॥ Sri Vraja Navayuva Raja Ashtakam in Odia ॥
॥ ଶ୍ରୀଵ୍ରଜନଵୟୁଵରାଜାଷ୍ଟକମ୍ ॥
ଶ୍ରୀଵ୍ରଜନଵୟୁଵରାଜାୟ ନମଃ ।
ମୁଦିରମଦମୁଦାରଂ ମର୍ଦୟନ୍ନଙ୍ଗକାନ୍ତ୍ୟା
ଵସନରୁଚିନିରସ୍ତାମ୍ଭୋଜକିଞ୍ଜଲ୍କଶୋଭଃ ।
ତରୁଣିମତରଣୀକ୍ଷାଵିକ୍ଲଵଦ୍ବାଲ୍ୟଚନ୍ଦ୍ରୋ
ଵ୍ରଜନଵୟୁଵରାଜଃ କାଙ୍କ୍ଷିତଂ ମେ କୃପୀଷ୍ଟ ॥ ୧ ॥
ପିତୁରନିଶମଗଣ୍ୟପ୍ରାଣନିର୍ମନ୍ଥନୀୟଃ
କଲିତତନୁରିଵାଦ୍ଧା ମାତୃଵାତ୍ସଲ୍ୟପୁଞ୍ଜଃ ।
ଅନୁଗୁଣଗୁରୁଗୋଷ୍ଠୀଦୃଷ୍ଟିପୀୟୂଷଵର୍ତି-
ର୍ଵ୍ରଜନଵୟୁଵରାଜଃ କାଙ୍କ୍ଷିତଂ ମେ କୃପୀଷ୍ଟ ॥ ୨ ॥
ଅଖିଲଜଗତି ଜାଗ୍ରନ୍ମୁଗ୍ଧଵୈଦଗ୍ଧ୍ୟଚର୍ୟା
ପ୍ରଥମଗୁରୁରୁଦଗ୍ରସ୍ଥାମଵିଶ୍ରାମସୌଧଃ ।
ଅନୁପମଗୁଣରାଜୀରଞ୍ଜିତାଶେଷବନ୍ଧୁ-
ର୍ଵ୍ରଜନଵୟୁଵରାଜଃ କାଙ୍କ୍ଷିତଂ ମେ କୃପୀଷ୍ଟ ॥ ୩ ॥
ଅପି ମଦନପରାଅର୍ଧୈର୍ଦୁଷ୍କରଂ ଵିକ୍ରିୟୋର୍ମିଂ
ୟୁଵତିଷୁ ନିଦଧାନୋ ଭ୍ରୂଧନୁର୍ଧୂନନେନ ।
ପ୍ରିୟସହଚରଵର୍ଗପ୍ରାଣମୀନାମ୍ବୁରାଶି-
ର୍ଵ୍ରଜନଵୟୁଵରାଜଃ କାଙ୍କ୍ଷିତଂ ମେ କୃପୀଷ୍ଟ ॥ ୪ ॥
ନୟନଶୃଣିମ୍ଵିନୋଦକ୍ଷୋଭିତାନଙ୍ଗନାଗୋ
ନ୍ମଥିତଗହନରାଧାଚିତ୍ତକାସାରଗର୍ଭଃ ।
ପ୍ରଣୟରସମରନ୍ଦାସ୍ଵାଦଲୀଲାଷଡଙ୍ଘ୍ରି-
ର୍ଵ୍ରଜନଵୟୁଵରାଜଃ କାଙ୍କ୍ଷିତଂ ମେ କୃପୀଷ୍ଟ ॥ ୫ ॥
ଅନୁପଦମୁଦୟନ୍ତ୍ୟା ରାଧିକାସଙ୍ଗସିଦ୍ଧ୍ୟା
ସ୍ଥଗିତପୃଥୁରଥାଙ୍ଗଦ୍ଵନ୍ଦ୍ଵରାଗାନୁବନ୍ଧଃ ।
ମଧୁରିମମଧୁଧାରାଧୋରଣୀନାମୁଦନ୍ଵାନ୍
ଵ୍ରଜନଵୟୁଵରାଜଃ କାଙ୍କ୍ଷିତଂ ମେ କୃପୀଷ୍ଟ ॥ ୬ ॥
ଅଲଘୁକୁଟିଲରାଧାଦୃଷ୍ଟିଵାରୀନିରୁଦ୍ଧ
ତ୍ରିଜଗଦପରତନ୍ତ୍ରୋଦ୍ଦାମଚେତୋଗଜେନ୍ଦ୍ରଃ ।
ସୁଖମୁଖରଵିଶାଖାନର୍ମଣା ସ୍ମେରଵକ୍ତ୍ରୋ
ଵ୍ରଜନଵୟୁଵରାଜଃ କାଙ୍କ୍ଷିତଂ ମେ କୃପୀଷ୍ଟ ॥ ୭ ॥
ତ୍ଵୟି ରହସି ମିଲନ୍ତ୍ୟାଂ ସମ୍ଭ୍ରମନ୍ୟାସଭୁଗ୍ନାପ୍ୟ୍-
ଉଷସି ସଖି ତଵାଲୀମେଖଲା ପଶ୍ୟ ଭାତି ।
ଇତି ଵିଵୃତରହସ୍ୟୈର୍ହ୍ରେପୟନ୍ନ୍ ଏଵ ରାଧାଂ
ଵ୍ରଜନଵୟୁଵରାଜଃ କାଙ୍କ୍ଷିତଂ ମେ କୃପୀଷ୍ଟ ॥ ୮ ॥
ଵ୍ରଜନଵୟୁଵରାଜସ୍ୟାଷ୍ଟକଂ ତୁଷ୍ଟବୁଦ୍ଧିଃ
କଲିତଵରଵିଲାସଂ ୟଃ ପ୍ରୟତ୍ନାଦଧିତେ ।
ପରିଜନଗଣନାୟାଂ ନାମ ତସ୍ୟାନୁରଜ୍ୟନ୍
ଵିଲିଖତି କିଲ୍ ଵୃନ୍ଦାରଣ୍ୟରାଜ୍ଞୀରସଜ୍ଞଃ ॥ ୯ ॥
ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ଶ୍ରୀଵ୍ରଜନଵୟୁଵରାଜାଷ୍ଟକଂ ସମାପ୍ତମ୍ ।
– Chant Stotra in Other Languages –
Sri Vraja Navayuva Raja Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil