॥ Subramanya Shadakshara Ashtottara Shatanama Stotram Telugu Lyrics ॥
॥ షడక్షరాష్టోత్తరశతనామ స్తోత్రం ॥
శరణ్యః శర్వతనయః శర్వాణీప్రియనందనః ।
శరకాననసంభూతః శర్వరీశముఖః శమః ॥ ౧ ॥
శంకరః శరణత్రాతా శశాంకముకుటోజ్జ్వలః ।
శర్మదః శంఖకంఠశ్చ శరకార్ముకహేతిభృత్ ॥ ౨ ॥
శక్తిధారీ శక్తికరః శతకోట్యర్కపాటలః ।
శమదః శతరుద్రస్థః శతమన్మథవిగ్రహః ॥ ౩ ॥
రణాగ్రణీ రక్షణకృద్రక్షోబలవిమర్దనః ।
రహస్యజ్ఞో రతికరో రక్తచందనలేపనః ॥ ౪ ॥
రత్నధారీ రత్నభూషో రత్నకుండలమండితః ।
రక్తాంబరో రమ్యముఖో రవిచంద్రాగ్నిలోచనః ॥ ౫ ॥
రమాకలత్రజామాతా రహస్యో రఘుపూజితః ।
రసకోణాంతరాలస్థో రజోమూర్తీ రతిప్రదః ॥ ౬ ॥
వసుదో వటురూపశ్చ వసంతఋతుపూజితః ।
వలవైరిసుతానాథో వనజాక్షో వరాకృతిః ॥ ౭ ॥
వక్రతుండానుజో వత్సో వరదాభయహస్తకః ।
వత్సలో వర్షకారశ్చ వసిష్ఠాదిప్రపూజితః ॥ ౮ ॥
వణిగ్రూపో వరేణ్యశ్చ వర్ణాశ్రమవిధాయకః ।
వరదో వజ్రభృద్వంద్యో వందారుజనవత్సలః ॥ ౯ ॥
నకారరూపో నలినో నకారయుతమంత్రకః ।
నకారవర్ణనిలయో నందనో నందివందితః ॥ ౧౦ ॥
నటేశపుత్రో నమ్రభ్రూర్నక్షత్రగ్రహనాయకః ।
నగాగ్రనిలయో నమ్యో నమద్భక్తఫలప్రదః ॥ ౧౧ ॥
నవనాగో నగహరో నవగ్రహసువందితః ।
నవవీరాగ్రజో నవ్యో నమస్కారస్తుతిప్రియః ॥ ౧౨ ॥
భద్రప్రదశ్చ భగవాన్ భవారణ్యదవానలః ।
భవోద్భవో భద్రమూర్తిర్భర్త్సితాసురమండలః ॥ ౧౩ ॥
భయాపహో భర్గరూపో భక్తాభీష్టఫలప్రదః ।
భక్తిగమ్యో భక్తనిధిర్భయక్లేశవిమోచనః ॥ ౧౪ ॥
భరతాగమసుప్రీతో భక్తో భక్తార్తిభంజనః ।
భయకృద్భరతారాధ్యో భరద్వాజఋషిస్తుతః ॥ ౧౫ ॥
వరుణో వరుణారాధ్యో వలారాతిముఖస్తుతః ।
వజ్రశక్త్యాయుధోపేతో వరో వక్షఃస్థలోజ్జ్వలః ॥ ౧౬ ॥
వస్తురూపో వశిధ్యేయో వలిత్రయవిరాజితః ।
వక్రాలకో వలయధృత్ వలత్పీతాంబరోజ్జ్వలః ॥ ౧౭ ॥
వచోరూపో వచనదో వచోఽతీతచరిత్రకః ।
వరదో వశ్యఫలదో వల్లీదేవీమనోహరః ॥ ౧౮ ॥
ఇతి శ్రీసుబ్రహ్మణ్య షడక్షరాష్టోత్తరశతనామస్తోత్రమ్ ।
– Chant Stotra in Other Languages –
Sri Subrahmanya / Kartikeya / Muruga Astottarasatanamani » Subramanya Shadakshara Ashtottara Shatanama Stotram Lyrics in Sanskrit » English » Kannada » Tamil