॥ Sri Veda Vyasa Ashtottara Shatanama Stotram 4 Bengali Lyrics ॥
॥ শ্রীবেদব্যাসাষ্টোত্তরনামস্তোত্রম্ ৪ ॥
য়ং বেদশাস্ত্রপরিনিষ্ঠিতশুদ্ধবুদ্ধিং
চর্মাম্বরং সুরমুনীন্দ্রনুতং প্রসন্নম্ ।
কৃষ্ণত্বিষং কনকপিঙ্গজটাকলাপং
ব্যাসং নমামি শিরসা তিলকং মুনীনাম্ ॥
অবিদ্যাতিমিরাদিত্যং ব্রহ্মবিদ্যাবিশারদম্ ।
শারদাশঙ্করাত্মানং ভারতীতীর্থমাশ্রয়ে ॥
ওঁ বেদব্যাসো বিষ্ণুরূপঃ পারাশর্যস্তপোনিধিঃ ।
সত্যসন্ধঃ প্রশান্তাত্মা বাগ্মী সত্যবতীসুতঃ ॥ ১ ॥
কৃষ্ণদ্বৈপায়নো দান্তো বাদরায়ণসংজ্ঞিতঃ ।
ব্রহ্মসূত্রগ্রথিতবান্ ভগবাঞ্জ্ঞানভাস্করঃ ॥ ২ ॥
সর্ববেদান্ততত্ত্বজ্ঞঃ সর্বজ্ঞো বেদমূর্তিমান্ ।
বেদশাখাব্যসনকৃত্কৃতকৃত্যো মহামুনিঃ ॥ ৩ ॥
মহাবুদ্ধির্মহাসিদ্ধির্মহাশক্তির্মহাদ্যুতিঃ ।
মহাকর্মা মহাধর্মা মহাভারতকল্পকঃ ॥ ৪ ॥
মহাপুরাণকৃজ্জ্ঞানী জ্ঞানবিজ্ঞানভাজনম্ ।
চিরঞ্জীবী চিদাকারশ্চিত্তদোষবিনাশকঃ ॥ ৫ ॥
বাসিষ্ঠঃ শক্তিপৌত্রশ্চ শুকদেবগুরুর্গুরুঃ ।
আষাঢপূর্ণিমাপূজ্যঃ পূর্ণচন্দ্রনিভানঃ ॥ ৬ ॥
বিশ্বনাথস্তুতিকরো বিশ্ববন্দ্যো জগদ্গুরুঃ ।
জিতেন্দ্রিয়ো জিতক্রোধো বৈরাগ্যনিরতঃ শুচিঃ ॥ ৭ ॥
জৈমিন্যাদিসদাচার্যঃ সদাচারসদাস্থিতঃ ।
স্থিতপ্রজ্ঞঃ স্থিরমতিঃ সমাধিসংস্থিতাশয়ঃ ॥ ৮ ॥
প্রশান্তিদঃ প্রসন্নাত্মা শঙ্করার্যপ্রসাদকৃত্ ।
নারায়ণাত্মকঃ স্তব্যঃ সর্বলোকহিতে রতঃ ॥ ৯ ॥
অচতুর্বদনব্রহ্মা দ্বিভুজাপরকেশবঃ ।
অফাললোচনশিবঃ পরব্রহ্মস্বরূপকঃ ॥ ১০ ॥
ব্রহ্মণ্যো ব্রাহ্মণো ব্রহ্মী ব্রহ্মবিদ্যাবিশারদঃ ।
ব্রহ্মাত্মৈকত্ববিজ্ঞাতা ব্রহ্মভূতঃ সুখাত্মকঃ ॥ ১১ ॥
বেদাব্জভাস্করো বিদ্বান্ বেদবেদান্তপারগঃ ।
অপান্তরতমোনামা বেদাচার্যো বিচারবান্ ॥ ১২ ॥
অজ্ঞানসুপ্তিবুদ্ধাত্মা প্রসুপ্তানাং প্রবোধকঃ ।
অপ্রমত্তোঽপ্রমেয়াত্মা মৌনী ব্রহ্মপদে রতঃ ॥ ১৩ ॥
পূতাত্মা সর্বভূতাত্মা ভূতিমান্ভূমিপাবনঃ ।
ভূতভব্যভবজ্ঞাতা ভূমসংস্থিতমানসঃ ॥ ১৪ ॥
উত্ফুল্লপুণ্ডরীকাক্ষঃ পুণ্ডরীকাক্ষবিগ্রহঃ ।
নবগ্রহস্তুতিকরঃ পরিগ্রহবর্জিতঃ ॥ ১৫ ॥
একান্তবাসসুপ্রীতঃ শমাদিনিলয়ো মুনিঃ ।
একদন্তস্বরূপেণ লিপিকারী বৃহস্পতিঃ ॥ ১৬ ॥
ভস্মরেখাবিলিপ্তাঙ্গো রুদ্রাক্ষাবলিভূষিতঃ ।
জ্ঞানমুদ্রালসত্পাণিঃ স্মিতবক্ত্রো জটাধরঃ ॥ ১৭ ॥
গভীরাত্মা সুধীরাত্মা স্বাত্মারামো রমাপতিঃ ।
মহাত্মা করুণাসিন্ধুরনির্দেশ্যঃ স্বরাজিতঃ ॥ ১৮ ॥
ইতি শ্রীয়োগানন্দসরস্বতীবিরচিতং
শ্রীবেদব্যাসাষ্টোত্তরশতনামস্তোত্রং সম্পূর্ণম্ ॥
– Chant Stotra in Other Languages –
Sri Vishnu Slokam » Sri Veda Vyasa Ashtottara Shatanama Stotram 4 Lyrics in Sanskrit » English » Gujarati » Kannada » Malayalam » Odia » Telugu » Tamil