॥ Sri Vraja Navina Yuva Dvandvastaka Malayalam Lyrics ॥
॥ ശ്രീവ്രജനവീനയുവദ്വന്ദ്വാഷ്ടകം ॥
ശ്രീരാധാകൃഷ്ണൌ ജയതഃ ।
അദുര്‍വിധവിദഗ്ധതാസ്പദവിമുഗ്ധവേശശ്രിയോ-
രമന്ദശിഖികന്ധരാകനകനിന്ദിവാസസ്ത്വിഷോഃ ।
സ്ഫുരത്പുരടകേതകീകുസുമവിഭ്രമാഭ്രപ്രഭാ
നിഭാങ്ഗമഹസോര്‍ഭജേ വ്രജനവീനയൂനോര്യുഗം ॥ 1 ॥
സമൃദ്ധവിധുമാധുരീവിധുരതാവിധാനോദ്ധുരൈ-
ര്‍നവാംബുരുഹരംയതാമദവിഡംബനാരംഭിഭിഃ ।
വിലിമ്പദിവ കര്‍ണകാവലിസഹോദരൈര്‍ദിക്തടീ
മുഖദ്യുതിഭരൈര്‍ഭജേ വ്രജനവീനയൂനോര്യുഗം ॥ 2 ॥
വിലാസകലഹോദ്ധതിസ്ഖലദമന്ദസിന്ദൂരഭാ-
ഗഖര്‍വമദനാങ്കുശപ്രകരവിബ്ര്‍ഹമൈരങ്കിതം ।
മദോദ്ധുരമിവോഭയോര്‍മിഥുനമുല്ലസദ്വല്ലരീ
ഗൃഹോത്സവരതം ഭജേ വ്രജനവീനയൂനോര്യുഗം ॥ 3 ॥
ഘനപ്രണയനിര്‍ഝരപ്രസരലബ്ധപൂര്‍തേര്‍മനോ
ഹ്രദസ്യ പരിവാഹിതാമനുസരദ്ഭിരസ്രൈഃ പ്ലുതം ।
സ്ഫുരത്തനുരുഹാങ്കുരൈര്‍നവകദംബജൃംഭശ്രിയം
വ്രജത്തദനിശം ഭജേ വ്രജനവീനയൂനോര്യുഗം ॥ 4 ॥
അനങ്ഗരണവിഭ്രമേ കിമപി വിഭ്രദാചാര്യകം
മിഥശ്ചലദൃഗഞ്ചലദ്യുതിശലാകയാ കീലിതം ।
ജഗത്യതുലധര്‍മഭിര്‍മധുരനര്‍മഭിസ്തന്വതോ-
ര്‍മിഥോ വിജയിതാം ഭജേ വ്രജനവീനയൂനോര്യുഗം ॥ 5 ॥
അദൃഷ്ടചരചാതുരീചലചരിത്രചിത്രായിതൈഃ
സഹ പ്രണയിഭിര്‍ജനൈര്‍വിഹരമാനയോഃ കാനനേ ।
പരസ്പരമനോമൃഗം ശ്രവണചാരുണാ ചര്‍ചരീ
ചയേന രജയദ് ഭജേ വ്രജനവീനയൂനോര്യുഗം ॥ 6 ॥
മരന്ദഭരമന്ദിരപ്രതിനവാരവിന്ദാവലി
സുഗന്ധിനി വിഹാരയോര്‍ജലവിഹാരവിസ്ഫൂര്‍ജിതൈഃ ।
തപേ സരസി വല്ലഭേ സലിലവാദ്യവിദ്യാവിധൌ
വിദഗ്ധഭുജയോര്‍ഭജേ വ്രജനവീനയൂനോര്യുഗം ॥ 7 ॥
മൃഷാവിജയകാശിഭിഃ പ്രഥിതച്തുരീരാശീഭി-
ര്‍ഗ്ലഹസ്യ ഹരണം ഹഠാത് പ്രകടയദ്ഭിരുച്ചൈര്‍ഗിരാ ।
തദക്ഷകലിദക്ഷയോഃ കലിതപക്ഷയോഃ സാക്ഷിഭിഃ
കുലൈഃ സ്വസുഹൃദാം ഭജേ വ്രജനവീനയൂനോര്യുഗം ॥ 8 ॥
ഇദം വലിതതുഷ്ടയഃ പരിപഠന്തി പദ്യാഷ്ടകം
ദ്വയോര്‍ഗുണവികാശി യേ വ്രജനവീനയൂനോര്‍ജനാഃ ।
മുഹുര്‍നവനവോദയാം പ്രണയമാധുരീമേതയോ-
രവാപ്യ നിവസന്തി തേ പദസരോജയുഗ്മാന്തികേ ॥ 9 ॥
ഇതി ശ്രീരൂപഗോസ്വാമിവിരചിതസ്തവമാലായാം
ശ്രീവ്രജനവീനയുവദ്വന്ദ്വാഷ്ടകം സമ്പൂര്‍ണം ।
– Chant Stotra in Other Languages –
Sri Vraja Navina Yuva Dvandvastaka Lyrics in Sanskrit » English » Bengali » Gujarati » Kannada » Odia » Telugu » Tamil