॥ Sri Vraja Navina Yuva Dvandvastaka Telugu Lyrics ॥
॥ శ్రీవ్రజనవీనయువద్వన్ద్వాష్టకమ్ ॥
శ్రీరాధాకృష్ణౌ జయతః ।
అదుర్విధవిదగ్ధతాస్పదవిముగ్ధవేశశ్రియో-
రమన్దశిఖికన్ధరాకనకనిన్దివాసస్త్విషోః ।
స్ఫురత్పురటకేతకీకుసుమవిభ్రమాభ్రప్రభా
నిభాఙ్గమహసోర్భజే వ్రజనవీనయూనోర్యుగమ్ ॥ ౧ ॥
సమృద్ధవిధుమాధురీవిధురతావిధానోద్ధురై-
ర్నవామ్బురుహరమ్యతామదవిడమ్బనారమ్భిభిః ।
విలిమ్పదివ కర్ణకావలిసహోదరైర్దిక్తటీ
ముఖద్యుతిభరైర్భజే వ్రజనవీనయూనోర్యుగమ్ ॥ ౨ ॥
విలాసకలహోద్ధతిస్ఖలదమన్దసిన్దూరభా-
గఖర్వమదనాఙ్కుశప్రకరవిబ్ర్హమైరఙ్కితమ్ ।
మదోద్ధురమివోభయోర్మిథునముల్లసద్వల్లరీ
గృహోత్సవరతం భజే వ్రజనవీనయూనోర్యుగమ్ ॥ ౩ ॥
ఘనప్రణయనిర్ఝరప్రసరలబ్ధపూర్తేర్మనో
హ్రదస్య పరివాహితామనుసరద్భిరస్రైః ప్లుతమ్ ।
స్ఫురత్తనురుహాఙ్కురైర్నవకదమ్బజృమ్భశ్రియం
వ్రజత్తదనిశం భజే వ్రజనవీనయూనోర్యుగమ్ ॥ ౪ ॥
అనఙ్గరణవిభ్రమే కిమపి విభ్రదాచార్యకం
మిథశ్చలదృగఞ్చలద్యుతిశలాకయా కీలితమ్ ।
జగత్యతులధర్మభిర్మధురనర్మభిస్తన్వతో-
ర్మిథో విజయితాం భజే వ్రజనవీనయూనోర్యుగమ్ ॥ ౫ ॥
అదృష్టచరచాతురీచలచరిత్రచిత్రాయితైః
సహ ప్రణయిభిర్జనైర్విహరమానయోః కాననే ।
పరస్పరమనోమృగం శ్రవణచారుణా చర్చరీ
చయేన రజయద్ భజే వ్రజనవీనయూనోర్యుగమ్ ॥ ౬ ॥
మరన్దభరమన్దిరప్రతినవారవిన్దావలి
సుగన్ధిని విహారయోర్జలవిహారవిస్ఫూర్జితైః ।
తపే సరసి వల్లభే సలిలవాద్యవిద్యావిధౌ
విదగ్ధభుజయోర్భజే వ్రజనవీనయూనోర్యుగమ్ ॥ ౭ ॥
మృషావిజయకాశిభిః ప్రథితచ్తురీరాశీభి-
ర్గ్లహస్య హరణం హఠాత్ ప్రకటయద్భిరుచ్చైర్గిరా ।
తదక్షకలిదక్షయోః కలితపక్షయోః సాక్షిభిః
కులైః స్వసుహృదాం భజే వ్రజనవీనయూనోర్యుగమ్ ॥ ౮ ॥
ఇదం వలితతుష్టయః పరిపఠన్తి పద్యాష్టకం
ద్వయోర్గుణవికాశి యే వ్రజనవీనయూనోర్జనాః ।
ముహుర్నవనవోదయాం ప్రణయమాధురీమేతయో-
రవాప్య నివసన్తి తే పదసరోజయుగ్మాన్తికే ॥ ౯ ॥
ఇతి శ్రీరూపగోస్వామివిరచితస్తవమాలాయాం
శ్రీవ్రజనవీనయువద్వన్ద్వాష్టకం సమ్పూర్ణమ్ ।
– Chant Stotra in Other Languages –
Sri Vraja Navina Yuva Dvandvastaka Lyrics in Sanskrit » English » Bengali » Gujarati » Kannada » Malayalam » Odia » Tamil