॥ Sri Vraja Navina Yuva Dvandvastaka Kannada Lyrics ॥
॥ ಶ್ರೀವ್ರಜನವೀನಯುವದ್ವನ್ದ್ವಾಷ್ಟಕಮ್ ॥
ಶ್ರೀರಾಧಾಕೃಷ್ಣೌ ಜಯತಃ ।
ಅದುರ್ವಿಧವಿದಗ್ಧತಾಸ್ಪದವಿಮುಗ್ಧವೇಶಶ್ರಿಯೋ-
ರಮನ್ದಶಿಖಿಕನ್ಧರಾಕನಕನಿನ್ದಿವಾಸಸ್ತ್ವಿಷೋಃ ।
ಸ್ಫುರತ್ಪುರಟಕೇತಕೀಕುಸುಮವಿಭ್ರಮಾಭ್ರಪ್ರಭಾ
ನಿಭಾಂಗಮಹಸೋರ್ಭಜೇ ವ್ರಜನವೀನಯೂನೋರ್ಯುಗಮ್ ॥ 1 ॥
ಸಮೃದ್ಧವಿಧುಮಾಧುರೀವಿಧುರತಾವಿಧಾನೋದ್ಧುರೈ-
ರ್ನವಾಮ್ಬುರುಹರಮ್ಯತಾಮದವಿಡಮ್ಬನಾರಮ್ಭಿಭಿಃ ।
ವಿಲಿಮ್ಪದಿವ ಕರ್ಣಕಾವಲಿಸಹೋದರೈರ್ದಿಕ್ತಟೀ
ಮುಖದ್ಯುತಿಭರೈರ್ಭಜೇ ವ್ರಜನವೀನಯೂನೋರ್ಯುಗಮ್ ॥ 2 ॥
ವಿಲಾಸಕಲಹೋದ್ಧತಿಸ್ಖಲದಮನ್ದಸಿನ್ದೂರಭಾ-
ಗಖರ್ವಮದನಾಂಕುಶಪ್ರಕರವಿಬ್ರ್ಹಮೈರಂಕಿತಮ್ ।
ಮದೋದ್ಧುರಮಿವೋಭಯೋರ್ಮಿಥುನಮುಲ್ಲಸದ್ವಲ್ಲರೀ
ಗೃಹೋತ್ಸವರತಂ ಭಜೇ ವ್ರಜನವೀನಯೂನೋರ್ಯುಗಮ್ ॥ 3 ॥
ಘನಪ್ರಣಯನಿರ್ಝರಪ್ರಸರಲಬ್ಧಪೂರ್ತೇರ್ಮನೋ
ಹ್ರದಸ್ಯ ಪರಿವಾಹಿತಾಮನುಸರದ್ಭಿರಸ್ರೈಃ ಪ್ಲುತಮ್ ।
ಸ್ಫುರತ್ತನುರುಹಾಂಕುರೈರ್ನವಕದಮ್ಬಜೃಮ್ಭಶ್ರಿಯಂ
ವ್ರಜತ್ತದನಿಶಂ ಭಜೇ ವ್ರಜನವೀನಯೂನೋರ್ಯುಗಮ್ ॥ 4 ॥
ಅನಂಗರಣವಿಭ್ರಮೇ ಕಿಮಪಿ ವಿಭ್ರದಾಚಾರ್ಯಕಂ
ಮಿಥಶ್ಚಲದೃಗಂಚಲದ್ಯುತಿಶಲಾಕಯಾ ಕೀಲಿತಮ್ ।
ಜಗತ್ಯತುಲಧರ್ಮಭಿರ್ಮಧುರನರ್ಮಭಿಸ್ತನ್ವತೋ-
ರ್ಮಿಥೋ ವಿಜಯಿತಾಂ ಭಜೇ ವ್ರಜನವೀನಯೂನೋರ್ಯುಗಮ್ ॥ 5 ॥
ಅದೃಷ್ಟಚರಚಾತುರೀಚಲಚರಿತ್ರಚಿತ್ರಾಯಿತೈಃ
ಸಹ ಪ್ರಣಯಿಭಿರ್ಜನೈರ್ವಿಹರಮಾನಯೋಃ ಕಾನನೇ ।
ಪರಸ್ಪರಮನೋಮೃಗಂ ಶ್ರವಣಚಾರುಣಾ ಚರ್ಚರೀ
ಚಯೇನ ರಜಯದ್ ಭಜೇ ವ್ರಜನವೀನಯೂನೋರ್ಯುಗಮ್ ॥ 6 ॥
ಮರನ್ದಭರಮನ್ದಿರಪ್ರತಿನವಾರವಿನ್ದಾವಲಿ
ಸುಗನ್ಧಿನಿ ವಿಹಾರಯೋರ್ಜಲವಿಹಾರವಿಸ್ಫೂರ್ಜಿತೈಃ ।
ತಪೇ ಸರಸಿ ವಲ್ಲಭೇ ಸಲಿಲವಾದ್ಯವಿದ್ಯಾವಿಧೌ
ವಿದಗ್ಧಭುಜಯೋರ್ಭಜೇ ವ್ರಜನವೀನಯೂನೋರ್ಯುಗಮ್ ॥ 7 ॥
ಮೃಷಾವಿಜಯಕಾಶಿಭಿಃ ಪ್ರಥಿತಚ್ತುರೀರಾಶೀಭಿ-
ರ್ಗ್ಲಹಸ್ಯ ಹರಣಂ ಹಠಾತ್ ಪ್ರಕಟಯದ್ಭಿರುಚ್ಚೈರ್ಗಿರಾ ।
ತದಕ್ಷಕಲಿದಕ್ಷಯೋಃ ಕಲಿತಪಕ್ಷಯೋಃ ಸಾಕ್ಷಿಭಿಃ
ಕುಲೈಃ ಸ್ವಸುಹೃದಾಂ ಭಜೇ ವ್ರಜನವೀನಯೂನೋರ್ಯುಗಮ್ ॥ 8 ॥
ಇದಂ ವಲಿತತುಷ್ಟಯಃ ಪರಿಪಠನ್ತಿ ಪದ್ಯಾಷ್ಟಕಂ
ದ್ವಯೋರ್ಗುಣವಿಕಾಶಿ ಯೇ ವ್ರಜನವೀನಯೂನೋರ್ಜನಾಃ ।
ಮುಹುರ್ನವನವೋದಯಾಂ ಪ್ರಣಯಮಾಧುರೀಮೇತಯೋ-
ರವಾಪ್ಯ ನಿವಸನ್ತಿ ತೇ ಪದಸರೋಜಯುಗ್ಮಾನ್ತಿಕೇ ॥ 9 ॥
ಇತಿ ಶ್ರೀರೂಪಗೋಸ್ವಾಮಿವಿರಚಿತಸ್ತವಮಾಲಾಯಾಂ
ಶ್ರೀವ್ರಜನವೀನಯುವದ್ವನ್ದ್ವಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Vraja Navina Yuva Dvandvastaka Lyrics in Sanskrit » English » Bengali » Gujarati » Malayalam » Odia » Telugu » Tamil