॥ Sri Vraja Navina Yuva Dvandvastaka Gujarati Lyrics ॥
॥ શ્રીવ્રજનવીનયુવદ્વન્દ્વાષ્ટકમ્ ॥
શ્રીરાધાકૃષ્ણૌ જયતઃ ।
અદુર્વિધવિદગ્ધતાસ્પદવિમુગ્ધવેશશ્રિયો-
રમન્દશિખિકન્ધરાકનકનિન્દિવાસસ્ત્વિષોઃ ।
સ્ફુરત્પુરટકેતકીકુસુમવિભ્રમાભ્રપ્રભા
નિભાઙ્ગમહસોર્ભજે વ્રજનવીનયૂનોર્યુગમ્ ॥ ૧ ॥
સમૃદ્ધવિધુમાધુરીવિધુરતાવિધાનોદ્ધુરૈ-
ર્નવામ્બુરુહરમ્યતામદવિડમ્બનારમ્ભિભિઃ ।
વિલિમ્પદિવ કર્ણકાવલિસહોદરૈર્દિક્તટી
મુખદ્યુતિભરૈર્ભજે વ્રજનવીનયૂનોર્યુગમ્ ॥ ૨ ॥
વિલાસકલહોદ્ધતિસ્ખલદમન્દસિન્દૂરભા-
ગખર્વમદનાઙ્કુશપ્રકરવિબ્ર્હમૈરઙ્કિતમ્ ।
મદોદ્ધુરમિવોભયોર્મિથુનમુલ્લસદ્વલ્લરી
ગૃહોત્સવરતં ભજે વ્રજનવીનયૂનોર્યુગમ્ ॥ ૩ ॥
ઘનપ્રણયનિર્ઝરપ્રસરલબ્ધપૂર્તેર્મનો
હ્રદસ્ય પરિવાહિતામનુસરદ્ભિરસ્રૈઃ પ્લુતમ્ ।
સ્ફુરત્તનુરુહાઙ્કુરૈર્નવકદમ્બજૃમ્ભશ્રિયં
વ્રજત્તદનિશં ભજે વ્રજનવીનયૂનોર્યુગમ્ ॥ ૪ ॥
અનઙ્ગરણવિભ્રમે કિમપિ વિભ્રદાચાર્યકં
મિથશ્ચલદૃગઞ્ચલદ્યુતિશલાકયા કીલિતમ્ ।
જગત્યતુલધર્મભિર્મધુરનર્મભિસ્તન્વતો-
ર્મિથો વિજયિતાં ભજે વ્રજનવીનયૂનોર્યુગમ્ ॥ ૫ ॥
અદૃષ્ટચરચાતુરીચલચરિત્રચિત્રાયિતૈઃ
સહ પ્રણયિભિર્જનૈર્વિહરમાનયોઃ કાનને ।
પરસ્પરમનોમૃગં શ્રવણચારુણા ચર્ચરી
ચયેન રજયદ્ ભજે વ્રજનવીનયૂનોર્યુગમ્ ॥ ૬ ॥
મરન્દભરમન્દિરપ્રતિનવારવિન્દાવલિ
સુગન્ધિનિ વિહારયોર્જલવિહારવિસ્ફૂર્જિતૈઃ ।
તપે સરસિ વલ્લભે સલિલવાદ્યવિદ્યાવિધૌ
વિદગ્ધભુજયોર્ભજે વ્રજનવીનયૂનોર્યુગમ્ ॥ ૭ ॥
મૃષાવિજયકાશિભિઃ પ્રથિતચ્તુરીરાશીભિ-
ર્ગ્લહસ્ય હરણં હઠાત્ પ્રકટયદ્ભિરુચ્ચૈર્ગિરા ।
તદક્ષકલિદક્ષયોઃ કલિતપક્ષયોઃ સાક્ષિભિઃ
કુલૈઃ સ્વસુહૃદાં ભજે વ્રજનવીનયૂનોર્યુગમ્ ॥ ૮ ॥
ઇદં વલિતતુષ્ટયઃ પરિપઠન્તિ પદ્યાષ્ટકં
દ્વયોર્ગુણવિકાશિ યે વ્રજનવીનયૂનોર્જનાઃ ।
મુહુર્નવનવોદયાં પ્રણયમાધુરીમેતયો-
રવાપ્ય નિવસન્તિ તે પદસરોજયુગ્માન્તિકે ॥ ૯ ॥
ઇતિ શ્રીરૂપગોસ્વામિવિરચિતસ્તવમાલાયાં
શ્રીવ્રજનવીનયુવદ્વન્દ્વાષ્ટકં સમ્પૂર્ણમ્ ।
– Chant Stotra in Other Languages –
Sri Vraja Navina Yuva Dvandvastaka Lyrics in Sanskrit » English » Bengali » Kannada » Malayalam » Odia » Telugu » Tamil