ ।
ସଦ୍ୟୋ ରୋଗାଦ୍ଵିମୁଚ୍ୟେତ ଶତଵାରଂ ପଠେଦ୍ୟଦି ॥ ୩୩ ॥
ସକାମୋ ଲଭତେ କାମାନ୍ନିଷ୍କାମୋ ମୋକ୍ଷମାପ୍ନୁୟାତ୍ ।
ସଦ୍ୟୋ ରୋଗାଦ୍ଵିମୁଚ୍ୟେତ ଶତଵାରଂ ପଠେଦ୍ୟଦି ॥ ୩୩ ॥
ସକାମୋ ଲଭତେ କାମାନ୍ନିଷ୍କାମୋ ମୋକ୍ଷମାପ୍ନୁୟାତ୍ ।
ବାଲରୋଗଗ୍ରହାଦ୍ୟାଶ୍ଚ ନଶ୍ୟନ୍ତ୍ୟେଵ ନ ସଂଶୟଃ ॥ ୩୪ ॥
ରାଜଦ୍ଵାରେ ମହାଘୋରେ ସଙ୍ଗ୍ରାମେ ଶତ୍ରୁସଙ୍କଟେ ।
ସ୍ତୋତ୍ରମେତନ୍ମହାପୁଣ୍ୟଂ ପଠେତ୍ସଦ୍ୟୋ ଭୟାପହମ୍ ॥ ୩୫ ॥
ଇତ୍ୟେତଦ୍ଧାରୟେଦ୍ୟସ୍ତୁ କରେ ମୂର୍ଧ୍ନି ହୃଦନ୍ତରେ ।
ତଂ ନମସ୍ୟନ୍ତି ଭୂତାନି ମୁଚ୍ୟତେ ସର୍ଵତୋ ଭୟାତ୍ ॥ ୩୬ ॥
ରାଜପ୍ରସାଦଜନକଂ ସର୍ଵଲୋକଵଶଙ୍କରମ୍ ।
ଆଭିଚରିକକୃତ୍ୟାନ୍ତଂ ମହାଭୟନିଵାରଣମ୍ ॥ ୩୭ ॥
ଶତଵାରଂ ପଠେଦ୍ୟସ୍ତୁ ମୁଚ୍ୟତେ ଵ୍ୟାଧିବନ୍ଧନାତ୍ ।
ୟଃ ପଠେତ୍ତ୍ରିଷୁ କାଲେଷୁ ସ୍ତୋତ୍ରମେତଜ୍ଜିତେନ୍ଦ୍ରିୟଃ ॥ ୩୮ ॥
ଵୈକୁଣ୍ଠଵାସମାପ୍ନୋତି ଦଶପୁର୍ଵୈର୍ଦଶାପରୈଃ ।
ଅଶ୍ଵତ୍ଥମୂଲେଽର୍କଵାରେ ସ୍ଥିତ୍ଵା ସ୍ତୋତ୍ରଂ ପଠେଦ୍ୟଦି ॥ ୩୯ ॥
ଅପସ୍ମାରଵିନାଶଃ ସ୍ୟାତ୍କ୍ଷୟରୋଗଶ୍ଚ ନଶ୍ୟତି ।
ମଧ୍ୟାହ୍ନେ ତୁ ଗୁରୋର୍ଵାରେ ଜଲମଧ୍ୟେ ଶତଂ ଜପେତ୍ ॥ ୪୦ ॥
କୁଷ୍ଠଵ୍ୟାଧିଵିନାଶଃ ସ୍ୟାତ୍ ଜ୍ଞାନଂ ଚୈଵାଧିଗଚ୍ଛାତି ।
ପ୍ରାତଃ ପ୍ରାତଃ ପଠେଦ୍ୟସ୍ତୁ ସ୍ତୋତ୍ରମେତଚ୍ଛୁଭାଵହମ୍ ॥ ୪୧ ॥
ଅନ୍ତ୍ୟକାଲେ ସ୍ମୃତିର୍ଵିଷ୍ଣୋର୍ଭଵେତ୍ ତସ୍ୟ ମହାତ୍ମନଃ ।
ଅଷ୍ଟୋତ୍ତରଶତୈର୍ଦିଵ୍ୟୈର୍ନାମଭିଃ କିଟିରୂପିଣଃ ॥ ୪୨ ॥
ତୁଲସୀମର୍ପୟେଦ୍ୟସ୍ତୁ ସ ମୁକ୍ତୋ ନାସ୍ତି ସଂଶୟଃ ।
ପୂଜାକାଲେ ଵରାହସ୍ୟ ନାମ୍ନାମଷ୍ଟୋତ୍ତରଂ ଶତମ୍ ॥ ୪୩ ॥
ଜପ୍ତ୍ଵାଽଥ ଜାପୟିତ୍ଵା ଵା ସାମ୍ରାଜ୍ୟମଧିଗଚ୍ଛାତି ।
ନିଷ୍କାମୋ ମୋକ୍ଷମାପ୍ନୋତି ନାତ୍ର କାର୍ୟା ଵିଚାରଣା ॥ ୪୪ ॥
ଅଷ୍ଟୋତ୍ତରସହସ୍ରଂ ତୁ ୟଃ ପଠେନ୍ନିୟତେନ୍ଦ୍ରିୟଃ ।
ପାୟସେନ ତଥା ହୁତ୍ଵା ଵନ୍ଧ୍ୟା ପୁତ୍ରଵତୀ ଭଵେତ୍ ॥ ୪୫ ॥
ନମଃ ଶ୍ଵେତଵରାହାୟ ଭୂଧରାୟ ମହାତ୍ମନେ ।
ନିରଞ୍ଜନାୟ ସତ୍ୟାୟ ସାତ୍ତ୍ଵତାଂ ପତୟେ ନମଃ ॥ ୪୬ ॥
ଇତି ମନ୍ତ୍ରଂ ପଠେନ୍ନିତ୍ୟମନ୍ତେ ମୋକ୍ଷମଵାପ୍ନୁୟାତ୍ ॥ ୪୭ ॥
ଇତି ଶ୍ରୀଵରାହପୁରାଣେ ଶ୍ରୀମୁଷ୍ଣମାହାତ୍ମ୍ୟେ ନଵମୋଽଧ୍ୟାୟଃ ।
ନୀଲଵରାହପରବ୍ରହ୍ମଣେ ନମଃ ।
ଇତି ଶ୍ରୀଵରାହାଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Sri Vishnu Slokam » Sri Varaha Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil