॥ Sri Venkatesha Mangala Ashtakam 2 Bengali Lyrics ॥
॥ শ্রীবেঙ্কটেশমঙ্গলাষ্টকম্ ২ ॥
জম্বূদ্বীপগশেষশৈলভুবনঃ শ্রীজানিরাদ্যাত্মজঃ
তার্ক্ষ্যাহীশমুখাসনস্ত্রিভুবনস্থাশেষলোকপ্রিয়ঃ
শ্রীমত্স্বামিসরঃসুবর্ণমুখরীসংবেষ্টিতঃ সর্বদা
শ্রীমদ্বেঙ্কটভূপতির্মম সুখং দদ্যাত্ সদা মঙ্গলম্ ॥ ১ ॥
সন্তপ্তামলজাতরূপরচিতাগারে নিবিষ্টঃ সদা
স্বর্গদ্বারকবাটতোরণয়ুতঃ প্রাকারসপ্তান্বিতঃ ।
ভাস্বত্কাঞ্চনতুঙ্গচারুগরুডস্তম্ভে পতত্প্রাণিনাং
স্বপ্রে বক্তি হিতাহিতং সুকরুণো দদ্যাত্ সদা মঙ্গলম্ ॥ ২ ॥
অত্যুচ্চাদ্রিবিচিত্রগোপুরগণৈঃ পূর্ণৈঃ সুবর্ণাচলৈঃ
বিস্তীর্ণামলমণ্টপায়ুতয়ুতৈর্নানাবনৈর্নির্ভয়ৈঃ ।
পঞ্চাস্যেভবরাহখড্গমৃগশার্দূলাদিভিঃ শ্রীপতিঃ
নিত্যং বেদপরায়ণসুকৃতিনাং দদ্যাত্ সদা মঙ্গলম্ ॥ ৩ ॥
ভেরীমঙ্গলতুর্যগোমুখমৃদঙ্গাদিস্বনৈঃ শোভিতে
তন্ত্রীবেণুসুঘোষশৃঙ্গকলহৈঃ শব্দৈশ্চ দিব্যৈর্নিজৈঃ ।
গন্ধর্বাপ্সরকিন্নরোরগনৃভির্নৃত্যদ্ভিরাসেব্যতে
নানাবাহনগঃ সমস্তফলদো দদ্যাত্ সদা মঙ্গলম্ ॥ ৪ ॥
য়ঃ শ্রীভার্গববাসরে নিয়মতঃ কস্তূরিকারেণুভিঃ
শ্রীমত্কুঙ্কুমকেসরামলয়ুতঃ কর্পূরমুখ্যৈর্জলৈঃ ।
স্নাতঃ পুণ্যসুকঞ্চুকেন বিলসত্কাঞ্চীকিরীটাদিভিঃ
নানাভূষণপূগশোভিততনুর্দদ্যাত্ সদা মঙ্গলম্ ॥ ৫ ॥
তীর্থং পাণ্ডবনামকং শুভকরং ত্বাকাশগঙ্গা পরা
ইত্যাদীনি সুপুণ্যরাশিজনকান্যায়োজনৈঃ সর্বদা ।
তীর্থং তুম্বুরুনামকং ত্বঘহরং ধারা কুমারাভিধা
নিত্যানন্দনিধির্মহীধরবরো দদ্যাত্ সদা মঙ্গলম্ ॥ ৬ ॥
আর্তানামতিদুস্তরাময়গণৈর্জন্মান্তরাঘৈরপি
সঙ্কল্পাত্ পরিশোধ্য রক্ষতি নিজস্থানং সদা গচ্ছতাম্ ।
মার্গে নির্ভয়তঃ স্বনামগৃণতো গীতাদিভিঃ সর্বদা
নিত্যং শাস্ত্রপরায়ণৈঃ সুকৃতিনাং দদ্যাত্ সদা মঙ্গলম্ ॥ ৭ ॥
নিত্যং ব্রাহ্মণপুণ্যবর্যবনিতাপূজাসমারাধনৈরত্নৈঃ
পায়সভক্ষ্যভোজ্যসুঘৃতক্ষীরাদিভিঃ সর্বদা ।
নিত্যং দানতপঃপুরাণপঠনৈরারাধিতে বেঙ্কটক্ষেত্রে
নন্দসুপূর্ণচিত্রমহিমা দদ্যাত্ সদা মঙ্গলম্ ॥ ৮ ॥
ইত্যেতদ্বরমঙ্গলাষ্টকমিদং শ্রীবাদিরাজেশ্বরৈ-
রাখ্যাতং জগতামভীষ্টফলদং সর্বাশুভধ্বংসনম্ ।
মাঙ্গল্যং সকলার্থদং শুভকরং বৈবাহিকাদিস্থলে
তেষাং মঙ্গলশংসতাং সুমনসাং দদ্যাত্ সদা মঙ্গলম্ ॥ ৯ ॥
॥ ইতি শ্রীবাদিরাজতীর্থশ্রীচরণকৃতং শ্রীবেঙ্কটেশমঙ্গলাষ্টকম্ ॥
– Chant Stotra in Other Languages –
Sri Vishnu Slokam » Venkatesha Mangalashtakam 2 Lyrics in Sanskrit » English » Gujarati » Kannada » Malayalam » Odia » Telugu » Tamil