॥ Yogaminakshi Stotram Bengali Lyrics ॥
॥ শ্রীয়োগমীনাক্ষীস্তোত্রম্ ॥
শিবানন্দপীয়ূষরত্নাকরস্থাং শিবব্রহ্মবিষ্ণ্বামরেশাভিবন্দ্যাম্ ।
শিবধ্যানলগ্নাং শিবজ্ঞানমূর্তিং শিবাখ্যামতীতাং ভজে পাণ্ড্যবালাম্ ॥ ১ ॥
শিবাদিস্ফুরৎপঞ্চমঞ্চাধিরূঢাং ধনুর্বাণপাশাঙ্কুশোৎভাসিহস্তাম্ ।
নবীনার্কবর্ণাং নবীনেন্দুচূডাং পরব্রহ্মপত্নীং ভজে পাণ্ড্যবালাম্ ॥ ২ ॥
কিরীটাঙ্গদোদ্ভাসিমাঙ্গল্যসূত্রাং স্ফুরন্মেখলাহারতাটঙ্গভূষাম্ ।
পরামন্ত্রকাং পাণ্ড্যসিংহাসনস্থাং পরন্ধামরূপাং ভজে পাণ্ড্যবালাম্ ॥ ৩ ॥
ললামাঞ্চিতস্নিগ্ধফালেন্দুভাগাং লসন্নীরজোৎফুল্লকল্হারসংস্থাম্ ।
ললাটেক্ষণার্ধাঙ্গলগ্নোজ্জ্বলাঙ্গীং পরন্ধামরূপাং ভজে পাণ্ড্যবালাম্ ॥ ৪ ॥
ত্রিখণ্ডাত্মবিদ্যাং ত্রিবিন্দুস্বরূপাং ত্রিকোণে লসন্তীং ত্রিলোকাবনম্রাম্ ।
ত্রিবীজাধিরূঢাং ত্রিমূর্ত্যাত্মবিদ্যাং পরব্রহ্মপত্নীং ভজে পাণ্ড্যবালাম্ ॥ ৫ ॥
সদা বিন্দুমধ্যোল্লসদ্বেণিরম্যাং সমুত্তুঙ্গবক্ষোজভারাবনম্রাম্ ।
ক্বণন্নূপুরোপেতলাক্ষারসার্দ্রস্পুরৎপাদপদ্মাং ভজে পাণ্ড্যবালাম্ ॥ ৬ ॥
যমাদ্যষ্টয়োগাঙ্গরূপামরূপামকারাৎক্ষকারান্তবর্ণামবর্ণাম্ ।
অখণ্ডামনন্যামচিন্ত্যামলক্ষ্যামমেয়াত্মবিদ্যাং ভজে পাণ্ড্যবালাম্ ॥ ৭ ॥
সুধাসাগরান্তে মণিদ্বীপমধ্যে লসৎকল্পবৃক্ষোজ্জ্বলদ্বিন্দুচক্রে ।
মহায়োগপীঠে শিবাকারমঞ্চে সদা সন্নিষণ্ণাং ভজে পাণ্ড্যবালাম্ ॥ ৮ ॥
সুষুম্নান্তরন্ধ্রে সহস্রারপদ্মে রবীন্দ্বগ্নিসম্যুক্তচিচ্চক্রমধ্যে ।
সুধামণ্ডলস্থে সুনির্বাণাপীঠে সদা সঞ্চরন্তীং ভজে পাণ্ড্যবালাম্ ॥ ৯ ॥
ষডন্তে নবান্তে লসদ্দ্বাদশান্তে মহাবিন্দুমধ্যে সুনাদান্তরাল়ে ।
শিবাখ্যে কলাতীতনিশ্শব্দদেশে সদা সঞ্চরন্তীং ভজে পাণ্ড্যবালাম্ ॥ ১০ ॥
চতুর্মার্গমধ্যে সুকোণান্তরঙ্গে খরন্ধ্রে সুধাকারকূপান্তরাল়ে ।
নিরালম্বপদ্মে কলাষোডশান্তে সদা সঞ্চরন্তীং ভজে পাণ্ড্যবালাম্ ॥ ১১ ॥
পুটদ্বন্দ্বনির্মুক্তবায়ুপ্রলীনপ্রকাশান্তরালে ধ্রুবোপেতরম্যে ।
মহাষোডশান্তে মনোনাশদেশে সদা সঞ্চরন্তীং ভজে পাণ্ড্যবালাম্ ॥ ১২ ॥
চতুষ্পত্রমধ্যে সুকোণত্রয়ান্তে ত্রিমূর্ত্যাধিবাসে ত্রিমার্গান্তরাল়ে ।
সহস্রারপদ্মোচিতাং চিৎপ্রকাশপ্রবাহপ্রলীনাং ভজে পাণ্ড্যবালাম্ ॥ ১৩ ॥
লসদ্দ্বাদশান্তেন্দুপীয়ূষধারাবৃতাং মূর্তিমানন্দমগ্নান্তরঙ্গাম্ ।
পরাং ত্রিস্তনীং তাং চতুষ্কূটমধ্যে পরন্ধামরূপাং ভজে পাণ্ড্যবালাম্ ॥ ১৪ ॥
সহস্রারপদ্মে সুষুম্নান্তমার্গে স্ফুরচ্চন্দ্রপীয়ূষধারাং পিবন্তীম্ ।
সদা স্রাবয়ন্তীং সুধামূর্তিমম্বাং পরঞ্জ্যোতিরূপাং ভজে পাণ্ড্যবালাম্ ॥ ১৫ ॥
নমস্তে সদা পাণ্ড্যরাজেন্দ্রকন্যে নমস্তে সদা সুন্দরেশাঙ্কবাসে ।
নমস্তে নমস্তে সুমীনাক্ষি দেবি নমস্তে নমস্তে পুনস্তে নমোঽস্তু ॥ ১৬ ॥
ইতি শ্রীয়োগমীনাক্ষীস্তোত্রং সম্পূর্ণম্ ।
– Chant Stotra in Other Languages –
Sri YogaMeenakshi Amman Stotram in Sanskrit – English – Bengali – Gujarati – Kannada – Malayalam – Odia – Telugu – Tamil