॥ Sri Vraja Navayuva Raja Ashtakam in Bengali ॥
॥ শ্রীব্রজনবয়ুবরাজাষ্টকম্ ॥
শ্রীব্রজনবয়ুবরাজায় নমঃ ।
মুদিরমদমুদারং মর্দয়ন্নঙ্গকান্ত্যা
বসনরুচিনিরস্তাম্ভোজকিঞ্জল্কশোভঃ ।
তরুণিমতরণীক্ষাবিক্লবদ্বাল্যচন্দ্রো
ব্রজনবয়ুবরাজঃ কাঙ্ক্ষিতং মে কৃপীষ্ট ॥ ১ ॥
পিতুরনিশমগণ্যপ্রাণনির্মন্থনীয়ঃ
কলিততনুরিবাদ্ধা মাতৃবাত্সল্যপুঞ্জঃ ।
অনুগুণগুরুগোষ্ঠীদৃষ্টিপীয়ূষবর্তি-
র্ব্রজনবয়ুবরাজঃ কাঙ্ক্ষিতং মে কৃপীষ্ট ॥ ২ ॥
অখিলজগতি জাগ্রন্মুগ্ধবৈদগ্ধ্যচর্যা
প্রথমগুরুরুদগ্রস্থামবিশ্রামসৌধঃ ।
অনুপমগুণরাজীরঞ্জিতাশেষবন্ধু-
র্ব্রজনবয়ুবরাজঃ কাঙ্ক্ষিতং মে কৃপীষ্ট ॥ ৩ ॥
অপি মদনপরাঅর্ধৈর্দুষ্করং বিক্রিয়োর্মিং
য়ুবতিষু নিদধানো ভ্রূধনুর্ধূননেন ।
প্রিয়সহচরবর্গপ্রাণমীনাম্বুরাশি-
র্ব্রজনবয়ুবরাজঃ কাঙ্ক্ষিতং মে কৃপীষ্ট ॥ ৪ ॥
নয়নশৃণিম্বিনোদক্ষোভিতানঙ্গনাগো
ন্মথিতগহনরাধাচিত্তকাসারগর্ভঃ ।
প্রণয়রসমরন্দাস্বাদলীলাষডঙ্ঘ্রি-
র্ব্রজনবয়ুবরাজঃ কাঙ্ক্ষিতং মে কৃপীষ্ট ॥ ৫ ॥
অনুপদমুদয়ন্ত্যা রাধিকাসঙ্গসিদ্ধ্যা
স্থগিতপৃথুরথাঙ্গদ্বন্দ্বরাগানুবন্ধঃ ।
মধুরিমমধুধারাধোরণীনামুদন্বান্
ব্রজনবয়ুবরাজঃ কাঙ্ক্ষিতং মে কৃপীষ্ট ॥ ৬ ॥
অলঘুকুটিলরাধাদৃষ্টিবারীনিরুদ্ধ
ত্রিজগদপরতন্ত্রোদ্দামচেতোগজেন্দ্রঃ ।
সুখমুখরবিশাখানর্মণা স্মেরবক্ত্রো
ব্রজনবয়ুবরাজঃ কাঙ্ক্ষিতং মে কৃপীষ্ট ॥ ৭ ॥
ত্বয়ি রহসি মিলন্ত্যাং সম্ভ্রমন্যাসভুগ্নাপ্য্-
উষসি সখি তবালীমেখলা পশ্য ভাতি ।
ইতি বিবৃতরহস্যৈর্হ্রেপয়ন্ন্ এব রাধাং
ব্রজনবয়ুবরাজঃ কাঙ্ক্ষিতং মে কৃপীষ্ট ॥ ৮ ॥
ব্রজনবয়ুবরাজস্যাষ্টকং তুষ্টবুদ্ধিঃ
কলিতবরবিলাসং য়ঃ প্রয়ত্নাদধিতে ।
পরিজনগণনায়াং নাম তস্যানুরজ্যন্
বিলিখতি কিল্ বৃন্দারণ্যরাজ্ঞীরসজ্ঞঃ ॥ ৯ ॥
ইতি শ্রীরূপগোস্বামিবিরচিতস্তবমালায়াং শ্রীব্রজনবয়ুবরাজাষ্টকং সমাপ্তম্ ।
– Chant Stotra in Other Languages –
Sri Vraja Navayuva Raja Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil