॥ Yugal Ashtakam Kannada Lyrics ॥
॥ ಶ್ರೀಯುಗಲಾಷ್ಟಕಮ್ ॥
ಶ್ರೀಮಾಧವೇನ್ದ್ರಪುರೀವಿರಚಿತಂ ।
ವೃನ್ದಾವನವಿಹಾರಾಢ್ಯೌ ಸಚ್ಚಿದಾನನ್ದವಿಗ್ರಹೌ ।
ಮಣಿಮಂಡಪಮಧ್ಯಸ್ಥೌ ರಾಧಾಕೃಷ್ಣೌ ನಮಾಮ್ಯಹಮ್ ॥ 1 ॥
ಪೀತನೀಲಪಟೌ ಶಾನ್ತೌ ಶ್ಯಾಮಗೌರಕಲೇಬರೌ ।
ಸದಾ ರಾಸರತೌ ಸತ್ಯೌ ರಾಧಾಕೃಷ್ಣೌ ನಮಾಮ್ಯಹಮ್ ॥ 2 ॥
ಭಾವಾವಿಷ್ಟೌ ಸದಾ ರಮ್ಯೌ ರಾಸಚಾತುರ್ಯಪಂಡಿತೌ ।
ಮುರಲೀಗಾನತತ್ತ್ವಜ್ಞೌ ರಾಧಾಕೃಷ್ಣೌ ನಮಾಮ್ಯಹಮ್ ॥ 3 ॥
ಯಮುನೋಪವನಾವಾಸೌ ಕದಮ್ಬವನಮನ್ದಿರೌ ।
ಕಲ್ಪದ್ರುಮವನಾಧೀಶೌ ರಾಧಾಕೃಷ್ಣೌ ನಮಾಮ್ಯಹಮ್ ॥ 4 ॥
ಯಮುನಾಸ್ನಾನಸುಭಗೌ ಗೋವರ್ಧನವಿಲಾಸಿನೌ ।
ದಿವ್ಯಮನ್ದಾರಮಾಲಾಢ್ಯೌ ರಾಧಾಕೃಷ್ಣೌ ನಮಾಮ್ಯಹಮ್ ॥ 5 ॥
ಮಂಜೀರರಂಜಿತಪದೌ ನಾಸಾಗ್ರಗಜಮೌಕ್ತಿಕೌ ।
ಮಧುರಸ್ಮೇರಸುಮುಖೌ ರಾಧಾಕೃಷ್ಣೌ ನಮಾಮ್ಯಹಮ್ ॥ 6 ॥
ಅನನ್ತಕೋಟಿಬ್ರಹ್ಮಾಂಡೇ ಸೃಷ್ಟಿಸ್ಥಿತ್ಯನ್ತಕಾರಿಣೌ ।
ಮೋಹನೌ ಸರ್ವಲೋಕಾನಾಂ ರಾಧಾಕೃಷ್ಣೌ ನಮಾಮ್ಯಹಮ್ ॥ 7 ॥
ಪರಸ್ಪರಸಮಾವಿಷ್ಟೌ ಪರಸ್ಪರಗಣಪ್ರಿಯೌ ।
ರಸಸಾಗರಸಮ್ಪನ್ನೌ ರಾಧಾಕೃಷ್ಣೌ ನಮಾಮ್ಯಹಮ್ ॥ 8 ॥
ಇತಿ ಶ್ರೀಮಾಧವೇನ್ದ್ರಪುರೀವಿರಚಿತಂ ಶ್ರೀಯುಗಲಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Yugal Ashtakam Stotras, Stutis & Aarti » Yamuna Ashtapadi Lyrics in Sanskrit » English » Bengali » Gujarati » Malayalam » Odia » Telugu » Tamil