॥ Sri Vraja Navina Yuva Dvandvastaka Odia Lyrics ॥
॥ ଶ୍ରୀଵ୍ରଜନଵୀନୟୁଵଦ୍ଵନ୍ଦ୍ଵାଷ୍ଟକମ୍ ॥
ଶ୍ରୀରାଧାକୃଷ୍ଣୌ ଜୟତଃ ।
ଅଦୁର୍ଵିଧଵିଦଗ୍ଧତାସ୍ପଦଵିମୁଗ୍ଧଵେଶଶ୍ରିୟୋ-
ରମନ୍ଦଶିଖିକନ୍ଧରାକନକନିନ୍ଦିଵାସସ୍ତ୍ଵିଷୋଃ ।
ସ୍ଫୁରତ୍ପୁରଟକେତକୀକୁସୁମଵିଭ୍ରମାଭ୍ରପ୍ରଭା
ନିଭାଙ୍ଗମହସୋର୍ଭଜେ ଵ୍ରଜନଵୀନୟୂନୋର୍ୟୁଗମ୍ ॥ ୧ ॥
ସମୃଦ୍ଧଵିଧୁମାଧୁରୀଵିଧୁରତାଵିଧାନୋଦ୍ଧୁରୈ-
ର୍ନଵାମ୍ବୁରୁହରମ୍ୟତାମଦଵିଡମ୍ବନାରମ୍ଭିଭିଃ ।
ଵିଲିମ୍ପଦିଵ କର୍ଣକାଵଲିସହୋଦରୈର୍ଦିକ୍ତଟୀ
ମୁଖଦ୍ୟୁତିଭରୈର୍ଭଜେ ଵ୍ରଜନଵୀନୟୂନୋର୍ୟୁଗମ୍ ॥ ୨ ॥
ଵିଲାସକଲହୋଦ୍ଧତିସ୍ଖଲଦମନ୍ଦସିନ୍ଦୂରଭା-
ଗଖର୍ଵମଦନାଙ୍କୁଶପ୍ରକରଵିବ୍ର୍ହମୈରଙ୍କିତମ୍ ।
ମଦୋଦ୍ଧୁରମିଵୋଭୟୋର୍ମିଥୁନମୁଲ୍ଲସଦ୍ଵଲ୍ଲରୀ
ଗୃହୋତ୍ସଵରତଂ ଭଜେ ଵ୍ରଜନଵୀନୟୂନୋର୍ୟୁଗମ୍ ॥ ୩ ॥
ଘନପ୍ରଣୟନିର୍ଝରପ୍ରସରଲବ୍ଧପୂର୍ତେର୍ମନୋ
ହ୍ରଦସ୍ୟ ପରିଵାହିତାମନୁସରଦ୍ଭିରସ୍ରୈଃ ପ୍ଲୁତମ୍ ।
ସ୍ଫୁରତ୍ତନୁରୁହାଙ୍କୁରୈର୍ନଵକଦମ୍ବଜୃମ୍ଭଶ୍ରିୟଂ
ଵ୍ରଜତ୍ତଦନିଶଂ ଭଜେ ଵ୍ରଜନଵୀନୟୂନୋର୍ୟୁଗମ୍ ॥ ୪ ॥
ଅନଙ୍ଗରଣଵିଭ୍ରମେ କିମପି ଵିଭ୍ରଦାଚାର୍ୟକଂ
ମିଥଶ୍ଚଲଦୃଗଞ୍ଚଲଦ୍ୟୁତିଶଲାକୟା କୀଲିତମ୍ ।
ଜଗତ୍ୟତୁଲଧର୍ମଭିର୍ମଧୁରନର୍ମଭିସ୍ତନ୍ଵତୋ-
ର୍ମିଥୋ ଵିଜୟିତାଂ ଭଜେ ଵ୍ରଜନଵୀନୟୂନୋର୍ୟୁଗମ୍ ॥ ୫ ॥
ଅଦୃଷ୍ଟଚରଚାତୁରୀଚଲଚରିତ୍ରଚିତ୍ରାୟିତୈଃ
ସହ ପ୍ରଣୟିଭିର୍ଜନୈର୍ଵିହରମାନୟୋଃ କାନନେ ।
ପରସ୍ପରମନୋମୃଗଂ ଶ୍ରଵଣଚାରୁଣା ଚର୍ଚରୀ
ଚୟେନ ରଜୟଦ୍ ଭଜେ ଵ୍ରଜନଵୀନୟୂନୋର୍ୟୁଗମ୍ ॥ ୬ ॥
ମରନ୍ଦଭରମନ୍ଦିରପ୍ରତିନଵାରଵିନ୍ଦାଵଲି
ସୁଗନ୍ଧିନି ଵିହାରୟୋର୍ଜଲଵିହାରଵିସ୍ଫୂର୍ଜିତୈଃ ।
ତପେ ସରସି ଵଲ୍ଲଭେ ସଲିଲଵାଦ୍ୟଵିଦ୍ୟାଵିଧୌ
ଵିଦଗ୍ଧଭୁଜୟୋର୍ଭଜେ ଵ୍ରଜନଵୀନୟୂନୋର୍ୟୁଗମ୍ ॥ ୭ ॥
ମୃଷାଵିଜୟକାଶିଭିଃ ପ୍ରଥିତଚ୍ତୁରୀରାଶୀଭି-
ର୍ଗ୍ଲହସ୍ୟ ହରଣଂ ହଠାତ୍ ପ୍ରକଟୟଦ୍ଭିରୁଚ୍ଚୈର୍ଗିରା ।
ତଦକ୍ଷକଲିଦକ୍ଷୟୋଃ କଲିତପକ୍ଷୟୋଃ ସାକ୍ଷିଭିଃ
କୁଲୈଃ ସ୍ଵସୁହୃଦାଂ ଭଜେ ଵ୍ରଜନଵୀନୟୂନୋର୍ୟୁଗମ୍ ॥ ୮ ॥
ଇଦଂ ଵଲିତତୁଷ୍ଟୟଃ ପରିପଠନ୍ତି ପଦ୍ୟାଷ୍ଟକଂ
ଦ୍ଵୟୋର୍ଗୁଣଵିକାଶି ୟେ ଵ୍ରଜନଵୀନୟୂନୋର୍ଜନାଃ ।
ମୁହୁର୍ନଵନଵୋଦୟାଂ ପ୍ରଣୟମାଧୁରୀମେତୟୋ-
ରଵାପ୍ୟ ନିଵସନ୍ତି ତେ ପଦସରୋଜୟୁଗ୍ମାନ୍ତିକେ ॥ ୯ ॥
ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ
ଶ୍ରୀଵ୍ରଜନଵୀନୟୁଵଦ୍ଵନ୍ଦ୍ଵାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Vraja Navina Yuva Dvandvastaka Lyrics in Sanskrit » English » Bengali » Gujarati » Kannada » Malayalam » Telugu » Tamil