॥ Trailokya Mohana Ganapati Kavacham English Lyrics ॥
॥ trailōkyamōhana gaṇapati kavacam ॥
namastasmai gaṇēśāya sarvavighnavināśinē ।
kāryārambhēṣu sarvēṣu pūjyatē yaḥ surairapi ॥ 1 ॥
śrīmanmahāgaṇapatēḥ kavacasya r̥ṣiḥ śivaḥ ।
gaṇapatirdēvatā ca gāyatrī chandaḥ ēva ca ।
dharmārthakāmamōkṣēṣu viniyōgaḥ prakīrtitaḥ ।
śaktiḥ svāhā glaiṁ bījaṁ viniyōgasya kīrtitaḥ ॥
atha nyāsaḥ ।
ōṁ śrīṁ hrīṁ klīṁ aṅguṣṭhābhyāṁ namaḥ ।
glauṁ gaṁ gaṇapatayē tarjanībhyāṁ namaḥ ।
varavarada madhyamābhyāṁ namaḥ ।
sarvajanaṁ mē anāmikābhyāṁ namaḥ ।
vaśamānaya kaniṣṭhikābhyāṁ namaḥ ।
svāhā karatalakarapr̥ṣṭhābhyāṁ namaḥ ।
ēvaṁ hr̥dayādi nyāsaḥ ॥
dhyānam –
hastīndrānanaminducūḍamaruṇacchāyaṁ trinētraṁ rasā-
-dāśliṣṭaṁ priyayā sapadmakarayā svāṅkasthayā santatam ।
bījāpūragadādhanustriśikhayuk cakrābjapāśōtpala
vrīhyagrasvaviṣāṇaratnakalaśān hastairvahantaṁ bhajē ।
kavacaṁ –
ōṁ brahmabījaṁ śiraḥ pātu kēvalaṁ muktidāyakam ।
śrīṁ bījamakṣiṇī pātu sarvasiddhisamarpakam ॥ 1 ॥
hr̥llēkhā śrōtrayōḥ pātu sarvaśatruvināśinī ।
kāmabījaṁ kapōlau ca sarvaduṣṭanivāraṇam ॥ 2 ॥
glauṁ gaṁ ca gaṇapatayē vācaṁ pātu vināyakaḥ ।
varabījaṁ tathā jihvāṁ varadaṁ hastayōstathā ॥ 3 ॥
sarvajanaṁ mē ca bāhudvayaṁ kaṇṭhaṁ gaṇēśvaraḥ ।
vaśaṁ mē pātu hr̥dayaṁ pātu siddhīśvarastathā ॥ 4 ॥
nābhiṁ ānaya mē pātu sarvasiddhivināyakaḥ ।
jaṅghayōrgulphayōḥ svāhā sarvāṅgaṁ vighnanāyakaḥ ॥ 5 ॥
gaṇapatistvagrataḥ pātu gaṇēśaḥ pr̥ṣṭhatastathā ।
dakṣiṇē siddhidaḥ pātu vāmē viśvārtihārakaḥ ॥ 6 ॥
durjayō rakṣatu prācyāmāgnēyyāṁ gaṇapastathā ।
dakṣiṇasyāṁ girijajō nairr̥tyāṁ śambhunandanaḥ ॥ 7 ॥
pratīcyāṁ sthāṇujaḥ pātu vāyavyāmākhuvāhanaḥ ।
kaubēryāmīśvaraḥ pātu īśānyāmīśvarātmajaḥ ॥ 8 ॥
adhō gaṇapatiḥ pātu ūrdhaṁ pātu vināyakaḥ ।
ētābhyō daśadigbhyastu pātu nityaṁ gaṇēśvaraḥ ॥ 9 ॥
itīdaṁ kathitaṁ dēvi brahmavidyākalēvaram ।
trailōkyamōhanaṁ nāma kavacaṁ brahmarūpakam ॥ 10 ॥
iti śrīmahāgaṇapati trailōkyamōhanakavacaṁ sampūrṇam ।
– Chant Stotra in Other Languages –
Sri Ganesha Stotram » Trailokya Mohana Ganapati Kavacham in Lyrics in Sanskrit » Kannada » Telugu » Tamil