॥ Tripura Sundari Ashtakam Gujarati Lyrics ॥
॥ ત્રિપુરસુન્દરી અષ્ટકં ॥
કદમ્બવનચારિણીં મુનિકદમ્બકાદમ્બિનીં
નિતમ્બજિત ભૂધરાં સુરનિતમ્બિનીસેવિતામ્ ।
નવામ્બુરુહલોચનામભિનવામ્બુદશ્યામલાં
ત્રિલોચનકુટુમ્બિનીં ત્રિપુરસુન્દરીમાશ્રયે ॥ ૧ ॥
કદમ્બવનવાસિનીં કનકવલ્લકીધારિણીં
મહાર્હમણિહારિણીં મુખસમુલ્લસદ્વારુણીમ્ ।
દયાવિભવકારિણીં વિશદલોચનીં ચારિણીં
ત્રિલોચનકુટુમ્બિનીં ત્રિપુરસુન્દરીમાશ્રયે ॥ ૨ ॥
કદમ્બવનશાલયા કુચભરોલ્લસન્માલયા
કુચોપમિતશૈલયા ગુરુકૃપાલસદ્વેલયા ।
મદારુણકપોલયા મધુરગીતવાચાલયા
કયાઽપિ ઘનનીલયા કવચિતા વયં લીલયા ॥ ૩ ॥
કદમ્બવનમધ્યગાં કનકમણ્ડલોપસ્થિતાં
ષડમ્બુરુહવાસિનીં સતતસિદ્ધસૌદામિનીમ્ ।
વિડમ્બિતજપારુચિં વિકચચંદ્રચૂડામણિં
ત્રિલોચનકુટુમ્બિનીં ત્રિપુરસુન્દરીમાશ્રયે ॥ ૪ ॥
કુચાઞ્ચિતવિપઞ્ચિકાં કુટિલકુન્તલાલંકૃતાં
કુશેશયનિવાસિનીં કુટિલચિત્તવિદ્વેષિણીમ્ ।
મદારુણવિલોચનાં મનસિજારિસંમોહિનીં
મતઙ્ગમુનિકન્યકાં મધુરભાષિણીમાશ્રયે ॥ ૫ ॥
સ્મરપ્રથમપુષ્પિણીં રુધિરબિન્દુનીલામ્બરાં
ગૃહીતમધુપાત્રિકાં મદવિઘૂર્ણનેત્રાઞ્ચલાં ।
ઘનસ્તનભરોન્નતાં ગલિતચૂલિકાં શ્યામલાં
ત્રિલોચનકુટુંબિનીં ત્રિપુરસુન્દરીમાશ્રયે ॥ ૬ ॥
સકુઙ્કુમવિલેપનામલકચુંબિકસ્તૂરિકાં
સમન્દહસિતેક્ષણાં સશરચાપપાશાઙ્કુશામ્ ।
અશેષજનમોહિનીમરુણમાલ્ય ભૂષામ્બરાં
જપાકુસુમભાસુરાં જપવિધૌ સ્મરામ્યમ્બિકામ્ ॥ ૭ ॥
પુરંદરપુરંધ્રિકાં ચિકુરબન્ધસૈરંધ્રિકાં
પિતામહપતિવ્રતાં પટપટીરચર્ચારતામ્ ।
મુકુન્દરમણીમણીલસદલંક્રિયાકારિણીં
ભજામિ ભુવનાંબિકાં સુરવધૂટિકાચેટિકામ્ ॥ ૮ ॥
॥ ઇતિ શ્રીમદ્ શંકરાચાર્યવિરચિતં
ત્રિપુરસુન્દરીઅષ્ટકં સમાપ્તં ॥
– Chant Stotra in Other Languages –
Sri Durga Slokam » Tripura Sundari Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil