॥ Sri Viththaleshashtakam Telugu Lyrics ॥
॥ శ్రీవిఠ్ఠలేశాష్టకమ్ ॥
రఘునాథకృతం
శ్రీగణేశాయ నమః ।
కురుసదసి కృతాభూద్ద్రౌపదీవస్త్రశేషా
సకలనృపవరేన్ద్రా యత్ర వక్తుం న శక్తాః ।
హరిచరణరతాఙ్గీ యేన తత్రాత్మధీరా
స భవతు మమ భూత్యై విఠ్ఠలేశః సహాయః ॥ ౧ ॥
ప్రథమజననపాపప్రాప్తసమ్ప్రేతదేహౌ
సమయ ఇహ మమాస్మిన్కృష్ణభక్త్యా సమేతౌ ।
గలితపతితవేషావుద్ధతౌ యేన సద్యః
స భవతు మమ భూత్యై విఠ్ఠలేశః సహాయః ॥ ౨ ॥
కమలదలసునేత్రేణైవ భూతేశమాయా-
తతిభిరివ హి యేన భ్రామితః సర్వలోకః ।
అఖిలజగతి సర్వస్వీయభక్తాః కృతార్థాః
స భవతు మమ భూత్యై విఠ్ఠలేశః సహాయః ॥ ౩ ॥
సకలయదుకులేన్ద్రో యేన కంసో హతోఽభూత్
జననసమయపూర్వం దేవకీశూరయోశ్చ ।
పరిహృతమపి దుఃఖం యామికా మోహితాశ్చ
స భవతు మమ భూత్యై విఠ్ఠలేశః సహాయః ॥ ౪ ॥
తపనదుహితురన్తః కాలియో మారితః సన్
అలిగణసుహితేఽస్మింస్తత్ఫణే యేన నృత్యమ్ ।
కృతమపి చ తదమ్భో లమ్భితం నిర్విషత్వం
స భవతు మమ భూత్యై విఠ్ఠలేశః సహాయః ॥ ౫ ॥
కపటకృతశరీరా పూతనా ప్రాపితాఽభ్రం
వ్రజపతిగృహసుప్తావేకపాదేన యేన ।
శకట అసురవేషః ప్రేషితః స్థాననాశం
స భవతు మమ భూత్యై విఠ్ఠలేశః సహాయః ॥ ౬ ॥
పదనతియుతహస్తా తోషితా యేన కున్తీ
హ్యసురకులసమూహా హింసితా వీర్యవన్తః ।
అఖిలభువనభారః ప్రేషితః సంలఘుత్వం
స భవతు మమ భూత్యై విఠ్ఠలేశః సహాయః ॥ ౭ ॥
అఖిలసురకులేన్ద్రస్యైవ యేనాభిమానో
గిరివరధరణేన క్షీణతాం ప్రాపితశ్చ ।
జలధరభవధారాః సంహృతా గ్రావయుక్తాః
స భవతు మమ భూత్యై విఠ్ఠలేశః సహాయః ॥ ౮ ॥
విట్ఠలేశాష్టకమిదం ప్రాతరుత్థాయ యః పఠేత్ ।
భక్త్యా నత్వా చ సుమనాః స యాతి పరమాం గతిమ్ ॥ ౯ ॥
ఇతి రఘునాథకృతం శ్రీవిఠ్ఠలేశాష్టకం సమ్పూర్ణమ్ ।
– Chant Stotra in Other Languages –
Sri Viththalesha Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil