॥ Tirtha Ashtakam Gujarati Lyrics ॥
॥ તીર્થાષ્ટકમ્ ॥
માતૃતીર્થમ્– નાસ્તિ માતૃસમં તીર્થં પુત્રાણાં તારણાય ચ ।
હિતાયાઽત્ર પરત્રાર્થં યૈસ્તુ માતા પ્રપૂજિતા ॥ ૧ ॥
પિતૃતીર્થમ્– વેદૈરપિ ચ કિં પુત્ર ! પિતા યેન પ્રપૂજિતઃ ।
એષ પુત્રસ્ય વૈ ધર્મસ્તથા તીર્થં નરેષ્વિહ ॥ ૨ ॥
ગુરુતીર્થમ્– અજ્ઞાન-તિમિરાન્ધત્વં ગુરુઃ શીઘ્રં પ્રણાશયેત્ ।
તસ્માત્ ગુરુઃ પરં તીર્થં શિષ્યાણાં હિતચિન્તકઃ ॥ ૩ ॥
ભક્તતીર્થમ્– તીર્થભૂતો હરેર્ભક્તઃ સ્વયં પૂતશ્ચ પાવકઃ ।
યેન ભસ્મીકૃતો લોકે પાપપુઞ્જો હિ સુવ્રત! ॥ ૪ ॥
પતિતીર્થમ્– પ્રયાગ-પુષ્કરસમૌ પત્યુઃ પાદૌ સ્મૃતાવતઃ ।
સ્નાતવ્યં સતતં સ્ત્રીભિસ્તીર્થભૂતે સરોવરે ॥ ૫ ॥
પત્નીતીર્થમ્– નાસ્તિ પત્નીસમં તીર્થં ભૂતલે તારણાય તુ ।
યસ્ય ગેહે સતી નારી સ ધન્યઃ પુરુષો મતઃ ॥ ૬ ॥
મિત્રતીર્થમ્– સમ્પત્તૌ ચ વિપત્તૌ ચ યસ્તિષ્ઠતિ સદાઽત્ર વૈ ।
મિત્રતીર્થં પરં લોકે મુનિભિઃ પરિભાષિતમ્ ॥ ૭ ॥
વિપ્રતીર્થમ્– જઙ્ગમં વિપ્રતીર્થં તદ્ વેદપૂતં ચ નિર્મલમ્ ।
યસ્ય વાક્-સલિલેનૈવ શુદ્ધ્યન્તિ મલિનો જનાઃ ॥ ૮ ॥
તીર્થાષ્ટકમિદં પુણ્યં શ્રી”દ્વિજેન્દ્ર”વિનિર્મિતમ્ ।
સેવિતવ્યં સદા ભક્ત્યા ભુક્તિ-મુક્તિપ્રદાયકમ્ ॥ ૯ ॥
ઇતિ શ્રીગાર્ગ્યમુનિ”દ્વિજેન્દ્ર”કવિકૃતં તીર્થાષ્ટકં સમાપ્તમ્ ।
– Chant Stotra in Other Languages –
Tirtha Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil