॥ Sri Venkatesha Mangalashtakam Bengali Lyrics ॥
॥ শ্রীবেঙ্কটেশ মঙ্গলাষ্টকম্ ॥
শ্রীক্ষোণ্যৌ রমণীয়ুগং সুরমণীপুত্রোঽপি বাণীপতিঃ
পৌত্রশ্চন্দ্রশিরোমণিঃ ফণিপতিঃ শয়্যা সুরাঃ সেবকাঃ ।
তার্ক্ষ্যো য়স্য রথো মহশ্চ ভবনং ব্রহ্মাণ্ডমাদ্যঃ পুমান্
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ১ ॥
য়ত্তেজো রবিকোটিকোটিকিরণান্ ধিক্কৃত্য জেজীয়তে
য়স্য শ্রীবদনাম্বুজস্য সুষমা রাকেন্দুকোটীরপি ।
সৌন্দর্যং চ মনোভবানপি বহূন্ কান্তিশ্চ কাদম্বিনীং
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ২ ॥
নানারত্ন কিরীটকুণ্ডলমুখৈর্ভূষাগণৈর্ভূষিতঃ
শ্রীমত্কৌস্তুভরত্ন ভব্যহৃদয়ঃ শ্রীবত্সসল্লাঞ্ছনঃ ।
বিদ্যুদ্বর্ণসুবর্ণবস্ত্ররুচিরো য়ঃ শঙ্খচক্রাদিভিঃ
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৩ ॥
য়ত্ফালে মৃগনাভিচারুতিলকো নেত্রেঽব্জপত্রায়তে
কস্তূরীঘনসারকেসরমিলচ্ছ্রীগন্ধসারো দ্রবৈঃ ।
গন্ধৈর্লিপ্ততনুঃ সুগন্ধসুমনোমালাধরো য়ঃ প্রভুঃ
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৪ ॥
এতদ্দিব্যপদং মমাস্তি ভুবি তত্সম্পশ্যতেত্যাদরা-
দ্ভক্তেভ্যঃ স্বকরেণ দর্শয়তি য়দ্দৃষ্ট্যাঽতিসৌখ্যং গতঃ ।
এতদ্ভক্তিমতো মহানপি ভবাম্ভোধির্নদীতি স্পৃশন্
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৫ ॥
য়ঃ স্বামী সরসস্তটে বিহরতো শ্রীস্বামিন্নাম্নঃ সদা
সৌবর্ণালয়মন্দিরো বিধিমুখৈর্বর্হির্মুখৈঃ সেবিতঃ ।
য়ঃ শত্রূন্ হনয়ন্ নিজানবতি চ শ্রীভূবরাহাত্মকঃ
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৬ ॥
য়ো ব্রহ্মাদিসুরান্ মুনীংশ্চ মনুজান্ ব্রহ্মোত্সবায়াগতান্
দৃষ্ট্বা হৃষ্টমনা বভূব বহুশস্তৈরর্চিতঃ সংস্তুতঃ ।
তেভ্যো য়ঃ প্রদদাদ্বরান্ বহুবিধান্ লক্ষ্মীনিবাসো বিভুঃ
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৭ ॥
য়ো দেবো ভুবি বর্ততে কলিয়ুগে বৈকুণ্ঠলোকস্থিতো
ভক্তানাং পরিপালনায় সততং কারুণ্যবারাং নিধিঃ ।
শ্রীশেষাখ্যমহীধ্রমস্তকমণির্ভক্তৈকচিন্তামণি
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৮ ॥
শেষাদ্রিপ্রভুমঙ্গলাষ্টকমিদং তুষ্টেন য়স্যেশিতুঃ
প্রীত্যর্থং রচিতং রমেশচরণদ্বন্দ্বৈকনিষ্টাবতা ।
বৈবাহ্যাদিশুভক্রিয়াসু পঠিতং য়ৈঃ সাধু তেষামপি
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৯ ॥
॥ ইতি শ্রী বেঙ্কটেশ মঙ্গলাষ্টকম্ সম্পূর্ণম্ ॥
– Chant Stotra in Other Languages –
Sri Vishnu Slokam » Sri Venkatesha Mangalashtakam Lyrics in Sanskrit » English » Gujarati » Kannada » Malayalam » Odia » Telugu » Tamil