॥ Sri Veda Vyasa Ashtakam Odia Lyrics ॥
॥ ଶ୍ରୀଵେଦଵ୍ୟାସାଷ୍ଟକମ୍ ॥
କଲିମଲାସ୍ତଵିଵେକଦିଵାକରଂ ସମଵଲୋକ୍ୟ ତମୋଵଲିତଂ ଜନମ୍ ।
କରୁଣୟା ଭୁଵି ଦର୍ଶିତଵିଗ୍ରହଂ ମୁନିଵରଂ ଗୁରୁଵ୍ୟାସମହଂ ଭଜେ ॥ ୧ ॥
ଭରତଵଂଶସମୁଦ୍ଧରଣେଚ୍ଛୟା ସ୍ଵଜନନୀଵଚସା ପରିନୋଦିତଃ ।
ଅଜନୟତ୍ତନୟତ୍ରିତୟଂ ପ୍ରଭୁଃ ଶୁକନୁତଂ ଗୁରୁଵ୍ୟାସମହଂ ଭଜେ ॥ ୨ ॥
ମତିବଲାଦି ନିରୀକ୍ଷ୍ୟ କଲୌ ନୃଣାଂ ଲଘୁତରଂ କୃପୟା ନିଗମାମ୍ବୁଧେଃ ।
ସମକରୋଦିହ ଭାଗମନେକଧା ଶ୍ରୁତିପତିଂ ଗୁରୁଵ୍ୟାସମହଂ ଭଜେ ॥ ୩ ॥
ସକଲଧର୍ମନିରୂପଣସାଗରଂ ଵିଵିଧଚିତ୍ରକଥାସମଲଙ୍କୃତମ୍ ।
ଵ୍ୟରଚୟଚ୍ଚ ପୁରାଣକଦମ୍ବକଂ କଵିଵରଂ ଗୁରୁଵ୍ୟାସମହଂ ଭଜେ ॥ ୪ ॥
ଶ୍ରୁତିଵିରୋଧସମନ୍ଵୟଦର୍ପଣଂ ନିଖିଲଵାଦିମତାନ୍ଧ୍ୟଵିଦାରଣମ୍ ।
ଗ୍ରଥିତଵାନପି ସୂତ୍ରସମୂହକଂ ମୁନିସୁତଂ ଗୁରୁଵ୍ୟାସମହଂ ଭଜେ ॥ ୫ ॥
ୟଦନୁଭାଵଵଶେନ ଦିଵଙ୍ଗତଃ ସମଧିଗମ୍ୟ ମହାସ୍ତ୍ରସମୁଚ୍ଚୟମ୍ ।
କୁରୂଚମୂମଜୟଦ୍ଵିଜୟୋ ଦ୍ରୁତଂ ଦ୍ୟୁତିଧରଂ ଗୁରୁଵ୍ୟାସମହଂ ଭଜେ ॥ ୬ ॥
ସମରଵୃତ୍ତଵିବୋଧସମୀହୟା କୁରୁଵରେଣ ମୁଦା କୃତୟାଚନଃ ।
ସପତିସୂତମଦାଦମଲେକ୍ଷଣଂ କଲିହରଂ ଗୁରୁଵ୍ୟାସମହଂ ଭଜେ ॥ ୭ ॥
ଵନନିଵାସପରୌ କୁରୁଦମ୍ପତି ସୁତଶୁଚା ତପସା ଚ ଵିକର୍ଶିତୌ ।
ମୃତତନୂଜଗଣଂ ସମଦର୍ଶୟନ୍ ଶରଣଦଂ ଗୁରୁଵ୍ୟାସମହଂ ଭଜେ ॥ ୮ ॥
ଵ୍ୟାସାଷ୍ଟକମିଦଂ ପୁଣ୍ୟଂ ବ୍ରହ୍ମାନନ୍ଦେନ କୀର୍ତିତମ୍ ।
ୟଃ ପଠେନ୍ମନୁଜୋ ନିତ୍ୟଂ ସ ଭଵେଚ୍ଛାସ୍ତ୍ରପାରଗଃ ॥
– Chant Stotra in Other Languages –
Guru Stotram » Sri Veda Vyasa Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil