॥ Sri Vatapatyashtakam Kannada Lyrics ॥
॥ ಶ್ರೀವಟಪತ್ಯಷ್ಟಕಮ್ ॥
ಭವಂ ಸೃಷ್ಟ್ವಾ ದೇವಃ ಸ್ವಯಮಿಹ ನಿವಿಷ್ಟೋ ಭವಮುಖೇ
ಸಹಸ್ರಾಸ್ಯೋ ಭೂತ್ವಾ ಫಲಮನುಭವಂಛಾಸ್ತ್ಯವಿಕೃತಃ ।
ಪರಂ ದೇವೈಃ ಸೇವ್ಯಂ ರಸಮುಪನಿಷದ್ವೇದ್ಯಮಮಿತಂ
ನಮಾಮಿ ಶ್ರೀನಾಥಂ ಭವಭಯಹರಂ ಶ್ರೀವಟಪತಿಮ್ ॥ 1 ॥
ಚಿದಾನನ್ದಂ ಸತ್ಯಂ ಜಗದುದಯರಕ್ಷಾಲಯಕರಂ
ಯದಜ್ಞಾನಾಚ್ಛುಕ್ತೌ ರಜತಮಿವ ವಿಶ್ವಂ ವಿಲಸಿತಮ್ ।
ಪುನರ್ಯದ್ವಿಜ್ಞಾನಂ ಭ್ರಮಹರಮಭೇದಂ ತಮನಘಂ
ನಮಾಮಿ ಶ್ರೀನಾಥಂ ಭವಭಯಹರಂ ಶ್ರೀವಟಪತಿಮ್ ॥ 2 ॥
ಪುರಾಣೋ ಯೋ ದೇವೋ ನಿವಸತಿ ವಟೇಶಸ್ತನುಭೃತಾಂ
ಹೃದಮ್ಭೋಜೇ ದ್ರಷ್ಟಾ ವಿದಿತಮಹಿಮಾ ಸೌಖ್ಯಸದನಮ್ ।
ತಮಾರಾಧ್ಯಂ ಸಿದ್ಧೈಃ ಸುರಮನುಜಸಂಸೇವಿತಪದಂ
ನಮಾಮಿ ಶ್ರೀನಾಥಂ ಭವಭಯಹರಂ ಶ್ರೀವಟಪತಿಮ್ ॥ 3 ॥
ಮಹಾಮೋಹಾಗಾರೇಽತಿವಿಪದಿ ಭವಾಬ್ಧೌ ನಿಪತಿತೋ
ನ ಪಶ್ಯಾಮಿ ತ್ವತ್ತೋಽನ್ಯದಿಹ ಶರಣಂ ಮೇ ಸುಖಕರಮ್ ।
ದಯಾಸಿನ್ಧೋ ಮಾಮುದ್ಧರ ಸಪದಿ ತಸ್ಮಾಚ್ಛರಣದಂ
ನಮಾಮಿ ಶ್ರೀನಾಥಂ ಭವಭಯಹರಂ ಶ್ರೀವಟಪತಿಮ್ ॥ 4 ॥
ಅಸಾರೇ ಸಂಸಾರೇ ವಿಕೃತಿನಿಲಯೇ ಕ್ಲೇಶಬಹುಲೇ
ರುಚಿಂ ಬಧ್ನನ್ತ್ಯಜ್ಞಾಃ ಸುಖಮಧುಲವಾಯಾನ್ತವಿರಸೇ ।
ತ್ವಮೇವಾಸ್ಮಿನ್ಸಾರೋ ಜಗತಿ ತಮಹಂ ತ್ವಾ ರಸಘನಂ
ನಮಾಮಿ ಶ್ರೀನಾಥಂ ಭವಭಯಹರಂ ಶ್ರೀವಟಪತಿಮ್ ॥ 5 ॥
ಕದಾಽಹಂ ಮೋಕ್ಷ್ಯೇಽಸ್ಮಾನ್ನಿಬಿಡತಮಸೋ ಬನ್ಧನಗೃಹಾತ್
ಪ್ರಭೋ ಸಂಸಾರಾತ್ತ್ವಚ್ಛ್ರವಣಮನನಧ್ಯಾನರಹಿತಃ ।
ನ ಯೋಗಂ ಸಾಂಖ್ಯಂ ವಾ ಕಮಪಿ ಸದುಪಾಯಂ ಚ ಕಲಯೇ
ನಮಾಮಿ ಶ್ರೀನಾಥಂ ಭವಭಯಹರಂ ಶ್ರೀವಟಪತಿಮ್ ॥ 6 ॥
ನಿರಾಕಾರಂ ಸ್ವಾಮಿಂಜಯತು ತವ ರೂಪಂ ಶ್ರುತಿನುತ-
ಮಹಂ ತು ತ್ವಾಂ ಮನ್ಯೇ ಕರಚರಣಯುಕ್ತಂ ಗುಣನಿಧಿಮ್ ।
ಶಿವೇಶಃ ಶ್ರೀಶೋ ವಾ ಭವತು ನ ಭಿದಾ ಯತ್ರ ತಮಹಂ
ನಮಾಮಿ ಶ್ರೀನಾಥಂ ಭವಭಯಹರಂ ಶ್ರೀವಟಪತಿಮ್ ॥ 7 ॥
ಜಡೇ ದೃಶ್ಯೇ ದುಃಖೇ ನಿಪುಣಮತಿಹೇಯೇ ಚ ಜಗತಿ
ಮೃಷಾರೂಪೇ ಪುಂಸಾಂ ಸದಿತಿ ಸುಖಮಾದೇಯಮಿತಿ ಧೀಃ ।
ಯದಸ್ತಿತ್ವಾನನ್ದಪ್ರತಿಫಲನಮೂಲಾ ತಮಮೃತಂ
ನಮಾಮಿ ಶ್ರೀನಾಥಂ ಭವಭಯಹರಂ ಶ್ರೀವಟಪತಿಮ್ ॥ 8 ॥
ವಿಭಾತು ತನ್ನಾಥ ಮದೀಯಮಾನಸೇ
ತ್ವದೀಯರೂಪಂ ಸುಮನೋಹರಂ ವಿಭೋ ।
ಅಜಾದಿದೇವೈರಪಿ ಯಸ್ಯ ಚಿನ್ತನಂ
ಸ್ವಚಿತ್ತಶುದ್ಧ್ಯೈ ಸತತಂ ವಿಧೀಯತೇ ॥ 9 ॥
ಮಾಯಾರಾಮಪ್ರೋಕ್ತಮೇತತ್ಸುರಮ್ಯಂ
ಶ್ರೀಶಸ್ತೋತ್ರಂ ಶ್ರೀವಟೇಶಾಷ್ಟಕಾಖ್ಯಮ್ ।
ಅಸ್ತು ಶ್ರೀಶಸ್ತೇನ ತುಷ್ಟಃ ಸ್ತುವಭ್ದ್ಯೋ
ದಿಶ್ಯಾಚ್ಛ್ರೇಯಃ ಶಾಶ್ವತಂ ಸ್ವಾಶ್ರಿತೇಭ್ಯಃ ॥ 10 ॥
ತತ್ತ್ವಜ್ಞಾನಪ್ರದಂ ಭಕ್ತಿವೈರಾಗ್ಯಪರಿವರ್ಧನಮ್ ।
ಪಠಿತವ್ಯಮಿದಂ ನಿತ್ಯಂ ಸ್ತೋತ್ರಂ ಶ್ರೀಪತಿತುಷ್ಟಿದಮ್ ॥ 11 ॥
ವ್ಯಾಧಿಕಾಲೇ ಚ ಮೋಹಾನ್ಧ್ಯೇ ವಿಪತ್ತೌ ಶ್ರದ್ಧಯಾ ಪಠೇತ್ ।
ಯ ಇದಂ ಸ ಭಯಾನ್ಮುಕ್ತಃ ಸುಖಮಕ್ಷಯ್ಯಮಶ್ನುತೇ ॥ 12 ॥
ಇತಿ ವೇದಾನ್ತತೀರ್ಥಪಂಡಿತಶ್ರೀಮಾಯಾರಾಮಕೃತಂ ವಟಪತ್ಯಷ್ಟಕಂ ಸಮಾಪ್ತಮ್ ।
– Chant Stotra in Other Languages –
Sri Vatapatya Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil