॥ Sri Varahi Anugraha Stotram Odia Lyrics ॥
॥ ଵାରାହ୍ୟନୁଗ୍ରହାଷ୍ଟକମ୍ ॥
ଈଶ୍ଵର ଉଵାଚ
ମାତର୍ଜଗଦ୍ରଚନନାଟକସୂତ୍ରଧାର-
ସ୍ତ୍ଵଦ୍ରୂପମାକଲୟିତୁଂ ପରମାର୍ଥତୋଽୟମ୍ ।
ଈଶୋଽପ୍ୟମୀଶ୍ଵରପଦଂ ସମୁପୈତି ତାଦୃକ୍-
କୋଽନ୍ୟଃ ସ୍ତଵଂ କିମିଵ ତାଵକମାଦଧାତୁ ॥ ୧ ॥
ନାମାନି କିନ୍ତୁ ଗୃଣତସ୍ତଵ ଲୋକତୁଣ୍ଡେ
ନାଡମ୍ବରଂ ସ୍ପୃଶତି ଦଣ୍ଡଧରସ୍ୟ ଦଣ୍ଡଃ ।
ୟଲ୍ଲେଶଲମ୍ବିତଭଵାମ୍ବୁନିଧିର୍ୟତୋ ୟତ୍-
ତ୍ଵନ୍ନାମସଂସୃତିରିୟଂ ନନୁ ନଃ ସ୍ତୁତିସ୍ତେ ॥ ୨ ॥
ତ୍ଵଚ୍ଚିନ୍ତନାଦରସମୁଲ୍ଲସଦପ୍ରମେୟା-
ଽଽନନ୍ଦୋଦୟାତ୍ସମୁଦିତଃ ସ୍ଫୁଟରୋମହର୍ଷଃ ।
ମାତର୍ନମାମି ସୁଦିନାନି ସଦେତ୍ୟମୁଂ ତ୍ଵା-
ମଭ୍ୟର୍ଥୟେଽର୍ଥମିତି ପୂରୟତାଦ୍ଦୟାଲୋ ॥ ୩ ॥
ଇନ୍ଦ୍ରେନ୍ଦୁମୌଲିଵିଧିକେଶଵମୌଲିରତ୍ନ-
ରୋଚିଶ୍ଚୟୋଜ୍ଜ୍ଵଲିତପାଦସରୋଜୟୁଗ୍ମେ ।
ଚେତୋ ମତୌ ମମ ସଦା ପ୍ରତିବିମ୍ବିତା ତ୍ଵଂ
ଭୂୟା ଭଵାନି ଵିଦଧାତୁ ସଦୋରୁହାରେ ॥ ୪ ॥
ଲୀଲୋଦ୍ଧୃତକ୍ଷିତିତଲସ୍ୟ ଵରାହମୂର୍ତେ-
ର୍ଵାରାହମୂର୍ତିରଖିଲାର୍ଥକରୀ ତ୍ଵମେଵ ।
ପ୍ରାଲେୟରଶ୍ମିସୁକଲୋଲ୍ଲସିତାଵତଂସା
ତ୍ଵଂ ଦେଵି ଵାମତନୁଭାଗହରା ରହସ୍ୟ ॥ ୫ ॥
ତ୍ଵାମମ୍ବ ତପ୍ତକନକୋଜ୍ଜ୍ଵଲକାନ୍ତିମନ୍ତ-
ର୍ୟେ ଚିନ୍ତୟନ୍ତି ୟୁଵତୀତନୁମାଗଲାନ୍ତାମ୍ ।
ଚକ୍ରାୟୁଧତ୍ରିନୟନାମ୍ବରପୋତୃଵକ୍ତ୍ରାଂ
ତେଷାଂ ପଦାମ୍ବୁଜୟୁଗଂ ପ୍ରଣମନ୍ତି ଦେଵାଃ ॥ ୬ ॥
ତ୍ଵତ୍ସେଵନସ୍ଖଲିତ ପାପଚୟସ୍ୟ ମାତ-
ର୍ମୋକ୍ଷୋଽପି ୟତ୍ର ନ ସତାଂ ଗଣନାମୁପୈତି ।
ଦେଵାସୁରୋରଗନୃପାଲନମସ୍ୟ ପାଦ-
ସ୍ତତ୍ର ଶ୍ରିୟଃ ପଟୁଗିରଃ କିୟଦେଵମସ୍ତୁ ॥ ୭ ॥
କିଂ ଦୁଷ୍କରଂ ତ୍ଵୟି ମନୋଵିଷୟଂ ଗତାୟାଂ
କିଂ ଦୁର୍ଲଭଂ ତ୍ଵୟି ଵିଧାନଵଦର୍ଚିତାୟାମ୍ ।
କିଂ ଦୁଷ୍କରଂ ତ୍ଵୟି ସକୃତ୍ସ୍ମୃତିମାଗତାୟାଂ
କିଂ ଦୁର୍ଜୟଂ ତ୍ଵୟି କୃତସ୍ତୁତିଵାଦପୁଂସାମ୍ ॥ ୮ ॥
॥ ଇତି ଶ୍ରୀ ଵାରାହ୍ୟନୁଗ୍ରହାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Varahi Slokam » Sri Varahi Anugraha Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil