॥ Subramanya Shadakshara Ashtottara Shatanama Stotram English Lyrics ॥
॥ ṣaḍakṣarāṣṭōttaraśatanāma stōtram ॥
śaraṇyaḥ śarvatanayaḥ śarvāṇīpriyanandanaḥ ।
śarakānanasambhūtaḥ śarvarīśamukhaḥ śamaḥ ॥ 1 ॥
śaṅkaraḥ śaraṇatrātā śaśāṅkamukuṭōjjvalaḥ ।
śarmadaḥ śaṅkhakaṇṭhaśca śarakārmukahētibhr̥t ॥ 2 ॥
śaktidhārī śaktikaraḥ śatakōṭyarkapāṭalaḥ ।
śamadaḥ śatarudrasthaḥ śatamanmathavigrahaḥ ॥ 3 ॥
raṇāgraṇī rakṣaṇakr̥drakṣōbalavimardanaḥ ।
rahasyajñō ratikarō raktacandanalēpanaḥ ॥ 4 ॥
ratnadhārī ratnabhūṣō ratnakuṇḍalamaṇḍitaḥ ।
raktāmbarō ramyamukhō ravicandrāgnilōcanaḥ ॥ 5 ॥
ramākalatrajāmātā rahasyō raghupūjitaḥ ।
rasakōṇāntarālasthō rajōmūrtī ratipradaḥ ॥ 6 ॥
vasudō vaṭurūpaśca vasantar̥tupūjitaḥ ।
valavairisutānāthō vanajākṣō varākr̥tiḥ ॥ 7 ॥
vakratuṇḍānujō vatsō varadābhayahastakaḥ ।
vatsalō varṣakāraśca vasiṣṭhādiprapūjitaḥ ॥ 8 ॥
vaṇigrūpō varēṇyaśca varṇāśramavidhāyakaḥ ।
varadō vajrabhr̥dvandyō vandārujanavatsalaḥ ॥ 9 ॥
nakārarūpō nalinō nakārayutamantrakaḥ ।
nakāravarṇanilayō nandanō nandivanditaḥ ॥ 10 ॥
naṭēśaputrō namrabhrūrnakṣatragrahanāyakaḥ ।
nagāgranilayō namyō namadbhaktaphalapradaḥ ॥ 11 ॥
navanāgō nagaharō navagrahasuvanditaḥ ।
navavīrāgrajō navyō namaskārastutipriyaḥ ॥ 12 ॥
bhadrapradaśca bhagavān bhavāraṇyadavānalaḥ ।
bhavōdbhavō bhadramūrtirbhartsitāsuramaṇḍalaḥ ॥ 13 ॥
bhayāpahō bhargarūpō bhaktābhīṣṭaphalapradaḥ ।
bhaktigamyō bhaktanidhirbhayaklēśavimōcanaḥ ॥ 14 ॥
bharatāgamasuprītō bhaktō bhaktārtibhañjanaḥ ।
bhayakr̥dbharatārādhyō bharadvājar̥ṣistutaḥ ॥ 15 ॥
varuṇō varuṇārādhyō valārātimukhastutaḥ ।
vajraśaktyāyudhōpētō varō vakṣaḥsthalōjjvalaḥ ॥ 16 ॥
vasturūpō vaśidhyēyō valitrayavirājitaḥ ।
vakrālakō valayadhr̥t valatpītāmbarōjjvalaḥ ॥ 17 ॥
vacōrūpō vacanadō vacō:’tītacaritrakaḥ ।
varadō vaśyaphaladō vallīdēvīmanōharaḥ ॥ 18 ॥
iti śrīsubrahmaṇya ṣaḍakṣarāṣṭōttaraśatanāmastōtram ।
– Chant Stotra in Other Languages –
Sri Subrahmanya / Kartikeya / Muruga Astottarasatanamani » Subramanya Shadakshara Ashtottara Shatanama Stotram Lyrics in Sanskrit » Kannada » Telugu » Tamil