॥ Sri Vrindavana Ashtakam Odia Lyrics ॥
॥ ଶ୍ରୀଵୃନ୍ଦାଵନାଷ୍ଟକମ୍॥
ମୁକୁନ୍ଦମୁରଲୀରଵଶ୍ରଵଣଫୁଲ୍ଲହୃଦ୍ଵଲ୍ଲରୀ
କଦମ୍ବକକରମ୍ବିତପ୍ରତିକଦମ୍ବକୁଞ୍ଜାନ୍ତରା ।
କଲିନ୍ଦଗିରିନନ୍ଦିନୀକମଲକନ୍ଦଲାନ୍ଦୋଲିନା
ସୁଗନ୍ଧିରନିଲେନ ମେ ଶରଣମସ୍ତୁ ଵୃନ୍ଦାଟଵୀ ॥ ୧ ॥
ଵିକୁଣ୍ଠପୁରସଂଶ୍ରୟାଦ୍ ଵିପିନତୋଽପି ନିଃଶ୍ରେୟସାତ୍
ସହସ୍ରଗୁଣିତାଂ ଶ୍ରିୟଂ ପ୍ରଦୁହତୀ ରସଶ୍ରେୟସୀମ୍ ।
ଚତୁର୍ମୁଖମୁଖୈରପି ସ୍ପୃହିତତାର୍ଣଦେହୋଦ୍ଭଵା
ଜଗଦ୍ଗୁରୁଭିରଗ୍ରିମୈଃ ଶରଣମସ୍ତୁ ଵୃନ୍ଦାଟଵୀ ॥ ୨ ॥
ଅନାରତଵିକସ୍ଵରଵ୍ରତତିପୁଞ୍ଜପୁଷ୍ପାଵଲୀ
ଵିସାରିଵରସୌରଭୋଦ୍ଗମରମାଚମତ୍କାରିଣୀ ।
ଅମନ୍ଦମକରନ୍ଦଭୃଦ୍ଵିଟପିଵୃନ୍ଦଵୃନ୍ଦୀକୃତ
ଦ୍ଵିରେଫକୁଲଵନ୍ଦିତା ଶରଣମସ୍ତୁ ଵୃନ୍ଦାଟଵୀ ॥ ୩ ॥
କ୍ଷଣଦ୍ୟୁତିଘନଶ୍ରିୟୋଵ୍ରଜନଵୀନୟୂନୋଃ ପଦୈଃ
ସୁଵଗ୍ଲୁଭିରଲଙ୍କୃତା ଲଲିତଲକ୍ଷ୍ମଲକ୍ଷ୍ମୀଭରୈଃ ।
ତୟୋର୍ନଖରମଣ୍ଡଲୀଶିଖରକେଲିଚର୍ୟୋଚିତୈ-
ର୍ଵୃତା କିଶଲୟାଙ୍କୁରୈଃ ଶରଣମସ୍ତୁ ଵୃନ୍ଦାଟଵୀ ॥ ୪ ॥
ଵ୍ରଜେନ୍ଦ୍ରସଖନନ୍ଦିନୀଶୁଭତରାଧିକାରକ୍ରିୟା
ପ୍ରଭାଵଜସୁଖୋତ୍ସଵସ୍ଫୁରିତଜଙ୍ଗମସ୍ଥାଵରା ।
ପ୍ରଲମ୍ବଦମନାନୁଜଧ୍ଵନିତଵଂଶିକାକାକଲୀ
ରସଜ୍ଞମୃଗମଣ୍ଡଲା ଶରଣମସ୍ତୁ ଵୃନ୍ଦାଟଵୀ ॥ ୫ ॥
ଅମନ୍ଦମୁଦିରାର୍ବୁଦାଭ୍ୟଧିକମାଧୁରୀମେଦୁର
ଵ୍ରଜେନ୍ଦ୍ରସୁତଵୀକ୍ଷଣୋନ୍ନଟ୍ଣ୍ତନୀଲକଣ୍ଠୋତ୍କରା ।
ଦିନେଶସୁହୃଦାତ୍ମଜାକୃତନିଜାଭିମାନୋଲ୍ଲସଲ୍-
ଲତାଖଗମୃଗାଙ୍ଗନା ଶରଣମସ୍ତୁ ଵୃନ୍ଦାଟଵୀ ॥ ୬ ॥
ଅଗଣ୍ୟଗୁଣନାଗରୀଗଣଗରିଷ୍ଠଗାନ୍ଧର୍ଵିକା
ମନୋଜରଣଚାତୁରୀପିଶୁନକୁଞ୍ଜପୁଞ୍ଜୋଜ୍ଜ୍ଵଲା ।
ଜଗତ୍ତ୍ରୟକଲାଗୁରୋର୍ଲଲିତଲାସ୍ୟଵଲ୍ଗତ୍ପଦ
ପ୍ରୟୋଗଵିଧିସାକ୍ଷିଣୀ ଶରଣମସ୍ତୁ ଵୃନ୍ଦାଟଵୀ ॥ ୭ ॥
ଵରିଷ୍ଠହରିଦାସତାପଦସମୃଦ୍ଧଗୋଵର୍ଧନା
ମଧୂଦ୍ଵହଵଧୂଚମତ୍କୃତିନିଵାସରାସସ୍ଥଲା ।
ଅଗୂଢଗହନଶ୍ରିୟୋ ମଧୁରିମଵ୍ରଜେନୋଜ୍ଜ୍ଵଲା
ଵ୍ରଜସ୍ୟ ସହଜେନ ମେ ଶରଣମସ୍ତୁ ଵୃନ୍ଦାଟଵୀ ॥ ୮ ॥
ଇଦଂ ନିଖିଲନିଷ୍କୁଟାଵଲିଵରିଷ୍ଠଵୃନ୍ଦାଟଵୀ
ଗୁଣସ୍ମରଣକାରି ୟଃ ପଠତି ସୁଷ୍ଠୁ ପଦ୍ୟାଷ୍ଟକମ୍ ।
ଵସନ୍ ଵ୍ୟସନମୁକ୍ତଧୀରନିଶମତ୍ର ସଦ୍ଵାସନଃ
ସ ପୀତଵସନେ ଵଶୀ ରତିମଵାପ୍ୟ ଵିକ୍ରୀଡତି ॥ ୯ ॥
ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ଶ୍ରୀଵୃନ୍ଦାଵନାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Vrindavana Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil