॥ Tirtha Ashtakam Telugu Lyrics ॥
॥ తీర్థాష్టకమ్ ॥
మాతృతీర్థమ్– నాస్తి మాతృసమం తీర్థం పుత్రాణాం తారణాయ చ ।
హితాయాఽత్ర పరత్రార్థం యైస్తు మాతా ప్రపూజితా ॥ ౧ ॥
పితృతీర్థమ్– వేదైరపి చ కిం పుత్ర ! పితా యేన ప్రపూజితః ।
ఏష పుత్రస్య వై ధర్మస్తథా తీర్థం నరేష్విహ ॥ ౨ ॥
గురుతీర్థమ్– అజ్ఞాన-తిమిరాన్ధత్వం గురుః శీఘ్రం ప్రణాశయేత్ ।
తస్మాత్ గురుః పరం తీర్థం శిష్యాణాం హితచిన్తకః ॥ ౩ ॥
భక్తతీర్థమ్– తీర్థభూతో హరేర్భక్తః స్వయం పూతశ్చ పావకః ।
యేన భస్మీకృతో లోకే పాపపుఞ్జో హి సువ్రత! ॥ ౪ ॥
పతితీర్థమ్– ప్రయాగ-పుష్కరసమౌ పత్యుః పాదౌ స్మృతావతః ।
స్నాతవ్యం సతతం స్త్రీభిస్తీర్థభూతే సరోవరే ॥ ౫ ॥
పత్నీతీర్థమ్– నాస్తి పత్నీసమం తీర్థం భూతలే తారణాయ తు ।
యస్య గేహే సతీ నారీ స ధన్యః పురుషో మతః ॥ ౬ ॥
మిత్రతీర్థమ్– సమ్పత్తౌ చ విపత్తౌ చ యస్తిష్ఠతి సదాఽత్ర వై ।
మిత్రతీర్థం పరం లోకే మునిభిః పరిభాషితమ్ ॥ ౭ ॥
విప్రతీర్థమ్– జఙ్గమం విప్రతీర్థం తద్ వేదపూతం చ నిర్మలమ్ ।
యస్య వాక్-సలిలేనైవ శుద్ధ్యన్తి మలినో జనాః ॥ ౮ ॥
తీర్థాష్టకమిదం పుణ్యం శ్రీ”ద్విజేన్ద్ర”వినిర్మితమ్ ।
సేవితవ్యం సదా భక్త్యా భుక్తి-ముక్తిప్రదాయకమ్ ॥ ౯ ॥
ఇతి శ్రీగార్గ్యముని”ద్విజేన్ద్ర”కవికృతం తీర్థాష్టకం సమాప్తమ్ ।
– Chant Stotra in Other Languages –
Tirtha Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil