॥ Sri Vrindavana Ashtakam Bengali Lyrics ॥
॥ শ্রীবৃন্দাবনাষ্টকম্॥
মুকুন্দমুরলীরবশ্রবণফুল্লহৃদ্বল্লরী
কদম্বককরম্বিতপ্রতিকদম্বকুঞ্জান্তরা ।
কলিন্দগিরিনন্দিনীকমলকন্দলান্দোলিনা
সুগন্ধিরনিলেন মে শরণমস্তু বৃন্দাটবী ॥ ১ ॥
বিকুণ্ঠপুরসংশ্রয়াদ্ বিপিনতোঽপি নিঃশ্রেয়সাত্
সহস্রগুণিতাং শ্রিয়ং প্রদুহতী রসশ্রেয়সীম্ ।
চতুর্মুখমুখৈরপি স্পৃহিততার্ণদেহোদ্ভবা
জগদ্গুরুভিরগ্রিমৈঃ শরণমস্তু বৃন্দাটবী ॥ ২ ॥
অনারতবিকস্বরব্রততিপুঞ্জপুষ্পাবলী
বিসারিবরসৌরভোদ্গমরমাচমত্কারিণী ।
অমন্দমকরন্দভৃদ্বিটপিবৃন্দবৃন্দীকৃত
দ্বিরেফকুলবন্দিতা শরণমস্তু বৃন্দাটবী ॥ ৩ ॥
ক্ষণদ্যুতিঘনশ্রিয়োব্রজনবীনয়ূনোঃ পদৈঃ
সুবগ্লুভিরলঙ্কৃতা ললিতলক্ষ্মলক্ষ্মীভরৈঃ ।
তয়োর্নখরমণ্ডলীশিখরকেলিচর্যোচিতৈ-
র্বৃতা কিশলয়াঙ্কুরৈঃ শরণমস্তু বৃন্দাটবী ॥ ৪ ॥
ব্রজেন্দ্রসখনন্দিনীশুভতরাধিকারক্রিয়া
প্রভাবজসুখোত্সবস্ফুরিতজঙ্গমস্থাবরা ।
প্রলম্বদমনানুজধ্বনিতবংশিকাকাকলী
রসজ্ঞমৃগমণ্ডলা শরণমস্তু বৃন্দাটবী ॥ ৫ ॥
অমন্দমুদিরার্বুদাভ্যধিকমাধুরীমেদুর
ব্রজেন্দ্রসুতবীক্ষণোন্নট্ণ্তনীলকণ্ঠোত্করা ।
দিনেশসুহৃদাত্মজাকৃতনিজাভিমানোল্লসল্-
লতাখগমৃগাঙ্গনা শরণমস্তু বৃন্দাটবী ॥ ৬ ॥
অগণ্যগুণনাগরীগণগরিষ্ঠগান্ধর্বিকা
মনোজরণচাতুরীপিশুনকুঞ্জপুঞ্জোজ্জ্বলা ।
জগত্ত্রয়কলাগুরোর্ললিতলাস্যবল্গত্পদ
প্রয়োগবিধিসাক্ষিণী শরণমস্তু বৃন্দাটবী ॥ ৭ ॥
বরিষ্ঠহরিদাসতাপদসমৃদ্ধগোবর্ধনা
মধূদ্বহবধূচমত্কৃতিনিবাসরাসস্থলা ।
অগূঢগহনশ্রিয়ো মধুরিমব্রজেনোজ্জ্বলা
ব্রজস্য সহজেন মে শরণমস্তু বৃন্দাটবী ॥ ৮ ॥
ইদং নিখিলনিষ্কুটাবলিবরিষ্ঠবৃন্দাটবী
গুণস্মরণকারি য়ঃ পঠতি সুষ্ঠু পদ্যাষ্টকম্ ।
বসন্ ব্যসনমুক্তধীরনিশমত্র সদ্বাসনঃ
স পীতবসনে বশী রতিমবাপ্য বিক্রীডতি ॥ ৯ ॥
ইতি শ্রীরূপগোস্বামিবিরচিতস্তবমালায়াং শ্রীবৃন্দাবনাষ্টকং সম্পূর্ণম্ ।
– Chant Stotra in Other Languages –
Sri Vrindavana Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil